កំសាន្ត រឿងពីនេះពីនោះ

07/07/2025 - 10:42

តើស្ងោរសាច់ចំឡកប៉ុន្មាននាទីឆ្អិន ហើយមិនស្ងួត?

សាច់ចំឡកស្ងោរយូរពេក វានឹងស្ងួតរឹង ពិបាកហូប ប្រសិនបើកំណត់ពេលត្រឹមត្រូវសាច់ទន់មានរសជាតិឆ្ងាញ់ មិនម្លាន់ពេក ដូច្នេះ គួរស្ងោរសាច់ចំឡកក្នុងរយៈពេលប៉ុនា្មន?

នេះជាផ្នែកសាច់សម្បូរប្រូតេអ៊ីន មានជាតិម្លាន់តិច ល្អសម្រាប់សុខភាព ប៉ុន្តែត្រូវចេះវិធីស្ងោរទើបសាច់ចំឡកមានរសជាតិឆ្ងាញ់ មិនស្ងួត មិនស្វិត។ (រូបថត៖ Kinggeorges)

សាច់ចំឡក គឺជាផ្នែកសាច់សុទ្ធរបស់ជ្រូក គោឬមាន់ គឺជាជម្រើសដ៏ពេញនិយម ព្រោះខ្លាញ់តិចសម្បូរប្រូតេអ៊ីននិងសាច់ទន់ ប្រសិនចម្អិនត្រឹមត្រូវតាមរបៀប។ ប៉ុន្តែ នេះក៏ជាផ្នែកសាច់ងាយស្ងួតនិងស្វិត ប្រសិនបើចម្អិនយូរពេកឬខុសរបៀប។ សំណួរត្រូវបានស្ត្រីមេផ្ទះជាច្រើនលើកសួរថា តើស្ងោរសាច់ចំឡកប៉ុន្មាននាទី ដើម្បីសាច់ឆ្អិនមិនស្ងួត?

ហេតុអ្វីបានជាសាច់ចំឡកងាយស្ងួត ? សាច់ចំឡក ពិសេសគឺសាច់ជ្រូកឬសាច់គោ ដែលផ្ទុកជាតិខ្លាញ់តិចនិងហាក់ដូចជាគ្មានសរសៃ។ ហេតុនេះ វាគ្មាន “ស្រទាប់” ធម្មជាតិដើម្បីរក្សាសំណើមក្នុងដំណាក់ការចម្អិន។ ពេលចម្អិនក្នុងកម្រិតក្ដៅខ្លាំង ប្រូតេអ៊ីនក្នុងសាច់រួញហើយ បញ្ចេញទឹកធ្វើឱ្យសាច់ស្ងួតសរសៃ បាត់រសជាតិឆ្ងាញ់។

ប្រការនេះងាយនឹងកើតមានប្រសិនបើអ្នកស្ងោរមិនត្រូវតាមបច្ចេកទេស តួយ៉ាងដូចដាក់សាច់ក្នុងទឹកត្រជាក់តាំងពីដំបូង ឬទុកឱ្យទឹកពុះយូរពេក។

ខាងក្រោមនេះគឺជាការណែនាំអំពីពេលវេលា សមស្របសម្រាប់ប្រភេទសាច់នីមួយៗ៖

- សាច់ចំឡកជ្រូកមួយដុំមានទម្ងន់ (ពី៣០០-៥០០ ក្រាម)៖ គួរស្ងោរក្នុងរយៈពេលប្រមាណពី១០-១៥ នាទី បន្ទាប់ពីទឹកពុះ រួចទុកសាច់ត្រាំ ក្នុងឆ្នាំងពី ៥-៧ នាទី ទុកឱ្យ “ត្រជាក់” ជួយឱ្យសាច់ឆ្អិនទន់និងមិនស្ងួត។

- សាច់ចំឡកជ្រូកហាន់ស្តើងៗ (១-២ សង់ទីម៉ែត្រ)៖ គ្រាន់តែស្ងោរពី ៤-៦ នាទី គិតចាប់តាំងពីពេលទឹកពុះ។ ចំណាំកុំស្ងោរយូរពេកធ្វើឱ្យសាច់បាត់រសជាតិឆ្ងាញ់ សាច់ស្ងួត។

- សាច់ចំឡកគោ៖ សម្រាប់សាច់គោ បើហាន់ស្តើងៗ គួរស្រុសក្នុងទឹកពុះប្រមាណពី២-៣នាទី ប៉ុន្តែបើទុកទាំងដុំទម្ងន់ពី ២០០-៣០០ ក្រាម គួរស្រុសក្នុងរយៈពេលពី ៥-៧ នាទី បន្ទាប់មកគ្របទុកក្នុងឆ្នាំងមួយរំពេច រួចស្រង់ចេញ។

គន្លឹះសម្រាប់ការស្ងោរសាច់ចំឡកមានរសជាតិឆ្ងាញ់

ដាក់សាច់ចូលស្ងោរពេលទឹកដាំពុះ ៖ សម្រាប់សាច់ចំឡក គួរដាំទឹកឱ្យពុះជាមុនសិន ទើបដាក់សាច់ចូល។ ការធ្វើបែបនេះ ជួយឱ្យប្រូតេអ៊ីនខាងក្រៅផ្នែកសាច់កកភ្លាម ដើម្បីរក្សាទឹកខាងក្នុងសាច់មិនឱ្យចេញទាន់។

កុំដុតភ្លើងឱ្យឆេះធំរហូត៖ បន្ទាប់ពីដាក់សាច់ចូលក្នុងទឹកពុះ គួរបន្ថយភ្លើងឱ្យឆេះល្មមឬតូច ទុកឱ្យទឹកពុះព្រិចៗ។ ទឹកពុះយូរពេកសាច់ចេញទឹកច្រើនធ្វើឱ្យសាច់ឆាប់ស្ងួត។

គ្របគម្របឆ្នាំងត្រាំសាច់បន្ទាប់ពីពន្លត់ភ្លើង៖ បន្ទាប់ពីស្ងោរសាច់ល្មមឆ្អិន មិត្តអាចពន្លត់ភ្លើង គ្របគម្របឆ្នាំង “ត្រាំសាច់” ក្នុងរយៈពេលពី៥- ១០ នាទី។ វិធីនេះ ជួយឱ្យកម្តៅជ្រាបចូលកាន់តែជ្រៅ ដោយមិនបាច់ដុតភ្លើងចម្អិនយូរ ទុកឱ្យសាច់ឆ្អិនល្មម ទឹកមានរសជាតិឆ្ងាញ់។

មុននឹងស្ងោរ ប្រឡាក់សាច់ជាមួយអំបិល ម្រេចឬខ្ញីបន្តិច មិនត្រឹមតែធ្វើឱ្យសាច់ក្លិនឈ្ងុយឆ្ងាញ់ប៉ុណ្ណោះទេ ថែមទាំងជួយរក្សាកម្រិតសំណើមដោយសារតែការវិនិច្ឆ័យស្រទាប់ប្រូតេអ៊ីនខាងក្រៅបានឆាប់។

គួរតែបន្ថែមអំបិលបន្តិច (កន្លះស្លាបព្រាកាហ្វេ សម្រាប់ទឹក ១ លីត្រ) ជួយឱ្យសាច់មានរសជាតិឆ្ងាញ់និងទន់។ គួរច្របាច់ក្រូចឆ្មារបន្ថែមពីរបីដំណក់ ធ្វើឱ្យសាច់សនិងបំបាត់ក្លិន មិនគួរដាក់ច្រើនពេក ព្រោះវានឹងធ្វើឱ្យសាច់ងាយស្ងួត។

គួរហាន់សាច់ពេលនៅក្តៅ ឬត្រជាក់? ទុកសាច់ឱ្យត្រជាត់ (ក្តៅឧណ្ហៗ) ទើបហាន់ជួយរក្សាជាតិទឹកខាងក្នុងស្រទាប់សាច់បានល្អ៕

យោង៖ vtcnews.vn-មុនី

ចែករំលែកអត្ថបទ

ពាក្យគន្លឹះ