សន្តិសុខ - ការពារប្រទេស ការពារប្រទេស

07/07/2025 - 10:42

ប្រសិទ្ធភាពក្លឹប " ប្រទះឃើញ បរិហារនិងព័ទ្ធចាប់ជនប្រព្រឹត្តល្មើស"

រយៈពេលកន្លង នគរបាលឃុំដាឡុក ស្រុកចូវថាញ់ ខេត្តត្រាវិញ (បច្ចុប្បន្នជាឃុំចូវថាញ់ ខេត្តវិញឡុង) បានអនុវត្តល្អនូវការងារធ្វើសេនាធិការជូនគណៈកម្មាធិការបក្ស និងរដ្ឋអំណាចភូមិភាគ ជំរុញការឃោសនា ចលនា កសាងនិងពង្រីកនូវទម្រង់រក្សាសន្តិសុខសណ្តាប់ធ្នាប់ដែលមានប្រសិទ្ធភាព។ ក្នុងនោះ លេចធ្លោគឺក្លឹប "ប្រទះឃើញបរិហារ និងព័ទ្ធចាប់ជនប្រព្រឹត្តល្មើស" នៅភូមិផ្នោរអណ្តែត។

ក្លឹបសហការជាមួយនគរបាលភូមិភាគឃោសនាអំពីការបង្ការ បង្ក្រាបបទល្មើសនៅក្នុងភូមិ។

លោកត្រឹងវ៉ាន់ថាញ ប្រធានក្លឹប មានប្រសាសន៍៖ “ពីមុន ភូមិផ្នោរអណ្ដែត ជាចំណុចក្តៅខាងសន្តិសុខ សណ្តាប់ធ្នាប់ ល្បែងស៊ីសង ជល់មាន់ ចោរកម្ម ពិសេសគឺចោរលួចរបស់របរកំប៉ិកកំប៉ុក តែងតែកើតមានជាញឹកញាប់ បង្កជាក្តីកង្វល់ដល់ប្រជាជន។ ម្ល៉ោះហើយ នៅឆ្នាំ ២០២០ គណៈកម្មាធិការបក្ស គណៈកម្មាធិការប្រជាជននិងនគរបាលឃុំ ក៏បានដឹកនាំបង្កើតក្លឹប ដោយមានសមាជិក ១៩ នាក់។ ភូមិក៏បានឃុំចង្អុលការឱ្យដាក់ខ្លោងទ្វារបង្ការបទល្មើសចំនួន ២ នៅតាមដងផ្លូវសំខាន់ៗក្នុងភូមិ នៅខ្លោងទ្វារនីមួយៗឃុំបានជ្រើសរើសប្រជាជន ៣-៤ នាក់ ដែលមានផ្ទះនៅជិតខ្លោងទ្វារ ដើម្បីទទួលបន្ទុកបិទទ្វារ នៅពេលប្រទះឃើញបទល្មើសចោរកម្ម ។ល។ ចាប់តាំងពីបង្កើតមក ក្លឹបបានសហការជាមួយកងកម្លាំងឯទៀតដើរល្បាត ឃោសនាបានចំនួន ៥៣ លើក ដោយមានប្រជាជនចូលរួមស្តាប់ប្រមាណ ១.៥១៣ លើកនាក់។ ចែកចាយខិត្តប័ណ្ណចំនួន ៦៥០ សន្លឹក ដែលមានលេខទូរស័ព្ទ និងប្រព័ន្ធទូរស័ព្ទទាន់ហេតុការណ៍ ដើម្បីប្រជាជនចូលរួមបរិហារបទល្មើស ហើយប្រជាជនក៏បានផ្តល់ព័ត៌មានដល់នគរបាលចំនួន ១៧ ដំណឹងដែលពាក់ព័ន្ធនឹងស្ថានភាពសន្តិសុខ សណ្តាប់ធ្នាប់។ល។ បច្ចុប្បន្ន ទម្រង់កំពុងពង្រីកប្រសិទ្ធភាព ស្ថានភាពសន្តិសុខ សណ្តាប់ធ្នាប់ក្នុងភូមិមានស្ថិរភាព គ្មានចោរលួចទ្រព្យសម្បត្តិ និងអសន្តិសុខ សណ្តាប់ធ្នាប់ដូចពីមុន”។

លោកគឹមចូវ នៅភូមិផ្នោរអណ្ដែត បានឱ្យដឹង៖ “ពីមុនស្ថានភាពសន្តិសុខ សណ្តាប់ធ្នាប់នៅក្នុងភូមិមានភាពស្មុគស្មាញ ប៉ុន្តែតាំងពីបង្កើតក្លឹបមក ស្ថានភាពខាងលើលែងមានទៀតហើយ ម្យ៉ាងវិញទៀត ស្ថានភាពនៃការបើកបរឆ្វែលនៅពេលយប់ជ្រៅ ក៏ត្រូវបាននគរបាលមូលដ្ឋានក្រើនរំលឹកដែរ ដូច្នេះឥឡូវកាត់បន្ថយច្រើន”។ លោកតៀងវ៉ាន់ផៃ នៅភូមិផ្នោរអណ្ដែត បានឱ្យដឹង ដោយក្តីរំភើប៖ “តាំងពីបង្កើតក្លឹបមក តំបន់នេះ មានភាពប្រសើរឡើងច្រើន ស្ថានភាពចោរលួចឆ្កែ លេងល្បែងស៊ីសង និងជល់មាន់លែងកើតមានទៀត។ នៅពេលបង្កើតក្លឹប ប្រជាជនបានផ្នែកសមត្ថកិច្ចរៀបចំវគ្គហ្វឹកហាត់ ឃោសនាអំពីការបង្ការបង្រ្កាបបទល្មើស ឥឡូវប្រជាជនក្នុងភូមិមានភាពក្លាហានក្នុងការបរិហារបទល្មើស”។

លោកត្រឹងវ៉ាន់ថាញ ឱ្យដឹងបន្ថែម៖ “ចំណុចលេចធ្លោរបស់ក្លឹបនាពេលកន្លង គឺការឃោសនាឱ្យប្រជាជនចូលរួមធានាសន្តិសុខ សណ្តាប់ធ្នាប់ ផ្តើមពីនោះ ស្មារតីយល់ដឹងរបស់ប្រជាជនក្នុងការបង្ការ បង្ក្រាបបទល្មើសបានកើនឡើង។ បច្ចុប្បន្ន ក្លឹបនៅតែបន្តសកម្មភាពឃោសនាជាប្រចាំ ចលនា ប្រជាជនឱ្យចេះការពារខ្លួន ទ្រព្យសម្បត្តិ មនោសញ្ចេតនានិងចូលរួមជាមួយរដ្ឋអំណាចមូលដ្ឋាន ក្នុងការបង្ការ បង្ក្រាបបទល្មើស”៕

សើុងម៉ាល័យ - សុផន

ចែករំលែកអត្ថបទ

ពាក្យគន្លឹះ