គោលនយោបាយ -ការរស់នៅ ការរស់នៅ

02/04/2026 - 21:43

ផ្លូវខេត្ត ៩២១ រលូន អ្នកបោះឆ្នោតរីករាយខណៈពេលសំណើរបានដោះស្រាយត្រឹមត្រូវ

គម្រោងបង្កើនកម្រិត បើកទូលាយដងផ្លូវខេត្ត ៩២១ កំណាត់ឆ្លងកាត់សង្កាត់ថូកណូក និងត្រុងញ៉ឹក ទីក្រុងកឹងធើ បានសម្រេចរួចរាល់និងដាក់ឱ្យប្រើប្រាស់ជាផ្លូវការ។ សំណង់នេះមិនត្រឹមតែដោះស្រាយរួចរាល់ស្ថានភាពចុះគុណភាព លិចនិងកកស្ទះអូសបន្លាយប៉ុណ្ណោះទេ ថែមទាំងបំពេញបំណងប្រាថ្នារបស់អ្នកបោះឆ្នោត បង្កសន្ទុះអភិវឌ្ឍសេដ្ឋកិច្ច - សង្គមរបស់ភូមិភាគ។

ផ្លូវខេត្ត ៩២១ (កំណាត់ពីស្ពានរ៉ាច់រិតរហូតដល់ស្ពានវ៉ាងឡិច) បានបង្កើនកម្រិត ក្រាលកៅស៊ូស្រឡះស្រឡំ។

ផ្លូវខេត្ត ៩២១ គឺជាផ្លូវដឹកជញ្ជូនដ៏សំខាន់មួយដែលតភ្ជាប់តំបន់ប្រជាជនរស់នៅនៃសង្កាត់ថូកណូកដល់ឃុំកើ-ដ។ ប៉ុន្មានឆ្នាំមុន កំណាត់ផ្លូវពីស្ពានរ៉ាច់រិតដល់ស្ពានវ៉ាងឡិចខូចយ៉ាងធ្ងន់ធ្ងរ ផ្ទៃផ្លូវតម្លុកច្រើន ប្រព័ន្ធបង្ហូរទឹកមិនគ្រប់គ្រាន់ ធ្វើឱ្យប្រជាជនធ្វើដំណើរទៅមកមានការលំបាក។ លោកង្វៀងវ៉ាំងហ៊ុង អ្នករស់នៅយូរឆ្នាំនៅសង្កាត់ថូកណូក ឱ្យដឹង៖ “ពីមុន កំណាត់ផ្លូវនេះខូចខាត់ ផ្ទៃផ្លូវតូចចង្អៀត។ ក្នុងអំឡុងពេលម៉ោងចំណុចខ្ពស់ មានរថយន្តធ្វើដំណើរច្រើន កកស្ទះចរាចរណ៍ជារឿយៗ។ ប្រជាជនសង្ឃឹមថា ដងផ្លូវនេះនឹងបានបង្កើនកម្រិតក្នុងពេលឆាប់ៗនេះ ដើម្បីធ្វើពាណិជ្ជកម្មងាយស្រួល”។

ដើម្បីឆ្លើយតបទៅនឹងការរំពឹងទុករបស់ប្រជាជន ជាមួយនឹងប្រភពទុនរក្សាគុណភាពផ្លូវគោកឆ្នាំ ២០២៥ គម្រោងបង្កើនកម្រិតដងផ្លូវខេត្ត ៩២១ បានអនុវត្តទាន់ពេលវេលា។ ដើមឆ្នាំ ២០២៦ គម្រោងសម្រេចរួចរាល់ នាំមកនូវទិដ្ឋភាពថ្មីទាំងស្រុងសម្រាប់តំបន់។ បច្ចុប្បន្ន ផ្ទៃផ្លូវបានបង្កើនកម្រិត ក្រាលកៅស៊ូយ៉ាងរលូននិងធំទូលាយ។ ប្រព័ន្ធបង្ហូរទឹកបានវិនិយោគយ៉ាងរឹងមាំ ធានាផ្ទៃផ្លូវស្ងួតជានិច្ច។

លោក ត្រឹងវ៉ាំងក្វាង រស់នៅតាមបណ្តោយផ្លូវខេត្ត ៩២១ ឱ្យដឹង៖ “អាស្រ័យរដ្ឋយកចិត្តទុកដាក់វិនិយោគ ទើបដងផ្លូវនេះស្រឡះស្រឡំ យានជំនិះចរាចរណ៍ងាយស្រួល គ្មាននៅកកស្ទះចរាចរណ៍ឬគ្រោះថ្នាក់កើតមានដូចមុនទៀតឡើយ។ អាស្រ័យហេតុនេះ ការធ្វើអាជីវកម្មក៏រីកចម្រើនផងដែរ។ ប្រជាជនអ្នកណាក៏សប្បាយរីករាយ”។

លោក ង្វៀងវុាំងខ្វា នាយករងមន្ទីរសាងសង់ ឱ្យដឹង៖ ក្នុងរយៈពេលកន្លង អង្គភាពតែងទទួលយក ស្តាប់និងរកវិធីដោះស្រាយបានទាន់ពេលនូវមតិយោបល់ សំណូមពររបស់ប្រជាជននិងអាជីវកម្ម។ ដោយផ្អែកលើចំណុចនេះ មន្ទីរសាងសង់បានធ្វើសេនាធិការជូនទីក្រុង ឱ្យបែងចែកប្រភពទុន ផ្ដល់សច្ចានុមតិបញ្ជីមាតិការវិនិយោគចំណុះប្រភពទុនបុព្វហេតុចរាចរណ៍និងរក្សាគុណភាពផ្លូវគោកប្រចាំឆ្នាំ ដើម្បីជម្នះការខូចខាត បង្កើនកម្រិតបើកទូលាយដងផ្លូវ ប្រព័ន្ធបង្ហូរទឹក ស្ពានទ្រុឌទ្រោម...។ ការវិនិយោគមិនត្រឹមតែធានាសុវត្ថិភាពចរាចរណ៍ប៉ុណ្ណោះទេ ថែមទាំងទទួលបានការគាំទ្រយ៉ាងខ្លាំងពីសំណាក់ប្រជាជន រួមចំណែកធ្វើឱ្យសម្រេចរួចរាល់ហេដ្ឋារចនាសម្ព័ន្ធបច្ចេកទេសទីក្រុងតាមទិសដៅស៊ីវិល័យនិងទំនើប។

កិច្ចសហការយ៉ាងជិតស្និទ្ធរវាងរដ្ឋអំណាចគ្រប់ថ្នាក់ និងស្ថាប័នជំនាញបានជួយគម្រោងបង្កើនកម្រិតផ្លូវ ៩២១ "សម្រេចគោលដៅ" តាមកាលកំណត់។ ទន្ទឹមនឹងនោះ រួមចំណែកបង្កលក្ខណៈដើម្បីអភិវឌ្ឍសេដ្ឋកិច្ច - សង្គមនៅតាមមូលដ្ឋានដែលគម្រោងឆ្លងកាត់៕

ត្វៀកត្រិន - ទីទុយ

ចែករំលែកអត្ថបទ

ពាក្យគន្លឹះ