មហាសាមគ្គីជនជាតិ គំរូក្នុងសហគមន៍

07/10/2025 - 08:48

ប្រធានគណៈប្រជាជនភូមិគំរូ អស់ពីចិត្តដើម្បីប្រជាជន

ជាបុគ្គលគំរូ ជិតស្និទ្ធនិងគិតគូរជីវភាពប្រជាជន សហការល្អជាមួយគណៈកម្មាធិការបក្ស និងរដ្ឋអំណាច ចលនាប្រជាជនសកម្មក្នុងពលកម្មផលិត អភិវឌ្ឍន៍សេដ្ឋកិច្ច រួមចំណែកលើកកម្ពស់ជីវភាពសម្ភារៈនិងស្មារតីរបស់ប្រជាជន នេះគឺជាមតិយោបល់របស់ថ្នាក់ដឹកនាំ និងប្រជាជនពេលដែលរំលឹកដល់លោកគឹមង៉ុកហ្វាង - ប្រធានគណៈប្រជាជនភូមិបឹង ឃុំញូយ៉ា ទីក្រុងកឹងធើ។

លោកគឹមង៉ុកហ្វាង (ខាងឆ្វេង) មកផ្ទះប្រជាជនដើម្បីសួរសុខទុក្ខ និងស្តាប់ពីការលំបាក និងបញ្ហាប្រឈមរបស់ប្រជាជន។

អស់រយៈកាល ២៣ ឆ្នាំ បម្រើការងារនៅភូមិភាគ ដោយធ្លាប់បម្រើការងារជាកងកម្លាំងនគរបាល និងជិត ៤ ឆ្នាំក្នុងតួនាទីជាប្រធានគណៈប្រជាជនភូមិបឹង ឃុំញូយ៉ា លោកគឹមង៉ុកហ្វាង តែងយកការរៀនសូត្រនិងអនុវត្តតាមពាក្យប្រៀនប្រដៅរបស់អ៊ំហូ ជាគោលការណ៍ណែនាំក្នុងការងារនិងជីវភាព។ អាស្រ័យហេតុនោះ ក្នុងអំឡុងពេលបំពេញការងារ គាត់តែងសម្រេចល្អភារកិច្ច ហើយបានប្រជាជនជឿទុកចិត្ត។ ចាប់តាំងពីទទួលភារកិច្ចមក លោកតែងខ្នះខ្នែងសហការជាមួយអង្គការមហាជន ដើម្បីស្វែងរកដំណោះស្រាយ និងជួយលើកស្ទួយជីវភាពប្រជាជន។

សំណេះសំណាលជាមួយយើងខ្ញុំ លោកគឹមង៉ុកហ្វាង ចែករំលែក៖ “ឆ្នាំ ២០២២ ខ្ញុំបានប្រជាជនជឿទុកចិត្តបោះឆ្នោតជ្រើសរើសជាប្រធានគណៈប្រជាជនភូមិបឹង ដើម្បីសម្រេចល្អភារកិច្ចនិងការរំពឹងទុករបស់ប្រជាជន ខ្ញុំតែងឃោសនាផ្សព្វផ្សាយយ៉ាងសកម្មនូវគោលការណ៍របស់បក្ស គោលនយោបាយនិងច្បាប់របស់រដ្ឋ លើកកម្ពស់ស្មារតី សាមគ្គីភាព ខិតខំប្រឹងប្រែងដោយឥតឈប់ឈរ ដើម្បីជីវភាពរបស់មាមីងនិងការអភិវឌ្ឍរួមរបស់ភូមិស្រុក”។ ភូមិបឹង ជាភូមិមួយមានជនរួមជាតិខ្មែររស់នៅកុះករ មាន ៨៣៨ គ្រួសារ ក្នុងនោះ ជនរួមជាតិខ្មែរមានដល់ទៅ ៧៧០ គ្រួសារ ជីវភាពនៅជួបការលំបាកច្រើន។

លោកហ្វាង មានប្រសាសន៍៖ “ចំពោះគ្រួសារក្រីក្រដែលមិនប្រឹងប្រែងធ្វើការរកស៊ី ខ្ញុំតែងទៅជួបណែនាំដោយផ្ទាល់ដើម្បីដាស់ស្មារតីខ្លួនទីពឹងខ្លួន; ចំពោះការផលិតមិនមានប្រសិទ្ធភាព ខ្ញុំលើកជាសំណើនិងសហការជាមួយរដ្ឋអំណាចមូលដ្ឋាន បើកវគ្គផ្ទេរវិទ្យាសាស្ត្រ - បច្ចេកទេសអំពីការចិញ្ចឹមសត្វនិងដាំដំណាំ។ ចំពោះគ្រួសារដែលគ្មានដីផលិត ខ្ញុំណែនាំឱ្យបុលទុនអាទិភាពពីធនាគារគោលយោបាយសង្គម ដើម្បីប្រជាជនមានលក្ខណៈអភិវឌ្ឍការផលិត។ល។” ជាមួយនឹងដំណោះស្រាយជាក់ស្តែងជាច្រើន មកទល់ពេលនេះ ជីវភាពរបស់ប្រជាជនភាគច្រើនបានប្រសើរឡើង គ្រួសារជាច្រើនកសាងបានទម្រង់សេដ្ឋកិច្ចមានប្រសិទ្ធភាព លំនឹងជីវភាព។ ពូទ្រីវស៊ីណេ នៅភូមិបឹង ឱ្យដឹង៖ “ពីមុន សេដ្ឋកិច្ចគ្រួសារខ្ញុំលំបាក គ្មានដីផលិត អាស្រ័យការចលនារបស់លោកហ្វាង បង្កលក្ខណៈឱ្យបុលទុនដើម្បីចិញ្ចឹមគោ ទើបប៉ុន្មានឆ្នាំមកនេះ ជីវភាពគ្រួសារខ្ញុំបានប្រសើរឡើង ចាកផុតពីភាពក្រីក្រ។

ទន្ទឹមនឹងធ្វើល្អការងារគិតគូរជីវភាពរបស់ប្រជាជនថ្មីៗនេះ លោកគឹមង៉ុកហ្វាង នៅទាំងអនុវត្តមានប្រសិទ្ធភាពនូវចលនាកសាងជនបទថ្មីនៅមូលដ្ឋាន; ជាក់ស្ដែងគឺចលនាប្រជាជនបរិច្ចាគដី ជាង ៤០០ ម៉ែត្រ ដើម្បីពង្រីកផ្លូវជនបទ។ សហការជាមួយអង្គការមហាជននានា កសាងផ្លូវថ្មីចំនួន ២ ស្ពានចំនួន២ និងជួសជុលផ្លូវប្រវែង ៧០០ ម៉ែត្រ ថវិកាសរុបជិត ១,៥ ពាន់លានដុង។

និយាយអំពីលោកគឹមង៉ុកហ្វាង សមមិត្ត ត្រឹងធីធូហាំង លេខាគណៈកម្មាធិការបក្សឃុំញូយ៉ា ឱ្យដឹង៖ “ក្នុងការងារ លោកគឹមង៉ុកហ្វាង តែងលើកកម្ពស់ស្មារតីទទួលខុសត្រូវ ខិតខំប្រឹងប្រែង អនុវត្តល្អភារកិច្ចដែលបានប្រគល់ តែងទទួលស្តាប់និងឆ្លើយតបបានទាន់ពេលអំពីបំណងប្រាថ្នារបស់ប្រជាជនទៅកាន់គណៈកម្មាធិការបក្ស ក៏ដូចជារដ្ឋអំណាចមូលដ្ឋាន។ ទន្ទឹមនឹងនោះ លោកនៅទាំងសកម្មឃោសនាផ្សព្វផ្សាយ ចលនាប្រជាជនអនុវត្តល្អនូវគោលការណ៍ គោលនយោបាយរបស់បក្ស និងច្បាប់របស់រដ្ឋ រួមវិភាគទានថវិកានិងកម្លាំងពលកម្មដើម្បីកសាងហេដ្ឋារចនាសម្ព័ន្ធជនបទ រួមចំណែកជាមួយរដ្ឋអំណាចអនុវត្តជោគជ័យភារកិច្ចសេដ្ឋកិច្ចនយោបាយនៅមូលដ្ឋាន”៕

អត្ថបទ - រូបថត៖ ថាញវ៉ាង-មេងលី

ចែករំលែកអត្ថបទ

ពាក្យគន្លឹះ