សន្តិសុខ - ការពារប្រទេស ការពារប្រទេស

21/07/2025 - 10:38

មូលដ្ឋានសាសនារួមចំណែករក្សាសន្តិសុខសណ្ដាប់ធ្នាប់នៅភូមិភាគ

រយៈពេលកន្លង មានវត្តពុទ្ធសាសនាទក្ខិណនិកាយខ្មែរជាច្រើននៅក្រុងកឹងធើ បានខ្នះខ្នែងចូលរួមនិងអនុវត្តល្អនូវទម្រង់ព្រះសង្ឃនិងពុទ្ធបរិស័ទ បង្ការប្រឆាំងបទល្មើស ធានាសន្ដិសុខ សណ្ដាប់ធ្នាប់នៅភូមិភាគ។

រដ្ឋអំណាចភូមិភាគ អញ្ជើញទៅសួរសុខទុក្ខព្រះសង្ឃនិងគណៈកម្មការវត្តដើមអម្ពិល
អំពីស្ថានភាពសន្ដិសុខ សណ្ដាប់ធ្នាប់ក្នុងវត្ត។ រូបថត៖ ត្រឿងផល

ព្រះតេជព្រះគុណឡឹមទៀង ព្រះចៅអធិការរងវត្តមុនីសាគរដើមអម្ពិល សង្កាត់វិញភឿក មានថេរដីកា៖ “ ក្នុងឱកាសថ្ងៃសីលឬថ្ងៃបុណ្យទាន ព្រះចៅអធិការវត្តរួមជាមួយនឹងគណៈកម្មការវត្តតែងផ្សព្វផ្សាយ អប់រំ ចលនា ពុទ្ធបរិស័ទចូលរួមបង្ការ ប្រឆាំងបទល្មើស; មិនបណ្ដោយឱ្យការសេរីភាពជំនឿ សាសនា ដើម្បីធ្វើសកម្មភាពអបិយជំនឿឬប្រព្រឹត្តអំពើល្មើសច្បាប់ឡើយ។ អាស្រ័យហេតុនោះ ស្ថានភាព សន្ដិសុខសណ្ដាប់ធ្នាប់លើភូមិសាស្រ្តសង្កាត់តែងបានធានាជានិច្ច។ ព្រះសង្ឃនិងពុទ្ធបរិស័ទ តែងចូលរួមយ៉ាងសកម្មដើម្បីការពារសន្ដិសុខមាតុភូមិ ក៏ដូចជារួមគ្នាអនុវត្តល្អផ្នត់រស់នៅស៊ីវិល័យនិងទំនៀមទម្លាប់របស់ជនរួមជាតិខ្មែរ។ បន្ទាប់ពីដំណើរការបានជិត៣ឆ្នាំ គណៈកម្មការវត្តនិងសមាជិករបស់ទម្រង់ តែងសហការជាមួយនឹងគណៈ ផ្នែកគ្រប់លំដាប់ថ្នាក់របស់សង្កាត់រៀបចំផ្សព្វផ្សាយពីចលនាទូទាំងប្រជាជនការពារសន្ដិ សុខមាតុភូមិបានជាង ១៥០លើក។ ផ្ដើមពីនោះ ប្រជាជនកាន់តែមានស្មារតីភ្ញាក់រលឹកចំពោះការបង្ការ ប្រឆាំងបទល្មើសនិងបាបគ្រោះសង្គម”។

ចំណែកវត្តព្រៃជាប់ នៅឃុំឡាយហ្វា ក៏បានសហការយ៉ាងល្អជាមួយនឹងរដ្ឋអំណាចភូមិភាគនិងនគរបាលក្នុងការផ្សព្វផ្សាយបង្ការ ប្រឆាំងបទល្មើសនិងបាបគ្រោះសង្គមជូនពុទ្ធបរិស័ទផងដែរ។ ឆ្លងតាមរយៈការផ្សព្វផ្សាយ ពុទ្ធបរិស័ទចំណុះជើងវត្តមានការលើកកម្ពស់ស្មារតីគោរពច្បាប់ និងបង្កើនការប្រុងប្រយ័ត្នចំពោះបទល្មើសគ្រប់ប្រភេទ។ ផ្ដើមពីព័ត៌មានរបស់ប្រជាជន នគរបាលភូមិភាគបានទទួលនិងវិនិច្ឆ័យទាន់ពេលនូវករណីល្មើសច្បាប់។ ការផ្សព្វផ្សាយក៏បានរួមចំណែកលើកកម្ពស់ស្មារតីប្រុងប្រយ័ត្នរបស់ប្រជាជនចំពោះឧបាយ ល្បិចកលអូសទាញប្រជាជនចូលរួមសកម្មភាពប្រឆាំងរបស់អានុភាពអមិត្ត; អនុវត្តល្អផែនមហាសាមគ្គីទូទាំងជនជាតិ និងគោលនយោបាយជនជាតិ សាសនា ដើម្បីរួមចំណែកធានាសន្ដិសុខ សណ្ដាប់ធ្នាប់នៅតំបន់ជនជាតិនិងសាសនានៅភូមិភាគ៕

ត្រឿងផល - ថាច់ធី

ចែករំលែកអត្ថបទ

ពាក្យគន្លឹះ