សន្តិសុខ - ការពារប្រទេស ការពារប្រទេស

02/06/2025 - 10:35

ចំណុចលេចផ្លៅក្នុងការអនុវត្តទម្រង់ "៤គ្មាន ៤មាន"

អនុវត្តមានប្រសិទ្ធភាពនូវទម្រង់ “៤គ្មាន ៤មាន” ម្ល៉ោះហើយ សាលាមធ្យមសិក្សាបំពេញវិជ្ជាបាលីណាមបូ ខេត្តសុកត្រាំង មានសន្តិសុខសណ្តាប់ធ្នាប់ល្អ បង្កលក្ខណៈជូនសមណសិស្សស្ងប់ព្រះទ័យសិក្សារៀនសូត្រ។

ទិដ្ឋភាពផ្សព្វផ្សាយជូនកម្មាភិបាល គ្រូបង្រៀន និងសមណសិស្សអំពីខ្លឹមសារទម្រង់។

ឆ្នាំ២០១៨ ទម្រង់ “៤គ្មាន” ត្រូវបានបង្កើតឡើង និងបង្កើនកម្រិតបណ្តើរៗ ទៅជាទម្រង់ “៤គ្មាន ៤មាន” នៅឆ្នាំ២០២០ រួមមាន៖ គ្មានការឆេះផ្ទុះកើតឡើង គ្មានការលួចទ្រព្យសម្បត្តិកើតឡើង គ្មានការចូលរួមបាបគ្រោះសង្គម គ្មានការឱ្យជនទុច្ចរិតឆក់ឱកាសអូសទាញ; មានស្មារតីពេលចូលរួមចរាចរណ៍ មានស្មារតីអនុវត្តការបង្ការទប់ស្កាត់រោគឆ្លង មានស្មារតីប្រព្រឹតមានសីលធម៌នៅលើបណ្តាញសង្គម និងមានស្មារតីការពារបរិស្ថាន។ ឆ្លងតាមរយៈនោះ រៀងរាល់ត្រៃមាស សាលានិងគណៈចង្អុលការទម្រង់ បានសហការជាមួយនឹងការិយាល័យវិជ្ជាជីវៈនគរបាលខេត្ត រៀបចំផ្សព្វផ្សាយក្នុងកម្មាភិបាល គ្រូបង្រៀននិងសមណសិស្ស។ ខ្លឹមសារផ្តោតសំខាន់លើការអប់រំប្រវេណីស្នេហាជាតិ មោទនភាពជាតិ លើកកម្ពស់ស្មារតីទទួលខុសត្រូវរបស់កម្មាភិបាល គ្រូបង្រៀន បុគ្គលិក និងសមណសិស្សក្នុងបុព្វហេតុការពារសន្តិសុខមាតុភូមិ; បំប៉នចំណេះដឹងអំពីការបង្ការ ប្រឆាំងបទល្មើសគ្រប់ប្រភេទនិងបាបគ្រោះសង្គម បំណិនអំពីការបង្ការពន្លត់អគ្គិភ័យនិងសង្គ្រោះបន្ទាន់ ផ្សព្វផ្សាយអំពីសន្តិសុខបណ្តាញក្រមសីលធម៌ប្រព្រឹត្តលើបណ្តាញសង្គម ច្បាប់ចរាចរណ៍ផ្លូវគោក ក្រមសីលធម៌ពេលចូលរួមចរាចរណ៍។ល។ លោក ឡេហ្វាងង៉ាង អនុប្រធានការិយាល័យរដ្ឋបាលនៃសាលាមធ្យមសិក្សាបំពេញវិជ្ជាបាលីណាមបូ ខេត្តសុកត្រាំង ឱ្យដឹង៖ “ទម្រង់៤គ្មាន ៤មាន” មានប្រយោជន៍ និងមានប្រសិទ្ធភាពក្នុងការថែរក្សាសន្តិសុខ សណ្តាប់ធ្នាប់ក្នុងសាលា។ ជួយឱ្យកម្មាភិបាល គ្រូបង្រៀន បុគ្គលិកនិងសមណសិស្សបង្កើនការយល់ដឹង មានស្មារតីភ្ញាក់រលឹក យល់ច្បាស់និងអនុវត្តត្រឹមត្រូវតាមគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ។ ពិសេស ជួយឱ្យសមណសិស្សលើកកម្ពស់ស្មារតីប្រុងប្រយ័ត្នចំពោះព័ត៌មានមិនពិត ឧបាយកលមួលបង្កាច់នៅលើបណ្តាញអ៊ីនធឺណិត ដោយមិនទុកឱ្យជនខិលខូចឆក់ឱកាសអូសទាញ”។

សមណសិស្សចែករំលែក ដោះដូរព័ត៌មានវិជ្ជមាននៅលើបណ្តាញសង្គម។

សមណសិស្ស យ័ញធី រៀនថ្នាក់ទី១០ មានថេរដីកា៖ “រៀងរាល់ឆ្នាំ សាលាតែងរៀបចំផ្សព្វផ្សាយអំពីសន្តិសុខបណ្តាញ ប្រព្រឹត្តមានសីលធម៌នៅលើបណ្តាញសង្គម ច្បាប់ចរាចរណ៍ផ្លូវគោក។ល។ បានជួយឱ្យអាត្មាភាព និងសមណសិស្សគ្រប់អង្គយល់ដឹងបន្ថែមអំពីការប្រើប្រាស់បណ្តាញសង្គម ធ្វើយ៉ាងណាដើម្បីមានប្រសិទ្ធភាព ចៀសវាងប្រព្រឹត្តល្មើសច្បាប់។ ជាពិសេស តាំងពីមានទម្រង់ “៤គ្មាន ៤មាន” ស្ថានភាពសន្តិសុខ សណ្តាប់ធ្នាប់នៅក្នុងសាលាមានសុវត្ថិភាព ជួយឱ្យសមណសិស្សរស់នៅសាមគ្គី មានស្មារតីភ្ញាក់រលឹកខ្ពស់ក្នុងការបង្ការប្រឆាំងបទល្មើសគ្រប់ប្រភេទ មានរបៀបរៀបរយ និងរស់នៅមានសីលធម៌ល្អ”។

លោកគ្រូ ថាច់រឹទ្ធិ នាយករងសាលាមធ្យមសិក្សាបំពេញវិជ្ជាបាលីណាមបូខេត្តសុកត្រាំង ឱ្យដឹង៖ “ទម្រង់បានផ្សព្វផ្សាយទូទាំងសាលា ដូច្នេះ ក្នុងដំណើរការបង្ហាត់បង្រៀន សាលានៅទាំងចង្អុលការផ្គួបបញ្ចូលនូវខ្លឹមសារជាប់ពាក់ព័ន្ធ ដើម្បីជួយឱ្យសមណសិស្សមានចំណេះដឹងបន្ថែមអំពីការងារធានាសន្តិសុខសណ្តាប់ធ្នាប់។ ទម្រង់នេះ បានសមណសិស្សចូលរួមជ្រោមជ្រែងដោយអស់ពីព្រះទ័យ និងចូលរួមយ៉ាងសកម្ម ម្ល៉ោះហើយស្ថានភាពសន្តិសុខសណ្តាប់ធ្នាប់ត្រូវបានធានា”៕

យីអាញ-ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ