ព្រឹត្តិការណ៍ - នយោបាយ ព្រឹត្តិការណ៍ - នយោបាយ

27/12/2025 - 15:35

ហ្វឹកហាត់ជំនាញការពារមូលដ្ឋានឧត្តមគតិរបស់បក្សក្នុងស្ថានភាពថ្មី

គណៈចង្អុលការ ៣៥ នៃគណៈកម្មាធិការបក្សបណ្តាស្ថាប័នបក្សទីក្រុងកឹងធើ បានចាត់តាំងសន្និសីទហ្វឹកហាត់ បំប៉នលើកកម្ពស់ចំណេះដឹង និងជំនាញក្នុងការការពារមូលដ្ឋានឧត្តមគតិរបស់បក្ស ព្រមទាំងប្រយុទ្ធប្រឆាំងនិងបដិសេធរាល់ទស្សនៈខុសឆ្គងក្នុងស្ថានភាពថ្មី។

កម្មាភិបាលនិងបក្ខជនចូលរួមហ្វឹកហាត់។

សន្និសីទនេះ មានការចូលរួមពីតំណាងគណៈកម្មាធិការបក្សនៃបណ្តាស្ថាប័នបក្សក្រោមឱវាទគណៈកម្មាធិការបក្ស; សមាជិកគណៈចង្អុលការ ក្រុមលេខា ក្រុមសហការីនៃគណៈចង្អុលការ ៣៥ នៃគណៈកម្មាធិការបក្ស; រួមជាមួយកងជួរកម្មាភិបាល និងបក្ខជននៃបណ្តាសាខាបក្ស និងបក្ខភាគមូលដ្ឋានក្រោមឱវាទគណៈកម្មាធិការបក្សនៃបណ្តាស្ថាប័នបក្សទីក្រុង។

ថ្លែងការណ៍ក្នុងពិធីបើកសន្និសីទ លោក ង្វៀងខាញ់តុង សមាជិកគណៈកម្មាធិការបក្សទីក្រុង និងជាអនុលេខាទទួលបន្ទុកនៃគណៈកម្មាធិការបក្សបណ្តាស្ថាប័នបក្សទីក្រុង បានសង្កត់ធ្ងន់៖ ការងារការពារមូលដ្ឋានឧត្តមគតិរបស់បក្ស និងការតស៊ូបដិសេធទស្សនៈខុសឆ្គង គឺជាភារកិច្ចដ៏សំខាន់ ជាបញ្ហាស្លាប់រស់របស់បក្ស និងរបបនយោបាយប្រទេសយើង ព្រមទាំងជាការទទួលខុសត្រូវរបស់ប្រព័ន្ធនយោបាយទាំងមូល...។ ជាមួយនឹងភារកិច្ចដ៏សំខាន់នោះ សន្និសីទហ្វឹកហាត់នេះមានគោលបំណងបំពាក់នូវចំណេះដឹងស៊ីជម្រៅ បំពេញព័ត៌មានថ្មីៗ បំផុតអំពីស្ថានភាព វិធីសាស្ត្រ និងល្បិចកលបំផ្លិចបំផ្លាញរបស់កម្លាំងអមិត្ត។ ទន្ទឹមនឹងនោះ លើកកម្ពស់ការយល់ដឹង បំប៉ន និងបំពេញចំណេះដឹង ជំនាញ និងវិជ្ជាជីវៈសម្រាប់គណៈកម្មាធិការបក្ស និងក្រុមការងារគណៈចង្អុលការ ៣៥ ជាពិសេសគឺការអនុវត្តបច្ចេកវិទ្យាក្នុងការការពារមូលដ្ឋានឧត្តមគតិរបស់បក្ស។

សន្និសីទនេះប្រព្រឹត្តឡើងក្នុងរយៈពេល ១,៥ ថ្ងៃ ចាប់ពីថ្ងៃទី ២៥ ដល់ ២៦ ខែធ្នូ ឆ្នាំ ២០២៥ ដោយមានប្រធានបទចំនួន ៣ រួមមាន៖ គណៈកម្មាធិការបក្សមូលដ្ឋានជាមួយនឹងការងារការពារមូលដ្ឋានឧត្តមគតិរបស់បក្ស តស៊ូបដិសេធទស្សនៈខុសឆ្គងក្នុងស្ថានភាពថ្មី; ជំនាញ សុវត្ថិភាព សន្តិសុខ និងប្រតិបត្តិការប្រកបដោយប្រសិទ្ធភាពនូវបណ្តាញផ្សព្វផ្សាយដូចជា គេហទំព័រ ក្រុម Fanpage លើបណ្តាញសង្គម; ណែនាំជំនាញរចនាផលិតផលឃោសនាតម្រង់ទិសជាសាធារណៈ និងតស៊ូបដិសេធ ទស្សនៈខុសឆ្គង ដោយប្រើបច្ចេកវិទ្យាដូចជា Infographic, Video clip, Podcast...។

ប្រភព÷ baocantho.com.vn - សុផន

ចែករំលែកអត្ថបទ

ពាក្យគន្លឹះ