សុខភាព - អប់រំ សុខភាព

22/10/2026 - 09:23

ថែទាំសុខភាពប្រជាជនចាប់ពីថ្នាក់មូលដ្ឋាន

ដំណាក់សុខាភិបាលឃុំតឹបស៊ើង ខេត្តវិញឡុង គឺជាកន្លែងពិនិត្យ ព្យាបាលជំងឺដំបូង ជួយឱ្យប្រជាជនខិតជិតសេវាកម្មសុខាភិបាលនៅភូមិភាគ។ ទន្ទឹមនឹងការពិនិត្យ ព្យាបាលជំងឺ ដំណាក់ថែមទាំងអនុវត្តពិនិត្យសុខភាពជម្រើស គ្រប់គ្រងជំងឺរ៉ាំរ៉ៃ បង្ការទប់ស្កាត់ជំងឺឆ្លងរាលដាល រួមចំណែកថែទាំសុខភាពសហគមន៍។

ប្រជាជនមកពិនិត្យជំងឺនៅដំណាក់សុខាភិបាលឃុំតឹបស៊ើង។

អ្នកមីងស៊ើងធីថ កើតឆ្នាំ ១៩៦១ តែងមកដំណាក់សុខាភិបាលឃុំតឹបស៊ើង ពិនិត្យសុខភាពដោយសារជំងឺសម្ពាធឈាមខ្ពស់។ វ័យចាស់សុខភាពតែងប្រែប្រួល ការធ្វើដំណើរមានការលំបាក ម្ល៉ោះហើយបានពិនិត្យជំងឺជិតផ្ទះជួយឱ្យអ្នកមីងកាន់តែស្ងប់អារម្មណ៍។ បើតាមអ្នកមីងថ ពេលមកដំណាក់ម្តងៗ អ្នកមីងបានគ្រូពេទ្យពិនិត្យ ពិគ្រោះនិងណែនាំពីរបៀបប្រើប្រាស់ថ្នាំ។ អាស្រ័យមានមូលដ្ឋាន សុខាភិបាលនៅភូមិភាគ អ្នកមីងងាយស្រួលតាមដានសុខភាព បន្ថយការធ្វើដំណើរឆ្ងាយ។ ចំពោះអ្នកវ័យចាស់ និងគ្រួសារដែលមានជីវភាពខ្វះខាត ការពិនិត្យនិងព្យាបាលជំងឺនៅថ្នាក់មូលដ្ឋានមានអត្ថន័យជាក់ស្តែង។ នៅពេលមានជំងឺ ប្រជាជនអាចមកដំណាក់ដើម្បីបានពិនិត្យពិគ្រោះ និងព្យាបាលតាមសមត្ថភាពជំនាញ។ ចំពោះករណីជំងឺធ្ងន់ ឬហួសពីសមត្ថភាពព្យាបាល នឹងបានបញ្ជូនទៅមន្ទីរ ពេទ្យថ្នាក់លើ ជួយអ្នកជំងឺបន្តបានថែទាំសមស្រប។

ក្នុងរយៈពេល ៩ ខែ ឆ្នាំ ២០២៦ ដំណាក់សុខាភិបាលឃុំតឹបស៊ើង ធ្វើការពិនិត្យជំងឺបាន ៧.៩៧៣ នាក់ ក្នុងនោះមានការពិនិត្យដោយប្រើធានារ៉ាប់រងសុខាភិបាល ៧.៤៨៨ នាក់ ពិនិត្យតាមបែបវេជ្ជសាស្ត្របុរាណ ២.៦៦៧ នាក់ និងចាក់ម្ជុលវិទ្យាសាស្ត្រ ៤៦៤ នាក់ បញ្ជូនទៅមន្ទីរពេទ្យថ្នាក់លើ ៥៥៩ នាក់។ ទន្ទឹមនឹងការពិនិត្យនិងព្យាបាលជំងឺ ដំណាក់បានផ្សព្វផ្សាយពិនិត្យសុខភាពជម្រើសវាយតម្លៃហានិភ័យនៃជំងឺសម្ពាធឈាមខ្ពស់ និងជំងឺទឹកនោមផ្អែមជូនប្រជាជន ៦.៣២៥ នាក់។ ការរកឃើញគ្រប់គ្រង និងតាមដានព្យាបាលជំងឺ រ៉ាំរ៉ៃ គឺជាភារកិច្ចមួយក្នុងចំណោមភារកិច្ចដែលដំណាក់យកចិត្តទុកដាក់បំផុត។ ទន្ទឹមនឹងនោះ ការងារបង្ការទប់ស្កាត់ជំងឺឆ្លងរាលដាលក៏បានផ្សព្វផ្សាយនៅតាមភូមិនានា។ ក្នុងរយៈពេល ៩ ខែ លើភូមិឋាន បានកត់សម្គាល់មានករណីគ្រុនឈាម ៨៨ ករណីនិងសម្បុកជំងឺ ៣២ កន្លែង។ ដំណាក់បានសហការ ស៊ើបអង្កេត បញ្ជាក់ករណីជំងឺ ធ្វើការកម្ចាត់ដង្កូវទឹក និងបាញ់ថ្នាំគីមីកម្ចាត់រោគនៅកន្លែងកើតជំងឺឆ្លងរាលដាល។ ជាមួយគ្នានោះ អង្គភាពបន្តអនុវត្តចាក់ វ៉ាក់សាំងបង្ការទូទៅថែទាំសុខភាពបន្តពូជ ពិនិត្យសុខភាពតាមកាលកំណត់ និងពិនិត្យសុខភាពជម្រើសជូនប្រជាជន។

លោកត្រឹងហ្វិញភឿក នាយកដំណាក់សុខាភិបាលឃុំតឹបស៊ើង ឱ្យដឹង៖ ដំណាក់ទទួលភារកិច្ចពិនិត្យ ព្យាបាលជំងឺដំបូង រកឃើញករណីចាំបាច់បញ្ជូនទៅថ្នាក់លើដើម្បីបន្តព្យាបាល។ បច្ចុប្បន្ន ដំណាក់សុខាភិបាលកំពុងតែជួសជុល បង្កើនកម្រិត ដើម្បីបម្រើប្រជាជនឱ្យកាន់តែល្អប្រសើរ។ ក្នុងប៉ុន្មាន ខែចុងឆ្នាំ ដំណាក់នឹងផ្តុំកម្លាំងបង្កើនគុណភាពពិនិត្យ ព្យាបាលជំងឺ លើកកម្ពស់ស្មារតី អាកប្បកិរិយាបម្រើ អ្នកជំងឺនិងពន្យល់ឱ្យបានច្បាស់លាស់ដើម្បីអ្នកជំងឺ នឹងនរចិត្ត; ព្រមទាំងធានាផ្គត់ផ្គង់ថ្នាំ សម្ភារៈពេទ្យ រក្សាការបង្ការ ទប់ស្កាត់ជំងឺឆ្លង និងជំរុញពិនិត្យសុខភាព ជម្រើសដោយឥតគិតថ្លៃជូនប្រជាជន៕

ទីទុយ - លីសៀ

ចែករំលែកអត្ថបទ

ពាក្យគន្លឹះ