វប្បធម៌-សិល្បៈ វប្បធម៌

24/10/2026 - 07:37

វត្តប្រជុំដែនមានជ័យអុងតាវ ធ្វើពិធីដាក់ទូក ង ចុះទឹក២គ្រឿង

វត្តប្រជុំដែនមានជ័យអុងតាវ នៅភូមិ B១ ឃុំតឹងឡុង ទីក្រុងកឹងធើ ទើបធ្វើពិធីដាក់ទូក ងបុរស និងទូក ងនារីចុះទឹក២គ្រឿង ត្រៀមចូលរួមអុំប្រណាំងក្នុងពិធីបុណ្យអកអំបុក ឆ្នាំ២០២៦។

ពិធីដាក់ទូកចុះទឹកនៅវត្តអុងតាវ។

នេះជាលើកដំបូងដែលវត្តប្រជុំដែនមានជ័យអុងតាវ បោះថ្មីទាំងទូកបុរសនិងទូកនារី សរុបថវិកា ៤០០ លានដុង។ ព្រះតេជព្រះគុណ ស៊ើងភឿកឡើយ ព្រះចៅអធិការវត្តប្រជុំដែនមានជ័យអុងតាវ មានថេរដីកា៖ ការបោះទូក ង ថ្មី២គ្រឿងបង្កលក្ខណៈដើម្បីកីឡាករ កីឡាការិនីរបស់ភូមិភាគចូលរួមអុំប្រណាំង។ ទន្ទឹមនឹងនោះ បង្ហាញពីការរួមកម្លាំងរបស់ព្រះសង្ឃ គណៈកម្មការវត្តនិងមាមីងពុទ្ធបរិស័ទក្នុងការរក្សាចលនាប្រណាំងទូក ង។

បន្ទាប់ពីដាក់ទូកចុះទឹក ក្រុមទូកនឹងប្រមូលផ្តុំកីឡាករ ចាត់តាំងការហាត់សម ពង្រឹងកាយសម្បទានិងលើកកម្ពស់បច្ចេកទេសសហការដើម្បីចូលរួមអុំប្រណាំង៕

គីមង៉ុក-មុនី

ចែករំលែកអត្ថបទ

ពាក្យគន្លឹះ