មហាសាមគ្គីជនជាតិ ភូមិស្រុកផ្លាស់ថ្មី

03/12/2025 - 08:07

កសិករឃុំឡាយហ្វា ព្រួតដៃកសាងជនបទថ្មី

ពង្រីកតួនាទីអង្គប្រធានក្នុងការកសាងជនបទថ្មី កសិករនៅឃុំឡាយហ្វា ទីក្រុងកឹងធើ បានបើកយុទ្ធនាការព្រមៗគ្នាអនាម័យបរិស្ថាន រៀបចំកែលម្អដងផ្លូវជនបទ រួមចំណែកបង្កទិដ្ឋភាព បៃតង - ជ្រះ - ស្អាត លើកកម្ពស់គុណភាពការរស់នៅរបស់ប្រជាជន។

កម្មាភិបាលនិងប្រជាជនរួមគ្នាសម្អាតដងផ្លូវជនបទថ្មី។

ដើម្បីអំណរមហាសន្និបាតសមាគមកសិករ ឃុំឡាយហ្វា លើកទី១ ឆ្នាំ២០២៥ សមាគមកសិករឃុំ បានបើកយុទ្ធនាការអនាម័យបរិស្ថាន រៀបចំកែលម្អទេសភាពជនបទ បានទាក់ទាញសមាជិកនិងប្រជាជនចូលរួមកុះករ។

ដងផ្លូវជនបទភូមិឈូងធំ មានប្រវែងជាង ២.០០០ ម៉ែត្រ មានកម្មាភិបាល សមាជិកកសិករ រួមជាមួយនឹងមាមីងរាប់សិបនាក់រួមគ្នាកាប់ឆ្ការគុម្ពោតព្រៃ ប្រមូលសំរាម។ល។ ដោយសារគ្រប់គ្នាមានការស្រុះស្រួល ទើបដងផ្លូវនេះស្អាត បាត ស្រឡះស្រឡំ បង្កទិដ្ឋភាពថ្មីដល់តំបន់តាំងទីលំនៅ។

ដើម្បីគាំទ្រចលនានេះ សមាជិកកសិករជាច្រើនបានចូលរួមយ៉ាងសកម្ម ចាត់ទុកការចលនានេះគឺជាការទទួលខុសត្រូវចំពោះសហគមន៍។ បងស្រី ឡឹមធីសារិន សមាជិកកសិករនៅភូមិឈូងធំ ឱ្យដឹង៖ “តាំងពីសមាគមបំផុសចលនា មាមីងចូលរួមគាំទ្រគ្រប់គ្នា រាល់ពេលបើកយុទ្ធនាការម្តងៗ គ្រប់គ្នាតែងចូលរួមធ្វើដោយរីករាយ។ ដងផ្លូវស្អាតបាត ធ្វើដំណើរទៅមកមានភាពងាយស្រួល បរិស្ថានកាន់តែល្អប្រសើរ។ ប្រការសំខាន់ គឺការយល់ដឹងរបស់មាមីងបានផ្លាស់ប្តូរ អ្នកណាក៏មានស្មារតីភ្ញាក់រលឹករក្សាអនាម័យ”។

មិនត្រឹមតែសម្អាតបរិស្ថាន សមាគមកសិករ ឃុំឡាយហ្វា នៅទាំងផ្គួបបញ្ចូលផ្សព្វផ្សាយអំពីការបែងប្រភេទកាក់សំណល់ កាត់បន្ថយប្រើប្រាស់ថ្នាំការពាររុក្ខជាតិ លើកទឹកចិត្តសមាជិក អនុវត្តទម្រង់ផលិតសុវត្ថិភាព ជិតដិតនឹងបរិស្ថាន។ មានគ្រួសារកសិករជាច្រើនបានប្រើប្រាស់អស់ពីលទ្ធភាពកាកសំណល់សរីរាង្គធ្វើជាជី រួមចំណែកបន្ថយការចំណាយក្នុងការផលិតនិងការពារដី។

សមាគមក៏បានសហការជាមួយគណៈកម្មាធិការរណសិរ្សមាតុភូមិវៀតណាមឃុំ និងអង្គការមហាជននានា ចលនាប្រជាជនតុបតែងផ្ទះសម្បែង របងនិងថែរក្សាដងផ្លូវ; ទន្ទឹមនឹងនោះ កសាងទម្រង់គំរូជាច្រើនដើម្បីបើកទូលាយទូទាំងឃុំ។ ផ្តើមពីនោះ ទិដ្ឋភាពជនបទនៅឃុំឡាយហ្វាក៏បានផ្លាស់ថ្មីកាន់តែច្បាស់ពីមួយថ្ងៃទៅមួយថ្ងៃ។

លោក ក្វាច់វុាំងដែប ប្រធានសមាគមកសិករ ឃុំឡាយហ្វា ឱ្យដឹង៖ “សមាគមកសិករឃុំប្តេជ្ញាចិត្តជំរុញចលនាប្រឡងប្រណាំង ក្នុងនោះ ផ្តោតសំខាន់លើការកសាងជនបទថ្មី។ បើកយុទ្ធនាការអនាម័យបរិស្ថាន មិនត្រឹមតែធ្វើឱ្យទេសភាពស្អាតប៉ុណ្ណោះទេ ថែមទាំងលើកកម្ពស់ការយល់ដឹងរបស់សមាជិក និងមាមីងអំពីបរិស្ថានទៀតផង។ យើងខ្ញុំនឹងបន្តរក្សាទម្រង់ថ្ងៃសៅរ៍សកម្មភាពដើម្បីបរិស្ថានបៃតង ដើម្បីសុខភាពគ្រួសារ និងសហគមន៍ កសាងតំបន់តាំងទីលំនៅភ្លឺ - បៃ តង - ជ្រះ - ស្អាត ដងផ្លូវស៊ីវិល័យនៅគ្រប់ភូមិទាំងអស់”៕

ហុងទើ -វិមាន

ចែករំលែកអត្ថបទ

ពាក្យគន្លឹះ