រយៈពេលកន្លង កម្មាភិបាល យុទ្ធជន គណៈបញ្ជាការកងទ័ពការពារព្រំដែនទីក្រុងកឹងធើ បានផ្សព្វផ្សាយសកម្មភាព ទម្រង់ជាក់ស្តែងជាច្រើន ដែលគិតគូរដល់អ្នកក្រតំបន់ព្រំដែនសមុទ្រ។ ហេតុនោះ បានជួយអ្នកក្រលំនឹងជីវភាព ស្ថានភាពសន្តិសុខ សណ្តាប់ធ្នាប់តំបន់ព្រំដែនសមុទ្រក៏បានធានា រួមចំណែកពូនផ្តុំមនោសញ្ចេតនាកងទ័ព– ប្រជាជនរឹងមាំពីមួយថ្ងៃទៅមួយថ្ងៃ។
វរសេនីយ៍ឯកហាហ្វីទ្រឿង ស្នងការនយោបាយរងនៃគណៈបញ្ជាការកងទ័ពការពារព្រំដែនទីក្រុងកឹងធើ ជូនអាហារូបករណ៍ដល់សិស្សសាលា។
*ភាពកក់ក្តៅមនោសញ្ចេតនាកងទ័ព- ប្រជាជន។
អនុវត្តទិសស្លោក “និយាយអ្វីដែលប្រជាជនចង់ស្តាប់ ធ្វើកិច្ចការដែលប្រជាជនកំពុងត្រូវការ” ប៉ុស្តិ៍នីមួយៗបានផ្សព្វផ្សាយសកម្មភាពជាច្រើន គិតគូរដល់ជីវភាពប្រជាជនក្នុងតំបន់ព្រំដែនសមុទ្រ។ កងទ័ពការពារព្រំដែនទីក្រុងកឹងធើ បន្តរក្សានូវទម្រង់ ដូចជា៖ “ផ្សារណាត់ពិសេស”; “ផ្សារណាត់សូន្យដុង”; ដាំដំណាំរួមផ្សំ ចិញ្ចឹមសត្វនិងលក់ដូរជាលក្ខណៈគ្រួសារ;“ ខាប់អង្ករ មេត្តាធម៌” ជួយមនុស្សចាស់គ្មានទីពឹងដែលមានជីវភាពក្រលំបាក៘ លេចធ្លោគឺកម្មវិធី “និទាឃរដូវការពារព្រំដែនកក់ក្តៅទឹកចិត្ដអ្នកភូមិ” ផ្តល់ជូនផ្ទះមហាសាមគ្គីបាន ៩៤ ខ្នង (តម្លៃ ៦០ លានដុងក្នុងមួយខ្នង) ៣ ខ្នងផ្តល់ជូនសិស្សក្រីក្រសង្វាតរៀនសូត្រ (តម្លៃ ៥០ លានដុងក្នុងមួយខ្នង) ជូនអំណោយដល់គ្រួសារគោលនយោបាយ និងគ្រួសារក្រីក្រ ៥.២៦៩ ចំណែក (មួយចំណែក ៥០០.០០០ ដុង) ជូនអាហារូបករណ៍ ៨៦១ ចំណែក (មួយចំណែក ១ លានដុង) កង់ ១១៤ គ្រឿង (មួយគ្រឿង ២ លានដុង) ជូនក្មួយៗសិស្សានុសិស្សសរុបតម្លៃទឹកប្រាក់ប្រមាណ ១០ ពាន់លានដុង។ ឆ្លងតាមរយៈនោះ ជួយប្រជាជនតំបន់ព្រំដែនសមុទ្រមានជីវភាពលំនឹង ចូលរួមអភិវឌ្ឍន៍សេដ្ឋកិច្ច-សង្គមនៅភូមិភាគ។
អ្នកមីងសុើងធីផាល នៅភូមិសែវស៊ូ ឃុំឡាយហ្វា ទីក្រុងកឹងធើ ឱ្យដឹង៖ “ជាច្រើនឆ្នាំមកនេះ ខ្ញុំបានពូៗកងទ័ពការពារព្រំដែន ឧបត្ថម្ភប្រាក់និងសម្ភារៈប្រើប្រាស់ចាំបាច់រៀងរាល់ខែ។ ក្នុងថ្ងៃបុណ្យចូលឆ្នាំថ្មី បានពូៗឱ្យនំអន្សម អង្ករ ត្រីសាច់ បន្លែផ្លែឈើ៘ ទឹកចិត្ដរបស់ពូៗ កងទ័ពការពារព្រំដែន ខ្ញុំចងចាំជានិច្ច!” ។ រីឯអ្នកមីងត្រេវធីសិន នៅភូមិត្រាវ៉ូង A សង្កាត់វិញភឿក ឱ្យដឹងដោយក្តីរីករាយ៖ “ផ្ទះនេះគឺអាស្រ័យពូៗកងទ័ពការពារព្រំដែនឡាយហ្វាមកជួយសង់ ហេតុនេះ ទើបខ្ញុំមានផ្ទះឥដ្ឋរឹងមាំដើម្បីទទួលអំណរបុណ្យចូលឆ្នាំថ្មី។ ក្រៅពីនេះ ពូៗកងទ័ពការពារព្រំដែន តែងមកសួរសុខទុក្ខជូនអំណោយ ពិនិត្យជំងឺ ផ្ដល់ថ្នាំពេទ្យ ម្ល៉ោះហើយមនុស្សចាស់ដូចជាខ្ញុំនេះកក់ក្តៅណាស់”។
ទន្ទឹមនឹងនោះ អនុវត្តកម្មវិធី “ជំរុញដំណើរប្អូនទៅសាលា និងកូនចិញ្ចឹមប៉ុស្តិ៍ការពារព្រំដែន” គម្រោង “កម្មាភិបាល យុទ្ធជនកងទ័ពជំរុញដំណើរប្អូនទៅសាលា” បានជួយសិស្សរាប់រយនាក់ ឆ្លងកាត់ជីវភាពលំបាកបន្តទៅសាលាបំពេញក្តីស្រមៃ។ ប្អូនថាច់ធីអៀងញ៉ី សិស្សថ្នាក់ទី ៧ អនុវិទ្យាល័យនិងវិទ្យាល័យត្រឹងដេ បានកម្មាភិបាល យុទ្ធជនការពារព្រំដែនទ្រុងប៊ិញ ឧបត្ថម្ភតាំងពីឆ្នាំរៀនថ្នាក់ទី២មកទល់ពេលនេះ។ ប្អូនអៀងញ៉ី រៀបរាប់៖ “ឪពុកស្លាប់ចោល ម្តាយទៅធ្វើកម្មករនៅទីក្រុងហូជីមិញ ប្អូនរស់នៅជាមួយយាយតា ម្ល៉ោះហើយជីវភាពលំបាកណាស់។ ច្រើនឆ្នាំមកនេះ ក្រៅពីឧបត្ថម្ភប្រាក់ រៀងរាល់ខែ សម្លៀកបំពាក់ សិក្ខូបករណ៍ទៅសាលា ពូៗកងទ័ពការពារព្រំដែនមកជូនអង្ករ បន្លែត្រីសាច់ជារឿយៗ ជាមួយការឧបត្ថម្ភនេះ ប្អូនសន្យានឹងខិតខំរៀនសូត្រឱ្យបានល្អ ដើម្បីមានអនាគតភ្លឺស្វាង”។
ទន្ទឹមនឹងនោះ ក្នុងឱកាសបុណ្យសែនដូនតានិងបុណ្យចូលឆ្នាំថ្មី ប៉ុស្តិ៍ការពារព្រំដែននីមួយៗ នៅទាំងចាត់តាំងសកម្មភាពជូនអំណោយ ពិនិត្យជំងឺ ផ្តល់ថ្នាំពេទ្យឥតគិតថ្លៃ សម្តែងសិល្បៈ កីឡាបង្កបរិយាកាសសប្បាយរីករាយ ផ្សារភ្ជាប់មនោសញ្ចេតនាកងទ័ព – ប្រជាជនទៀតផង។ វរសេនីយ៍ឯកបម្រុង ផាមង្វៀងថេផុង ស្នងការនយោបាយគណៈបញ្ជាការកងទ័ពការពារព្រំដែនទីក្រុងកឹងធើ ឱ្យដឹង៖ “រាល់សកម្មភាពនិងការងារពោរពេញដោយអត្ថន័យរបស់កម្មាភិបាល យុទ្ធជនការពារព្រំដែន គឺផ្តើមចេញពីបេះដូងស្មោះ ទទួលខុសត្រូវនិងសម្តែងពីគុណធម៌ដ៏ឧត្តុង្គឧត្តមរបស់កងទ័ពពាក់ស័ក្តិខៀវ; រួមចំណែកសាងគុណសម្បត្តិដ៏ថ្លៃថ្នូរនៃ “កងទ័ពអ៊ំហូ” ក្នុងស្ថានភាពថ្មី។ ពិសេស តាមរយៈសកម្មភាពបានរួមចំណែកពង្រឹងនិងរឹតបន្តឹងទំនាក់ទំនងសាមគ្គីភាពកងទ័ពប្រជាជនបានល្អប្រសើរ កសាងនិងពង្រឹងជំហរយុទ្ធសាស្ត្រការពារព្រំដែនទូទាំងប្រជាជនរឹងមាំពីមូយថ្ងៃទៅមួយថ្ងៃ”។
*ធានាសន្តិសុខតំបន់ព្រំដែនសមុទ្រ
មិនត្រឹមតែគិតគូរជីវភាពប្រជាជនតំបន់ព្រំ ដែនសមុទ្រប៉ុណ្ណោះទេ កម្មាភិបាល យុទ្ធជន កងទ័ពការពារព្រំដែនទីក្រុងកឹងធើ ថែមទាំងអនុវត្តល្អភារកិច្ចការពារសន្តិសុខព្រំដែនសមុទ្រទៀតផង។ តាមគណៈបញ្ជាការកងទ័ពការពារព្រំដែនទីក្រុងកឹងធើ ស្ថានភាពអធិបតេយ្យបូរណភាពទឹកដី សន្តិសុខព្រំដែនជាតិលើតំបន់គ្រប់គ្រងតែងបានស្ថិរភាព។ កិច្ចសហការតស៊ូបង្ការ ប្រឆាំងឧក្រិដ្ឋកម្ម បទល្មើសតាមតំបន់ព្រំដែនសមុទ្ររបស់ទីក្រុង បន្តបានផ្សព្វផ្សាយយ៉ាងប្តូរផ្តាច់។ ឆ្នាំ ២០២៥ អង្គភាព បានសហការជាមួយកងកម្លាំងចាត់តាំងល្បាតរាប់រយលើក ត្រួតពិនិត្យនិងឃាត់ខ្លួន ចាត់វិធានការ ៤៦ ករណី មានមុខសញ្ញា ៨៦ នាក់។ ក្នុងនោះ បទល្មើសគ្រឿងញៀន ២ ករណី មានមុខសញ្ញា ២ នាក់; រឿងក្តីពិសេស ១ ករណី ដែលជួញដូរមនុស្សក្រោមអាយុ ១៦ ឆ្នាំ សង្គ្រោះអ្នករងគ្រោះម្នាក់ និងឃាត់ខ្លួនមុខសញ្ញា៤នាក់; ឧក្រិដ្ឋកម្មនិងបទល្មើសផ្សេងៗ ៤៣ ករណី មានមុខសញ្ញាចូលរួម ៨០ នាក់ ទឹកប្រាក់ពិន័យរដ្ឋបាលជាង ៥០០ លានដុង។ សហការចូលរួមសង្គ្រោះអ្នករងគ្រោះបានជោគជ័យ ៣ ករណី មធ្យោបាយ៣គ្រឿងនិងនាវិក ១៨ នាក់។
.jpg "រក្សាភាពសុខសាន្តតំបន់ព្រំដែនសមុទ្រ")
ស្ងោរនំអន្សមជ្រូកដើម្បីយកជូនមាមីងខ្មែរនៅតំបន់ព្រំដែនសមុទ្រក្នុងថ្ងៃបុណ្យចូលឆ្នាំថ្មី។
ប៉ុស្តិ៍ការពារព្រំដែនទ្រុងប៊ិញ ជាអង្គភាពមួយក្នុងចំណោមអង្គភាពគំរូ ដែលផ្សព្វផ្សាយមានប្រសិទ្ធភាពនូវវិធានការគ្រប់គ្រងការពារព្រំដែនជាតិ។ អនុសេនីយ៍ឯក ង្វៀងហ្វិញវៀតហ្វី ស្នងការនយោបាយរង ប៉ុស្តិ៍ការពារព្រំដែនទ្រុងប៊ិញ ឱ្យដឹង៖ “អនុវត្តភារកិច្ចការពារអធិបតេយ្យ សន្តិសុខជាតិ អង្គភាពតែងចាត់កម្មាភិបាលចុះទៅភូមិឋាន សហការជាមួយកងកម្លាំងនគរបាល យោធាដោះដូរព័ត៌មាន ក្តាប់ស្ថានភាពតំបន់ព្រំដែនសមុទ្រ ពិសេសគឺការតស៊ូបង្ការប្រឆាំងឧក្រិដ្ឋកម្ម បទល្មើសតំបន់ព្រំដែនសមុទ្រ បានអង្គភាពកសាងផែនការវិជ្ជាជីវៈ ដើម្បីចាត់វិធានការប្រព្រឹត្តល្មើសតាមបទប្បញ្ញត្តិនៃច្បាប់។ តាមរយៈនោះ រួមចំណែករក្សាស្ថិរភាពសន្តិសុខតំបន់ព្រំដែនសមុទ្ររបស់ទីក្រុង”។
វរសេនីយ៍ឯក ផាមឡេស្វឹងប៊ិញ មេបញ្ជាការកងទ័ពការពារព្រំដែនទីក្រុងកឹងធើ បានសំណូមពរ៖ រយៈពេលខាងមុខ អង្គភាពនីមួយៗ បន្តធ្វើឱ្យសុក្រឹតនិងផ្សព្វផ្សាយយ៉ាងម៉ឺងម៉ាត់នូវវិធានការឆ្នាំ ២០២៦; រក្សាខ្ជាប់បែបបទដោះដូរព័ត៌មានតាមកាលកំណត់និងដោយចៃដន្យ; ជំរុញកិច្ចសហការតស៊ូបង្ការប្រឆាំងឧក្រិដ្ឋកម្ម ពិសេស គឺឧក្រិដ្ឋកម្មគ្រឿងញៀន រត់គយ ក្លែងបន្លំពាណិជ្ជកម្ម និងរាល់បទល្មើសផ្សេងៗតាមសមុទ្រ។ ទន្ទឹមនឹងនោះ ផ្តុំកម្លាំងអនុវត្តយ៉ាងប្តូរផ្តាច់នូវដំណោះស្រាយប្រឆាំងការទាញយកផល IUU រួមចំណែកជាមួយទូទាំងប្រទេសដោះការព្រមាន “កាតលឿង” របស់គណៈកម្មាធិការអឺរ៉ុប; បង្កើនការគ្រប់គ្រងមនុស្ស មធ្យោបាយ ដែលធ្វើសកម្មភាពទាញយកផលសមុទ្រ ដឹកជញ្ជូនខ្សាច់បម្រើគម្រោងហេដ្ឋារចនាសម្ព័ន្ធសំខាន់ៗ; បន្តអនុវត្តល្អការឃោសនា ចលនាមហាជន កសាងខឿនការពារព្រំដែនទូទាំងប្រជាជនរឹងមាំ រក្សាខ្ជាប់សន្តិសុខនយោបាយ សណ្តាប់ធ្នាប់ សុវត្ថិភាពសង្គមតាមតំបន់ព្រំដែនសមុទ្រ៕
យ្វីអាញ - លីសៀ
ពាក្យគន្លឹះ
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
