សន្តិសុខ - ការពារប្រទេស ការពារប្រទេស

11/09/2026 - 18:16

កងទ័ពការពារព្រំដែនទីក្រុងកឹងធើ ពង្រឹងអប់រំនយោបាយ គ្រប់គ្រងសតិអារម្មណ៍ និងគោរពវិន័យតឹងរុឹង

នៅព្រឹកថ្ងៃទី ១១ ខែកញ្ញា គណៈបញ្ជាការកងទ័ពការពារព្រំដែនទីក្រុងកឹងធើ បានចាត់តាំងកិច្ចសន្ទនាលើកកម្ពស់ការអប់រំនយោបាយ គ្រប់គ្រងសតិអារម្មណ៍ គោរពវិន័យ និងធានាសុវត្ថិភាពក្នុងយុវជនកងទ័ពការពារព្រំដែនទីក្រុង។ វរសេនីយ៍ឯក ហាហ្វីទ្រឿង ស្នងការនយោបាយរងនៃគណៈបញ្ជាការកងទ័ពការពារព្រំដែនទីក្រុងកឹងធើ បានចូលរួមនិងថ្លែងចង្អុលការក្នុងកិច្ចសន្ទនា។

វរសេនីយ៍ឯក ហាហ្វីទ្រឿង ស្នងការនយោបាយរងនៃគណៈបញ្ជាការកងទ័ពការពារព្រំដែនទីក្រុងកឹងធើ ថ្លែងចង្អុលការក្នុងកិច្ចសន្ទនា។

តាមរបាយការណ៍របស់គណៈកម្មាធិការបក្ស គណៈបញ្ជាការកងទ័ពការពារព្រំដែនទីក្រុង និងគណៈកម្មាធិការបក្ស បញ្ជាបណ្តាស្ថាប័ន អង្គភាព បញ្ជ្រាបនិងអនុវត្តម៉ឺងម៉ាត់នូវសេចក្តីសម្រេចចិត្ត បទបញ្ជា សេចក្តីសន្និដ្ឋាន និងសេចក្តីកំណត់របស់ថ្នាក់លើ; ម្ចាស់ការក្តោបក្តាប់ស្ថានភាព សតិអារម្មណ៍របស់កម្មាភិបាល យុទ្ធជន បំផុតគឺក្នុងការរៀបចំ និងចាត់តាំងឡើងវិញនូវកងកម្លាំង។ ការអប់រំនយោបាយ ផ្សព្វផ្សាយ អប់រំច្បាប់ និងតម្រង់ទិសសតិអារម្មណ៍បានផ្សព្វផ្សាយដល់កម្មាភិបាល យុទ្ធជនទាំងអស់។ តាមរយៈនោះ ការយល់ដឹង ទទួលខុសត្រូវ និងស្មារតីភ្ញាក់រលឹកគោរពច្បាប់រដ្ឋ និងវិន័យកងទ័ព ក៏ដូចជាសេចក្តីកំណត់របស់អង្គភាពបានកម្មាភិបាល យុទ្ធជនបន្តលើកកម្ពស់; ការកសាងកងកម្លាំងមានរបៀបរៀបរយ រក្សាពិធីកិច្ច និងអាកប្បកិរិយាជាយោធិន និងរបប ផ្នត់រស់នៅមានការវិវត្តន៍ជាវិជ្ជមាន រួមចំណែកកសាងស្ថាប័ន និងអង្គភាពរឹងមាំគ្រប់ជ្រុងជ្រោយ “គំរូ និងឆ្នើម”។

នៅក្នុងកិច្ចសន្ទនានេះ តំណាងទាំងឡាយបានផ្តុំកម្លាំងវាយតម្លៃលទ្ធផលការអប់រំនយោបាយ គ្រប់គ្រងសតិអារម្មណ៍ គោរពវិន័យ និងធានាសុវត្ថិភាពចាប់ពីឆ្នាំ ២០២៥ រហូតដល់ពេលនេះ; ដោះដូរបទពិសោធន៍ មានរបៀបធ្វើល្អ មានប្រសិទ្ធភាព ទន្ទឹមនឹងនោះ បានបង្ហាញដោយត្រង់ៗនូវចំណុចខ្វះខាត មូលហេតុ និងសំណើវិធានការលើកកម្ពស់គុណភាពការងារក្នុងពេលខាងមុខ។

ទិដ្ឋភាពក្នុងកិច្ចសន្ទនា។

ថ្លែងចង្អុលការ វរសេនីយ៍ឯក ហាហ្វីទ្រឿង ស្នងការនយោបាយរងនៃគណៈបញ្ជាការកងទ័ពការពារព្រំដែនទីក្រុងកឹងធើ បានកត់សម្គាល់ និងវាយតម្លៃខ្ពស់នូវលទ្ធផលដែលសម្រេចបាន មានរបៀបធ្វើល្អ និងច្នៃប្រតិដ្ឋ ដែលស្ថាប័ននិងអង្គភាពសម្រេចបានក្នុងការអប់រំនយោបាយ គ្រប់គ្រងសតិអារម្មណ៍ គោរពវិន័យ និងធានាសុវត្ថិភាពក្នុងរយៈពេលកន្លង។ សមមិត្តបានបញ្ជាក់ ចំពោះមុខឥទ្ធិពលរបស់បណ្តាញសង្គម ផ្នែកអវិជ្ជមានរបស់សេដ្ឋកិច្ចទីផ្សារ សម្ពាធការងារ និងស្ថានភាពគ្រួសារ ហានិភ័យប៉ះពាល់ដល់សតិអារម្មណ៍ សីលធម៌ និងរបៀបរស់នៅរបស់កម្មាភិបាល យុទ្ធជន តែងតែមានភាពអាថ៌កំបាំង។ ព្រោះហេតុនោះ គប្បីផ្លាស់ប្តូរខ្លាំងក្លាពីគំនិតដោះស្រាយបទល្មើស មកម្ចាស់ការបង្ការទប់ស្កាត់; យកការអប់រំជាមូលដ្ឋានគ្រឹះ គ្រប់គ្រងសតិអារម្មណ៍ជាចំណុចសំខាន់ និងកម្មាភិបាលជាកត្តាកំណត់សម្រេច… ទន្ទឹមនឹងនោះ ផ្លាស់ថ្មីខ្លឹមសារ ពិពិធកម្មទម្រង់អប់រំនយោបាយ ឃោសនា ផ្សព្វផ្សាយ និងអប់រំច្បាប់; បញ្ជ្រាបស្មារតី “៧ហ៊ាន” ខ្លឹមសារ "២រឹងប៉ឹង ២ជំរុញ ២ទប់ស្កាត់” និងទិសស្លោក “៥រឹងមាំ” “៦ច្បាស់” បង្កការវិវត្តន៍ខ្លាំងក្លាអំពីការយល់ដឹង និងទទួលខុសត្រូវរបស់កម្មាភិបាល និងយុទ្ធជន…។

វរសេនីយ៍ឯក ហាហ្វីទ្រឿង សំណូមពរ បន្ទាប់ពីកិច្ចសន្ទនានេះ គណៈកម្មាធិការបក្ស បញ្ជាស្ថាប័ន និងអង្គភាពនានា គប្បីធ្វើឱ្យជាក់ស្តែងនូវខ្លឹមសារដែលបានឯកភាពក្លាយជាកម្មវិធី ផែនការ និងវិធានការអនុវត្តកៀកជាមួយនឹងលក្ខណៈពិសេសរបស់អង្គភាពនីមួយៗ ធានាព្រមៗគ្នា ជាក់ស្តែង និងមានប្រសិទ្ធភាព; ពង្រីកស្មារតីឈានមុខ និងទទួលខុសត្រូវរបស់យុវជន រួមចំណែករក្សាលំនឹងសតិអារម្មណ៍ កសាងស្ថាប័ន អង្គភាពរឹងមាំគ្រប់ជ្រុងជ្រោយ “គំរូ និងឆ្នើម” សម្រេចភារកិច្ចឆ្នើមដែលបានប្រគល់ជូន៕

យ្វីអាញ - វិមាន

ចែករំលែកអត្ថបទ

ពាក្យគន្លឹះ