គោលនយោបាយ -ការរស់នៅ គោលនយោបាយ

14/10/2025 - 09:03

រួមដំណើរជាមួយប្រជាជនលំនឹងជីវភាព អភិវឌ្ឍសេដ្ឋកិច្ច

ផ្តើមពីប្រភពទុនជាង៣ពាន់លានដុង នៃកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០២៥ (ហៅកាត់ថា កម្មវិធី) ឃុំលិតហូយធឿង ទីក្រុងកឹងធើ បានផ្សព្វផ្សាយមានប្រសិទ្ធភាពប្រភពទុន។ កម្មវិធីនេះ មិនត្រឹមតែជួយមាមីង “មានកន្លែងរស់នៅនិងមានការងារលំនឹង” នៅទាំងរួមចំណែកលើកកម្ពស់ប្រាក់ចំណូល ដើម្បីឈានឡើងចាកផុតក្រដោយចីរភាព។

មីងឡឹមធីសាលី នៅភូមិហូយទ្រុង ឃុំលិតហូយធឿង បានរដ្ឋជំនួយសង់ផ្ទះថ្មី។

ពេលកន្លង រដ្ឋអំណាចភូមិភាគឃុំលិតហូយធឿង ទីក្រុងកឹងធើ បានរួមដំណើរជាមួយប្រជាជនក្នុងការផ្សព្វផ្សាយគម្រោង ជំនួយសង់ផ្ទះនិងមុខរបរចិញ្ចឹមជីវិត ជួយមាមីងជនជាតិភាគតិចលំនឹងជីវភាព អភិវឌ្ឍសេដ្ឋកិច្ច។

ដើមឆ្នាំ ២០២៥ មីងឡឹមធីសាលី នៅភូមិហូយទ្រុង ឃុំលិតហូយធឿង បានរដ្ឋជំនួយផ្ទះថ្មីមួយខ្នង។ ជាគ្រួសារក្រ រស់នៅម្នាក់ឯងក្នុងផ្ទះចាស់ទ្រុឌទ្រោមជាច្រើនឆ្នាំមកហើយ មីងសាលីមានក្តីរំភើបយ៉ាងខ្លាំងពេលជញ្ជូនអីវ៉ាន់មកនៅផ្ទះថ្មីស្អាតបាតនិងសុវត្ថិភាព។ មីងសាលី ឱ្យ ដឹង៖ “ពីមុន ខ្ញុំប្រាថ្នាចង់បានផ្ទះនៅរឹងមាំមួយខ្នងសម្រាប់បាំងភ្លៀងបាំងក្ដៅ ឥឡូវក្តីប្រាថ្នានោះ បានក្លាយជាការពិតហើយ។ ខ្ញុំអរគុណរដ្ឋអំណាច ភូមិភាគដែលបានយកចិត្តទុកដាក់ ជួយអ្នកក្រដូចខ្ញុំនេះមានកន្លែងនៅត្រឹមត្រូវស្អាតបាត”។

រួមជាមួយគម្រោងជំនួយសង់ផ្ទះ ប្រជាជននៅទាំងបានបង្កលក្ខណៈពង្រីកមុខរបររកស៊ី តាមរយៈទម្រង់ចិញ្ចឹមគោ។ ជាក់ស្ដែងដូចគ្រួសារពូថាច់ហើ នៅភូមិសុខលាវ B ឃុំលិតហូយធឿង បានជំនួយគោ ២ ក្បាលដើម្បីពង្រីកមុខរបររកស៊ីរបស់គ្រួសារ។

ពូថាច់ហើនៅភូមិសុខលាវបេ ឃុំលិតហូយធឿង បានរដ្ឋជំនួយគោ ២ ក្បាល។

ពីមុន ជីវភាពគ្រួសារពូហើ ជួបការលំបាក ព្រោះគ្មានប្រភពចំណូលជាប្រចាំ។ ជាគ្រួសារក្បែរក្រ សេដ្ឋកិច្ចគ្រួសារពឹងលើការស៊ីឈ្នួល ប្រាក់ចំណូលមិនទៀងទាត់។ ពេលបានរដ្ឋអំណាចភូមិភាគជំនួយគោ២ក្បាល គាត់មានឱកាសពង្រីកទម្រង់ចិញ្ចឹមគោ បង្កការងារធ្វើបានលំនឹង។ ពូហើ ឱ្យដឹង៖ “ខ្ញុំរីករាយណាស់ ពីព្រោះមានគោសម្រាប់ចិញ្ចឹម មានមុខរបររកស៊ី។ អាស្រ័យការណែនាំអស់ពីចិត្តពីកម្មាភិបាលភូមិភាគអំពីរបៀបថែទាំគោ ដូច្នេះទើបគោឆាប់ធាត់ធំ។ អរគុណរដ្ឋអំណាចភូមិភាគ ដែលបានយកចិត្តទុកដាក់ជំនួយដល់គ្រួសារខ្ញុំមានលក្ខណៈឈានឡើងលំនឹងជីវភាព”។

លោកត្រឹងមិញញឹង ប្រធានគណៈកម្មាធិការប្រជាជនឃុំលិតហូយធឿង ឱ្យដឹង៖ “កន្លងហើយ ដោយការចូលរួមព្រមៗគ្នានៃទូទាំងប្រព័ន្ធនយោបាយនិងការស្របមតិ ចូលរួមគាំទ្រយ៉ាងសកម្មរបស់ប្រជាជន ឃុំផ្សព្វផ្សាយកម្មវិធីសម្រេចបានលទ្ធផលជាក់ស្តែង។ ភូមិភាគតែងពិនិត្យយ៉ាងម៉ត់ចត់ចំពោះមុខសញ្ញាទទួលផលនៅតាមភូមិនីមួយៗ ដើម្បីធ្វើការវាយតម្លៃត្រឹមត្រូវតាមតម្រូវការនិងជំនួយបានទាន់ពេល។ តាមរយៈនោះ មានប្រជាជនជាច្រើនគ្រួសារបានលំនឹងជីវភាព ឈានឡើងចាកផុតពីភាពក្រីក្រ”៕

ហុងទើ-ដាលីន

ចែករំលែកអត្ថបទ

ពាក្យគន្លឹះ