គោលនយោបាយ -ការរស់នៅ ច្បាប់

19/12/2025 - 06:30

របៀបបំពេញព័ត៌មានលំនៅឋាននៅលើ VNeID ដើម្បីចៀសវាងការពិន័យចាប់ពីថ្ងៃទី១៥ ខែធ្នូ

ចាប់ពីពាក់កណ្ដាលខែធ្នូ ឆ្នាំ២០២៥ តទៅប្រជាជនដែលមិនអាចបង្ហាញព័ត៌មានលំនៅឋាន (តាមរយៈឯកសារក្រដាស ឬកម្មវិធី VNeID) នៅពេលមានសំណូមពរត្រួតពិនិត្យ អាចប្រឈមនឹងការពិន័យរហូតដល់ ១ លានដុង។

ប្រជាជនអាចរាយការណ៍ព័ត៌មានលំនៅឋានដោយផ្ទាល់នៅលើកម្មវិធី VNeID (តម្រូវឱ្យមានការកំណត់អត្តសញ្ញាណកម្រិត ២)។ រូប៖ថតពីអេក្រង់

ដើម្បីងាយស្រួលបំផុត អ្នកប្រើប្រាស់ទូរសព្ទឆ្លាតវៃអាចអនុវត្តបែបបទរាយការណ៍ និងបង្ហាញទិន្នន័យនេះដោយផ្ទាល់តាមរយៈកម្មវិធីកំណត់អត្តសញ្ញាណអេឡិចត្រូនិច VNeID។

យោងតាមអនុក្រឹត្យលេខ២៨២/២០២៥/NĐ-CP ស្ដីពីបទប្បញ្ញត្តិអំពីការពិន័យចំពោះបទល្មើសរដ្ឋបាលក្នុងវិស័យសន្តិសុខ សណ្តាប់ធ្នាប់ សុវត្ថិភាពសង្គម; បង្ការបង្ក្រាបបាបគ្រោះសង្គម; បង្ការប្រឆាំងនឹងអំពើហិង្សាក្នុងគ្រួសារ (ដែលមានសុពលភាពចាប់ពីថ្ងៃទី១៥ ខែធ្នូ) ប្រជាពល រដ្ឋមានកាតព្វកិច្ចបង្ហាញព័ត៌មានលំនៅឋាននៅពេលកងកម្លាំងមានសមត្ថកិច្ចសំណូមពរ។ ប្រសិនបើមិនអាចផ្តល់បានទេ អាចរងការព្រមាន ឬពិន័យជាប្រាក់ចាប់ពី៥០០.០០០ ដល់ ១ លានដុង ដែលអនុវត្តចំពោះបុគ្គល និងកើនទ្វេដងចំពោះអង្គការ។

ក្នុងបរិកាណ៍នៃការផ្លាស់ប្តូរឌីជីថលនាពេលបច្ចុប្បន្ន ជំនួសឱ្យការកាន់ឯកសារជាក្រដាស ប្រជាជនអាចប្រើប្រាស់កម្មវិធី VNeID ជាដំណោះស្រាយជំនួសស្របច្បាប់ និងងាយស្រួល។ ទោះជាយ៉ាងណាក៏ដោយ ដើម្បីឱ្យមុខងារនេះដំណើរការបានអ្នកប្រើប្រាស់ត្រូវធានាថាគណនីកំណត់ អត្តសញ្ញាណអេឡិចត្រូនិចបានដំឡើងនៅកម្រិត២ (ចុះឈ្មោះដោយផ្ទាល់នៅទីភ្នាក់ងារនគរបាល) ហើយកម្មវិធីបានបំពេញនៅកំណែចុងក្រោយបំផុត។

នីតិវិធីចុះឈ្មោះលំនៅឋានអចិន្ត្រៃយ៍ លំនៅឋានបណ្ដោះអាសន្នអនឡាញ តាមរយៈកម្មវិធី VNeID

ដើម្បីបំពេញព័ត៌មានលំនៅឋានដោយមិនចាំបាច់ទៅទីភ្នាក់ងារនគរបាលប្រជាជនអាចធ្វើប្រតិបត្តិការភ្លាមៗនៅលើទូរសព្ទឆ្លាតវៃរបស់ខ្លួន។ បន្ទាប់ពីចូលកម្មវិធី VNeID នៅលើចំណុចប្រទាក់មេ អ្នកប្រើប្រាស់ស្វែងរកផ្នែក បែបបទរដ្ឋបាល។ នៅទីនេះ ប្រព័ន្ធនឹងផ្តល់ជម្រើសពីរ គឺចុះឈ្មោះលំនៅឋានបណ្ដោះអាសន្នឬចុះឈ្មោះលំនៅឋានអចិន្ត្រៃយ៍ អាស្រ័យលើតម្រូវការជាក់ស្តែង។

បន្ទាប់ពីជ្រើសរើសប្រភេទលំនៅឋានដែលសមស្រប អ្នកប្រើប្រាស់ចុចលើប៊ូតុង បង្កើតសំណើថ្មី។ ប្រព័ន្ធអនុញ្ញាតឱ្យជ្រើសរើសការរាយការណ៍ផ្ទាល់ខ្លួនឬរាយការណ៍ជំនួសអ្នកដទៃ។ នៅក្នុងជំហានបន្ទាប់ អ្នកប្រើប្រាស់ត្រូវ បំពេញព័ត៌មានពេញលេញ និងត្រឹមត្រូវទៅក្នុងទិន្នន័យដែលមានសម្គាល់ពណ៌ក្រហមថាជាចាំបាច់។ បន្ទាប់ពីបញ្ចប់ការបញ្ចូលទិន្នន័យ អ្នកប្រើប្រាស់ចុច ត្រួតពិនិត្យ ដើម្បីឱ្យប្រព័ន្ធពិនិត្យមើលព័ត៌មានទាំងស្រុងឡើងវិញ។

ប្រសិនបើទិន្នន័យដែលបានបង្ហាញគឺត្រឹមត្រូវ ជំហានចុងក្រោយគឺចុចលើប្រអប់ធានាទទួលខុសត្រូវចំពោះសេចក្តីរាយការណ៍ ហើយចុចបញ្ជូនឯកសារ។ បន្ទាប់មកសំណើនេះនឹងត្រូវបានបញ្ជូនទៅស្ថាប័នមានសមត្ថកិច្ចដើម្បីវិនិច្ឆ័យ និងបានបំពេញទៅក្នុងមូលដ្ឋានទិន្នន័យជាតិអំពីប្រជាជន៕

ប្រភព៖ thanhnien.vn - សុផន

ចែករំលែកអត្ថបទ

ពាក្យគន្លឹះ