- យោងតាមមន្ទីរវប្បធម៌ កីឡានិងទេសចរណ៍ទីក្រុងកឹងធើ ការប្រកួតបាល់ទាត់អ្នករដ្ឋការ បុគ្គលិកទីក្រុងកឹងធើ ឆ្នាំ ២០២៦ គ្រោង នឹងចាត់តាំងចាប់ពីថ្ងៃ ២៦ ខែកញ្ញា ដល់ថ្ងៃ ១៧ ខែតុលា ដើម្បីអបអរសាទរទិវាវប្បធម៌វៀតណាម (ថ្ងៃ ២៤ ខែវិច្ឆិកា) និងជំរុញចលនា “ទូទាំងប្រជាជនលត់ដំកាយសម្បទាតាមគំរូអ៊ំហូ”។
មុខសញ្ញាចូលរួមគឺអ្នករដ្ឋការ បុគ្គលិកដែលកំពុងបម្រើការងារនៅតាមឃុំ សង្កាត់ មន្ទីរ គណៈ ផ្នែកលើភូមិឋានទីក្រុងកឹងធើ។ តាមការគ្រោងទុក នឹងមានពី ២៤ ដល់ ៣៦ក្រុម ចែកជា៦ ដល់ ៩ ពូល ប្រកួតវគ្គជម្រុះនៅតាមទីលានបាល់ទាត់ស្មៅសិប្បនិម្មិតសង្កាត់វីថាញ ប៊ិញធ្វីនិងភូឡើយ។ វគ្គជម្រុះប្រព្រឹត្តឡើងចាប់ពីថ្ងៃ ២៦ ខែកញ្ញា ដល់ថ្ងៃ ១១ ខែតុលា។
ការប្រកួតតាមទម្រង់បាល់ទាត់បុរស ៧ នាក់ ក្នុងមួយប្រកួតមាន ២ តង់ ក្នុងមួយតង់ ២០ នាទី។ វគ្គផ្តាច់ព្រ័ត្ររួមមាន ៨ លើកប្រកួត ប្រព្រឹត្តឡើងនៅទីលានបាល់ទាត់ស្មៅសិប្បនិម្មិត មជ្ឈមណ្ឌលហ្វឹកហ្វឺននិងប្រកួតកីឡាទីក្រុងកឹងធើ សង្កាត់កៃខេ។
យោងតាមលក្ខន្តិកៈ ក្រុមនីមួយៗអាចចុះឈ្មោះកីឡាករយ៉ាងច្រើនបំផុត ១៨ នាក់ ក្នុងនោះយ៉ាងហោចណាស់មានអ្នកចាំទី ២ នាក់ និងអ្នកដឹកនាំក្រុមយ៉ាងច្រើន ៥ នាក់។ កីឡាករដែលធ្លាប់បានចុះឈ្មោះ ប្រកួតនៅពានរង្វាន់លេខមួយ ឬជើងឯកថ្នាក់ជាតិ ចាប់ពីឆ្នាំ ២០២៥ មកដល់បច្ចុប្បន្ន មិនបានអនុញ្ញាតឱ្យចូលរួមឡើយ។ សំណុំឯកសារ ចុះឈ្មោះបានទទួលរហូតដល់អស់ថ្ងៃ ១៨ ខែកញ្ញា ឆ្នាំ ២០២៦។
រង្វាន់រួមមាន ពានមេដាយ និងប្រាក់រង្វាន់សម្រាប់ក្រុមជើងឯក; ទង់មេដាយ និងប្រាក់រង្វាន់សម្រាប់ក្រុមលេខពីរ លេខបី និងរង្វាន់លើកទឹកចិត្ត។ គណៈចាត់តាំងក៏ជូនរង្វាន់ដល់កីឡាករដែលស៊ុតបញ្ចូលទីបានច្រើនគ្រាប់ជាងគេ និងអ្នកចាំទីឆ្នើមផងដែរ៕
មិញថាវ - លីសៀ
ពាក្យគន្លឹះ