ព្រឹត្តិការណ៍ - នយោបាយ ព្រឹត្តិការណ៍

02/06/2025 - 10:31

កឹងធើ ចេញដំណើរយុទ្ធនាការយុវជនវិស្សមកាលស្ម័គ្រចិត្ត ឆ្នាំ២០២៥

គណៈចង្អុលការកម្មវិធីអភិវឌ្ឍន៍យុវជនក្រុងកឹងធើ ទើបរៀបចំពិធីចេញដំណើរយុទ្ធនាការយុវជនវិស្សមកាលស្ម័គ្រចិត្ត ឆ្នាំ២០២៥។

ថ្នាក់ដឹកនាំក្រុងកឹងធើ ចុចប៊ូតុងបើកទិវាសមាគមនិស្សិតកឹងធើនៅអនុមហាវិទ្យាល័យកឹងធើ។

ថ្លែងយោបល់នៅក្នុងពិធីនេះ សមមិត្តង្វៀងធីង៉ុកឌេប អនុប្រធានគណៈកម្មាធិការប្រជាជនក្រុងកឹងធើ គូសបញ្ជាក់៖ យុទ្ធនាការយុវជនវិស្សមកាលស្ម័គ្រចិត្ត ឆ្នាំ២០២៥ ត្រូវបានរៀបចំក្នុងបរិបទប្រទេសយើងកំពុងជំរុញការផ្លាស់ប្តូរឌីជីថល អភិវឌ្ឍន៍សេដ្ឋកិច្ច-សង្គម ឆាប់រហ័សនិងប្រកបដោយចីរភាព តម្រូវការដាក់ចេញចំពោះយុវជនកាន់តែខ្ពស់។ ហេតុដូច្នេះ ដើម្បីការរៀបចំយុទ្ធនាការលើកនេះប្រកបដោយប្រសិទ្ធភាព មានអត្ថន័យយ៉ាងធំធេងក្នុងការលត់ដំ បំប៉នយុវជនអំពីឧត្តមគតិ សីលធម៌ បំណិនរស់នៅនិងស្មារតីលះបង់។ យុទ្ធនាការឆ្នាំនេះ ត្រូវបានផ្សព្វផ្សាយជាមួយគោលលំនាំ “វិសាលភាព - សុវត្ថិភាព - ប្រសិទ្ធភាព - ចីរភាព” ជាមួយកម្មវិធីយុទ្ធនាការសំខាន់ៗចំនួន៥ រួមមាន៖ “ជំនួយកម្លាំងរដូវប្រឡង” និងយុទ្ធនាការ “រដូវវិស្សមកាលបៃតង”, “ផ្កាក្ងោកក្រហម”, “ចេញដំណើរទ័ពបៃតង”, “រដូវសម្រាកពណ៌លឿង”...។

នៅក្នុងកម្មវិធីនេះ យុវវ័យក្រុងបង្ហាញមុខកងជួរ ១០ ក្រុមចូលរួមយុទ្ធនាការយុវជនវិស្សមកាលស្ម័គ្រចិត្តនៅខេត្ត ក្រុងនានាតំបន់វាលរាបទន្លេគឺវឡុង តីង្វៀន និងកោះចំនួន២ គឺកោះថោជូនិងហងជូយ ទាក់ទាញយុវជនចូលរួមជិត ៣០.០០០ លើកនាក់។ យុទ្ធនាការនេះ ប្រព្រឹត្តទៅចាប់ពីពេលនេះរហូតដល់ដំណាច់ខែសីហា ឆ្នាំ២០២៥ ដោយផ្តោតលើសកម្មភាពគិតគូរសុខុមាលភាពសង្គម ស្ម័គ្រចិត្តកសាងជនបទថ្មីនិងក្រុងស៊ីវិល័យ។ ជាពិសេស គឺចលនា “ប្រជាសិក្សាឌីជីថល” ត្រូវបានផ្សព្វផ្សាយយ៉ាងទូលំទូលាយជាមួយនឹងសកម្មភាពណែនាំប្រជាជនផ្លាស់ប្តូរឌីជីថល ប្រើប្រាស់បណ្តាញសង្គមសុវត្ថិភាព និងផ្នែកទន់កម្មវិធីការិយាល័យជាមូលដ្ឋានគ្រឹះ។

ក្រោយពីពិធីនេះ យុវវ័យគ្រប់អង្គភាពនិងភូមិភាគទាំងអស់ បានរៀបចំសកម្មភាពជាច្រើន ដើម្បីគាំទ្រទិវាសមាគមនិស្សិតកឹងធើ; សមោសរក្លិប ក្រុម; ដំណើរវិលមកកាន់ប្រភពនៅមណ្ឌលកេរដំណែលប្រវត្តិសាស្ត្រ- វប្បធម៌។ អង្គភាពក្រោមឱវាទទាំង ១០០% ធ្វើការផ្សព្វផ្សាយព្រមៗគ្នាកងជួរចេញដំណើរយុទ្ធនាការស្ម័គ្រចិត្ត កសាងក្រុងស៊ីវិល័យ៕

យោង៖ Baocanthoonline-មុនី

ចែករំលែកអត្ថបទ

ពាក្យគន្លឹះ