មហាសាមគ្គីជនជាតិ ភូមិស្រុកផ្លាស់ថ្មី

28/10/2026 - 08:04

ជំនួយតំបន់ជនរួមជាតិខ្មែរអភិវឌ្ឍសេដ្ឋកិច្ច

មានឱកាសបានមកភូមិផ្នោកញ្ជើ ឃុំង៉ុកតូ ទីក្រុងកឹងធើ ជាកន្លែងដែលមានជនរួមជាតិខ្មែររស់នៅច្រើនកុះករ។ ប្រការដែលយើងខ្ញុំចាប់អារម្មណ៍គឺទីនេះមានការផ្លាស់ប្តូរយ៉ាងច្រើន ចាប់តាំងពីផ្លូវថ្នល់រឹងមាំ ទេសភាពបរិស្ថានបៃតង ស្អាត រហូតដល់ផ្ទះថ្មសាងសង់តម្រៀបគ្នា។ ប្រឡាយទឹកសាបបានស្តារដើម្បីបម្រើមាមីងបង្កើនការផលិតស្រូវ ២ រដូវ និងដាំដំណាំរួមផ្សំឆ្លាស់គ្នា ជួយឱ្យមាមីងបង្កើនប្រាក់ចំណូលលំនឹងជីវភាព។

បង ត្រឹងថាញ់ដៀង ភូមិផ្នោកញ្ជើ ឃុំង៉ុកតូ កំពុងស្រោចទឹកខ្ទឹមស្លឹករបស់គ្រួសារ។

ដើម្បីសម្រេចបានលទ្ធផលនេះ គឺអាស្រ័យមានគោលនយោបាយបុលទុនផលិតរបស់រដ្ឋាភិបាល ក៏ដូចជាកម្មវិធីវិនិយោគហេដ្ឋារចនាសម្ព័ន្ធគមនាគមន៍ ទេសភាពបរិស្ថានតភ្ជាប់នឹងការកសាងជនបទថ្មី ដែលបានថ្នាក់លើផ្តោតការយកចិត្តទុកដាក់វិនិយោគក្នុងរយៈពេលកន្លង។ អាស្រ័យហេតុនេះ ជីវភាពសម្ភារៈនិងស្មារតីរបស់ប្រជាជននិយាយរួម និងជនរួមជាតិខ្មែរនិយាយដោយឡែក នៅភូមិផ្នោកញ្ជើត្រូវបានលើកកម្ពស់ឥតឈប់ឈរ មាមីងនៅទីនេះរស់នៅប្រកបរបរកសិកម្ម ចិញ្ចឹមសត្វ និងលក់ដូរខ្នាតតូច។ យោងតាមបង តាថាញ់តឹម លេខា សាខាបក្សនិងជាប្រធានគណៈប្រជាជនភូមិផ្នោកញ្ជើ ឃុំង៉ុកតូ បានឱ្យដឹង លោកនិងសាខាបក្សភូមិតែងសហការជាមួយអង្គការមហាជននានារបស់ភូមិនិងឃុំ ចុះដល់គ្រួសារនីមួយៗ ដើម្បីចែករំលែកបទពិសោធន៍ ការរកស៊ី និងជំនួយទុនដើម្បីឱ្យប្រជាជនមានលក្ខណៈផលិត កែលម្អជីវភាព។ អាស្រ័យហេតុនេះ ជីវភាពរបស់ប្រជាជនតែងបានកែលម្អគួរឱ្យកត់សម្គាល់ អត្រាគ្រួសារក្រីក្របានថយចុះយ៉ាងខ្លាំង។ ពេលសាកសួរអំពីការចលនាប្រជាជនចូលរួមកសាងជនបទថ្មី បងតឹម ចែករំលែក៖ “ការចូលរួមកសាងជនបទថ្មីកន្លងមក ខ្ញុំនិងសមមិត្តក្នុងសាខាបក្សភូមិ បានចលនាប្រជាជនចូលរួមដាំផ្កាលម្អនៅតាមបណ្ដោយផ្លូវប្រវែង ៦០០ ម៉ែត្រ។ ទន្ទឹមនឹងនោះ បានរួមវិភាគទានថវិកាអនុវត្តសំណង់អុជបំភ្លឺផ្លូវនៅតាមដងផ្លូវជនបទ ដោយមានបង្គោលភ្លើងចំនួន ៦៤ ដើម ដើម្បីបង្កភាពងាយស្រួលដល់មាមីងធ្វើដំណើរពេលយប់ និងរួមចំណែកធានាសន្តិសុខសណ្តាប់ធ្នាប់ក្នុងភូមិភាគ”។

រីករាយចំពោះការយកចិត្តទុកដាក់ ការគិតគូររបស់រដ្ឋចំពោះតំបន់ជនរួមជាតិ បងត្រឹងថាញ់ដៀង ភូមិផ្នោកញ្ជើ ឃុំង៉ុកតូ ឱ្យដឹង៖ “បច្ចុប្បន្ន អាស្រ័យគោលនយោបាយឧបត្ថម្ភរបស់រដ្ឋ ដូច្នេះដងផ្លូវជនបទបានចាក់បេតុង ងាយស្រួលក្នុងការធ្វើដំណើរ និងដឹកជញ្ជូនទំនិញ ប្រព័ន្ធធារាសាស្ត្រក៏បានស្តារឡើងវិញដើម្បីបម្រើដល់ការផលិតកសិកម្ម ប្រជាជនយើងខ្ញុំយល់ស្រប រីករាយស្ងប់ចិត្តនិងខិតខំប្រឹងប្រែងពលកម្មផលិត”។ អាស្រ័យបានបក្សនិងរដ្ឋយកចិត្តទុកដាក់ជំនួយដល់ប្រជាជន ពិសេសគឺតំបន់ជនរួមជាតិខ្មែរ បានរដ្ឋវិនិយោគកសាងប្រព័ន្ធហេដ្ឋារចនាសម្ព័ន្ធបានសម្រេចរួចរាល់ ក្រៅពីនេះ ថែមទាំងជួយឧបត្ថម្ភទុនបុលពីធនាគារគោលនយោបាយសង្គម ដើម្បីមាមីងអភិវឌ្ឍសេដ្ឋកិច្ចគ្រួសារ ជីវភាពសម្ភារៈនិងស្មារតីរបស់មាមីងក្នុងភូមិកាន់តែបានលើកកម្ពស់ពីមួយថ្ងៃទៅមួយថ្ងៃ និងសាងសង់បានផ្ទះរឹងមាំស្អាតៗ ជាច្រើន មានគ្រួសារជាច្រើនបានចាកផុតពីភាពក្រីក្រ ឈានឡើងធ្វើមានដោយស្របច្បាប់។

បច្ចុប្បន្នពេលវិលមកកាន់ភូមិផ្នោកញ្ជើ យើងនឹងសង្កេតឃើញនូវទិដ្ឋភាពជនបទដែលមានភាពផ្លាស់ថ្មីលើគ្រប់វិស័យ ជាមួយនឹងហេដ្ឋារចនាសម្ព័ន្ធរឹងមាំ វាលស្រែល្វឹងល្វើយ និងចម្ការបន្លែបៃតងស្រស់បំព្រង ក្នុងក្តីសប្បាយរីករាយរបស់ប្រជាជន។ សមិទ្ធផលទាំងនោះ មានការរួមចំណែករួមរបស់គណៈកម្មាធិការបក្ស រដ្ឋអំណាច និងប្រជាជនឃុំង៉ុកតូផងដែរ៕

ដាលីន

ចែករំលែកអត្ថបទ

ពាក្យគន្លឹះ