វប្បធម៌-សិល្បៈ វប្បធម៌

24/10/2026 - 07:37

ក្រុមកីឡាករទូក ងវត្តព្រែកអណ្តើក សកម្មហាត់សមត្រៀមលក្ខណៈចូលរួមពិធីបុណ្យអកអំបុកប្រណាំងទូក ង

ប៉ុន្មានថ្ងៃនេះ លើភូមិឋានទីក្រុងកឹងធើ បរិយាកាសនៅតាមដងព្រែកប្រឡាយនិងទីធ្លាបរិវេណវត្ត មានសកម្មភាពហាត់សមអុំទូក ង ប្រព្រឹត្តទៅយ៉ាងផុលផុស។ កីឡាករទូក ង កំពុងហាត់សម ពង្រឹងកាយសម្បទានិងបច្ចេកទេសដើម្បីចូលរួមរដូវកាលប្រណាំង។ សំឡេងហ៊ោអបអរសាទរ សូរកញ្ចែបន្លឺឡើងយ៉ាងកង រំពងស្របតាមចង្វាក់អុំ រួមនឹងស្មារតីប្តេជ្ញាចិត្តខ្ពស់ បង្កបរិយាកាសអ៊ូរអរ សប្បាយរីករាយរបស់ជនរួមជាតិខ្មែរ។

ចលនារាងកាយមុនពេលហាត់សមរបស់កីឡាករទូក ងវត្តព្រែកអណ្តើក ឃុំញូយ៉ា។

បន្ទាប់ពីចលនារាងកាយរួច កីឡាករទាំងអស់ចុះទៅហាត់សមអុំលើបន្ទារអង្គុយ ចំកន្លែងរៀងៗខ្លួន និងចាប់ផ្តើមហាត់តាមលំដាប់លំដោយ។ ក្រោមការណែនាំរបស់ប្រធានក្រុមនិងអ្នកមានបទពិសោធន៍ នៅរាល់ចង្វាក់អុំសុទ្ធតែបានកែសម្រួលដើម្បីធានាភាពស្មើល្អ ច្បាស់លាស់និងស្វាហាប់។ ហេតុនេះ នៅរាល់ពេលហ្វឹកហាត់ កីឡាករតែងយកចិត្តទុកដាក់រក្សាចង្វាក់អុំឱ្យបានត្រឹមត្រូវ ស្តាប់សូរកញ្ចែនិងសហការយ៉ាងជិតស្និទ្ធជាមួយមិត្តរួមក្រុម។ តាមថេរដីការបស់ព្រះតេជព្រះគុណ ឡឹមចន្ទសំណាង ព្រះចៅអធិការរងវត្តព្រែកអណ្តើក នេះជាឆ្នាំទី២ ដែលទូក ងវត្តចូលរួមអុំប្រណាំងនៅក្នុងពិធីបុណ្យអកអំបុក-ប្រណាំងទូក ង ប្រពៃណី បន្ទាប់ពីខកខានចូលរួមអស់រយៈកាលជាង១០០ ឆ្នាំ។ ពិសេស នៅក្នុងពិធីបុណ្យអុំទូកកាលពីឆ្នាំកន្លង ដោយភាពសប្បាយរីករាយនិងការប្តេជ្ញាចិត្តខ្ពស់របស់កីឡាករនិងមាមីងពុទ្ធបរិស័ទ ទូក ងរបស់វត្តទទួលបានជ័យលាភីលេខ ២។ លទ្ធផលនេះ បានផ្តល់ជាកម្លាំងចិត្តសម្រាប់ឆ្នាំនេះ មាមីងក្នុងភូមិ ស្រុកបន្តស្ម័គ្រចិត្តរួមវិភាគទាន រួមគ្នាហាត់សម ប្តេជ្ញាចិត្តសម្រេចបានស្នាដៃកាន់តែល្អប្រសើរ។ ព្រះតេជ ព្រះគុណ ឡឹមចន្ទសំណាង មានថេរដីកា៖ “កីឡាករទាំងអស់សុទ្ធតែមានបច្ចេកទេសនិងបទពិសោធន៍ក្នុងការអុំ។ ពួកគាត់បានមកហាត់សមពេញមួយសប្តាហ៍ដោយគ្មានសម្រាកថ្ងៃណាឡើយ។ រៀងរាល់ថ្ងៃចាប់ផ្តើមពីម៉ោង១៧ ដល់ ម៉ោង១៨កន្លះ ពេលខ្លះដល់ម៉ោង១៩ ក៏សឹងមាន។ កីឡាករទាំងអស់តែងមានការប្តេជ្ញាចិត្តខ្ពស់”។

ទោះបីគ្រាន់តែជាសកម្មភាពកីឡាមហាជនក៏ដោយ ប៉ុន្តែការហ្វឹកហាត់បានចាត់តាំងមានរបៀបរៀបរយត្រឹមត្រូវ។ កីឡាករបានណែនាំពីបច្ចេកទេស របៀបចាក់ច្រវា រក្សាល្បឿនអុំ សហការគ្នានិងអុំសម្រុកពេលជិតដល់ខ្សែព្រ័ត្រ។ សូរកញ្ចែរបស់គ្រូបង្វឹក ស្របតាមចង្វាក់អុំនិងសំឡេងហ៊ោអបអរសាទរ បន្លឺឡើងកងរំពងរបស់មាមីងពុទ្ធបរិស័ទ ធ្វើឱ្យទិដ្ឋភាពក្នុងបរិវេណវត្តមានភាពអ៊ូរអរ។ បងឡឹមថាញហាវ ឱ្យដឹង៖ “យើងខ្ញុំខំប្រឹងហាត់អុំដើម្បីឱ្យដៃច្រវា ស្មើល្អ ប្តេជ្ញាចិត្តដណ្តើមយកជោគជ័យក្នុងរដូវកាល ប្រណាំង នាំមកកិត្តិយសជូនវត្ត”។

ការហាត់អុំម្តងៗអូសបន្លាយពេលប្រមាណ ៨ នាទី។ ដំបូង គ្រូបង្វឹកផ្តោតសំខាន់លើការរក្សាចង្វាក់ អុំឱ្យស្មើល្អ ការសហការរបស់កីឡាករ។ ពេលកងជួរបានថ្នឹកនឹងចង្វាក់អុំ ក៏បង្កើនល្បឿនអុំបន្តិចម្តងៗ ជាពិសេសគឺបង្កើនល្បឿនសម្រុកអុំទៅកាន់គោលដៅ។ បងយ័ញថាញដាក គ្រូបង្វឹកក្រុមទូក ងវត្តព្រែកអណ្តើក ឱ្យដឹង៖ “កីឡាករមកហាត់សមច្រើនកុះករ។ ទោះបីមេឃភ្លៀងយ៉ាងណាក៏ដោយ ប៉ុន្តែបងប្អូននៅតែឆ្លៀតពេលមកហាត់ពុំដែលខានឡើយ។ ខ្ញុំនឹងជ្រើសរើសកីឡាករជើងចាស់ឱ្យអុំមុន ដើម្បីកីឡាករថ្មីៗមើលអុំតាម។ អំពីរបៀបអុំ គឺអុំតាមដំណាក់កាលនីមួយៗ។ ពេលដំណាក់កាលអុំនីមួយៗ បានស្មើល្អ ទើបចាប់ផ្តើមបញ្ចូលកងជួរអុំ”។

ពិធីបុណ្យអកអំបុក-ប្រណាំងទូក ង ឆ្នាំនេះ ទូក ង វត្តព្រែកអណ្តើកបានត្រៀមលក្ខណៈរួចរាល់ ដើម្បីបង្កការភ្ញាក់ផ្អើលលើខ្សែទឹកនៅក្នុងរដូវកាលប្រណាំងទូក ង កឹងធើ តំបន់វាលរាបទន្លេគឺវឡុង ឆ្នាំ២០២៦នេះ៕

ដាលីន-មុនី

ចែករំលែកអត្ថបទ

ពាក្យគន្លឹះ