គោលនយោបាយ -ការរស់នៅ គោលនយោបាយ

17/03/2026 - 10:49

រីកចម្រើនផ្ដើមពីកម្មវិធីទិសដៅជាតិ

កម្មវិធីទិសដៅជាតិអភិវឌ្ឍសេដ្ឋកិច្ច - សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១ - ២០២៥ តែងបានគណៈ ផ្នែកគ្រប់លំដាប់ថ្នាក់ ផ្សព្វផ្សាយអនុវត្តយ៉ាងម៉ឺងម៉ាត់ ជាជំហានៗ កែលម្អនិងលើកកម្ពស់ជីវភាពប្រជាជន ពិសេសចំពោះជនរួមជាតិខ្មែររស់នៅទីក្រុងកឹងធើ។

អ្នកមីងថាច់ធីដេវ នៅឃុំតឹងថាញ់ ទីក្រុងកឹងធើ សប្បាយរីករាយខណៈពេលបានរដ្ឋឧបត្ថម្ភសាងសង់ផ្ទះ។

ការអនុវត្តកម្មវិធីទិសដៅជាតិអភិវឌ្ឍន៍សេដ្ឋកិច្ច - សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១ - ២០២៥ បាននាំមកនូវលទ្ធផលវិជ្ជមានជាច្រើន។ ក្នុងនោះ មានគម្រោងឧបត្ថម្ភលំនៅឋាន បានជួយដល់គ្រួសារក្រីក្រ គ្រួសារក្បែរក្រ និងគ្រួសារដែលលំបាកខាងលំនៅឋាន មានផ្ទះសម្បែងរស់នៅសមរម្យ។ តួយ៉ាង ដូចជាគ្រួសារអ្នកមីងថាច់ធីដេវ នៅភូមិតឹងគ្វី A ឃុំតឹងថាញ់ ជាគ្រួសារក្រីក្រកូនៗរបស់អ្នកមីងមានគ្រួសាររស់ដោយឡែករៀងៗខ្លួន ហើយជីវភាពក៏មិនសូវធូរធារ ចំណែកកូនពៅរស់នៅជាមួយអ្នកមីង ក៏គ្មានការងារធ្វើជាប់លាប់ ប្រាក់ចំណូលមិនទៀងទាត់ ទើបគ្មានលទ្ធភាពសាងសង់ផ្ទះ។ អាស្រ័យបាន រដ្ឋឧបត្ថម្ភថវិកាចំនួន ៤៤ លានដុងសាងសង់ បានផ្ទះរឹងមាំ ជួយឱ្យអ្នកមីងកក់ក្តៅក្នុងចិត្ត និងលែងបារម្ភពេលភ្លៀងខ្យល់ទៀត។

ផ្ដើមពីប្រភពទុនកម្មវិធីទិសដៅជាតិ រដ្ឋអំណាចភូមិភាគបានឧបត្ថម្ភអភិវឌ្ឍការផលិតតាមខ្សែសង្វាក់តម្លៃ និងធ្វើពិពិធកម្មមុខរបររកស៊ីចិញ្ចឹមជីវិតដល់ប្រជាជនដំណាក់កាល ២០២១ - ២០២៥។ កម្មវិធីនេះ បានជួយដល់គ្រួសារ លោកពូឡឹមសេនា នៅភូមិតាមសុក C១ ឃុំមីទូ មានលក្ខណៈបន្ថែមសម្រាប់អភិវឌ្ឍការផលិត។ គ្រួសារលោកពូ ជាគ្រួសារក្រីក្រ ប្រភពចំណូលចម្បងពីរបរធ្វើកម្មករសំណង់។ ប្រាក់ដែលរកបានត្រូវរ៉ាប់រងទាំងការចំណាយប្រចាំថ្ងៃ និងការទិញថ្នាំព្យាបាលជំងឺឱ្យកូន។ ឃើញពីស្ថានភាព លំបាករបស់លោកពូ រដ្ឋអំណាចភូមិភាគបានពិនិត្យឧបត្ថម្ភគោមេ ២ ក្បាល ពីគម្រោង ៣ ស្តីពីការ ឧបត្ថម្ភអភិវឌ្ឍផលិតតាមខ្សែសង្វាក់តម្លៃ។ រីករាយចំពោះការយកចិត្តទុកដាក់ទាន់ពេល លោក ពូសេនា រ៉ាយរ៉ាប៖ “ខ្ញុំសប្បាយចិត្តណាស់ និងដឹងគុណរដ្ឋដែលបានឧបត្ថម្ភគោ ២ ក្បាលនេះ ដើម្បីឱ្យគ្រួសារខ្ញុំមានលក្ខណៈក្នុងការអភិវឌ្ឍសេដ្ឋកិច្ច។ ខ្ញុំប្តេជ្ញានឹងខិតខំថែទាំឱ្យបានល្អ ដើម្បីកែលម្អជីវភាពឱ្យកាន់តែប្រសើរឡើង”។

តាមប្រសាសន៍សមមិត្ត ឡឹមហ្វាងម៉ូវ នាយកមន្ទីរជនជាតិនិងសាសនាទីក្រុងកឹងធើ ដំណាក់កាល ២០២១ - ២០២៥ ទីក្រុងកឹងធើបានផ្សព្វផ្សាយអនុវត្តកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនជាតិភាគតិច ជាមួយប្រភព ថវិកាសរុបចំនួន ១.៥២០.០២៦ លានដុង។ ក្នុងនោះ រួមមាន៖ គម្រោង ១ ដោះស្រាយស្ថានភាព ខ្វះដីសង់លំនៅឋាន លំនៅឋាន ដីផលិត និងទឹកស្អាតប្រើប្រាស់ ជាមួយថវិកាជាង ៣១ ពាន់លានដុង។ គម្រោង៣ អភិវឌ្ឍផលិតកសិ-រុក្ខកម្ម ប្រកបដោយចីរភាព ពង្រីកសក្តានុពល ឧត្តមភាពនៃតំបន់នីមួយៗ ដើម្បីផលិតទំនិញតាមខ្សែ សង្វាក់តម្លៃជាមួយថវិកាជាង ១៨ ពាន់លានដុង។

អាស្រ័យការផ្សព្វផ្សាយអនុវត្តព្រមៗគ្នា និងមានប្រសិទ្ធភាពនូវកម្មវិធី រួមនឹងការយកចិត្តទុកដាក់យ៉ាងដិតដល់ពីសំណាក់រដ្ឋអំណាចគ្រប់លំដាប់ថ្នាក់ ជីវភាពសម្ភារៈនិងស្មារតីរបស់ជន រួមជាតិខ្មែរកាន់តែបានលើកកម្ពស់។ លទ្ធផលដែលសម្រេចបានគឺជាភស្តុតាងជាក់ស្តែងដើម្បីប្រជាជនកាន់តែជឿជាក់យ៉ាងមុតមាំលើគោលការណ៍ដ៏ត្រឹមត្រូវរបស់បក្ស និងរដ្ឋ។ តាំងពីនោះ មាមីងកាន់តែខិតខំពលកម្មផលិត រួមចំណែកជាមួយរដ្ឋអំណាចកសាងមាតុភូមិឱ្យរីកចម្រើនជាងទៀត៕

ថាញវ៉ាង - ថាច់ធី

ចែករំលែកអត្ថបទ

ពាក្យគន្លឹះ