មហាសាមគ្គីជនជាតិ ភូមិស្រុកផ្លាស់ថ្មី

24/06/2024 - 16:58

ប្រសិទ្ធភាពផ្តើមពីប្រព័ន្ធស្រោចស្រពក្បាលបាញ់ចំហាយទឹក

មានកសិករខ្មែរជាច្រើននៅខេត្តសុកត្រាំង បានប្រើប្រាស់ប្រព័ន្ធស្រោចស្រពដោយក្បាលបាញ់ចំហាយទឹក ដើម្បីកាត់បន្ថយប្រាក់ចំណាយក្នុងការផលិតសំចៃទឹក និងកម្លាំងពលកម្ម ។ល។ ប៉ុន្តែដំណាំនៅតែសម្រេចទិន្នផលខ្ពស់។ បច្ចុប្បន្ន ទម្រង់នេះកំពុងបានកសិករអនុវត្តយ៉ាងទូលំទូលាយ។

ប្រព័ន្ធស្រោចស្រពដោយក្បាលបាញ់ចំហាយទឹក ដែលបានដំឡើងក្នុងចម្ការ
របស់គ្រួសារបងឌោហឿង។

ប្រព័ន្ធស្រោចស្រពដោយក្បាលបាញ់ចំហាយទឹក បានជួយប្តីប្រពន្ធបងឌោហឿង នៅភូមិបឹងកក់ ឃុំភូមី ស្រុកមីទូ ដាំដំណាំជច្រើនប្រភេទ រួមមាន៖ គូឆាយ ខ្ទឹមស្លឹក ស្ពៃក្រញ៉ាញ់ អំបើស សាឡាត់ ។ល។ មានភាពងាយស្រួយ។ ជាច្រើនឆ្នាំមកនេះ ផ្តើមពីការដាំដំណាំ ទើបគ្រួសារបងហឿង មានជីវភាពធូរធារ។ បងហឿង ឱ្យដឹង៖ “ពេលដំឡើងម៉ូទ័រនិងប្រព័ន្ធស្រោចស្រពដោយក្បាលបាញ់ចំហាយទឹក អូសពង្រាយក្នុងចម្ការហើយ យើងគ្រាន់បើកកុងតាក់កំណត់ពេលវេលាសមស្របគឺទុកចោល ប្តីប្រពន្ធខ្ញុំទៅប្រមូលផលបន្លែដល់ម៉ោងម៉ាស៊ីនបិទដោយស្វ័យប្រវត្តិ។ អាស្រ័យមានប្រព័ន្ធស្រោចស្រពស្វ័យប្រវត្តិ ទើបខ្ញុំដាំដំណាំ ៤ កុងបានយ៉ាងងាយសំចៃ បានទាំងពេលវេលាទឹកនិងកម្លាំងពលកម្ម ដំណាំលូតលាស់ល្អ។ ដោយប្រព័ន្ធស្រោចស្រពបាញ់ទឹកជោកស្មើ ធានារក្សាជាតិសំណើមឱ្យដំណាំបានគ្រប់គ្រាន់”។

ជាមួយនឹងទម្រង់ “អនុវត្តឧបករណ៍បញ្ជាប្រព័ន្ធស្រោចស្រពដោយក្បាលបាញ់ចំហាយទឹករួម បញ្ចូលដាក់ជីនិងបាញ់ថ្នាំដំណាំតាមរយៈទូរស័ព្ទ” លោកជីមម៉ាច់ នៅភូមិដាយង៉ៀថាំង ឃុំដាយតឹម ស្រុកមីស្វៀង ប្រិតសំចៃពេលវេលានិងកម្លាំងពលកម្មបានច្រើន។ លោកម៉ាច់ ឱ្យដឹង៖ “ពីមុន ដាំដំណាំ៣កុង ប្តីប្រពន្ធខ្ញុំត្រូវនៅក្នុងចម្ការរហូត ពីព្រោះរវល់អូសបំពង់ទុយោស្រោចស្រពដំណាំមួយថ្ងៃ២ដង ប៉ុន្តែឥឡូវនេះ ខ្ញុំគ្រាន់តែបើកបិទកុងតាក់ជាការស្រេច។ ពេលដំឡើងរួចរាល់ប្រព័ន្ធស្រោចស្រពដោយក្បាលបាញ់ចំហាយទឹក និងឧបករណ៍បញ្ជាតាមរយៈទូរស័ព្ទ (ជាមួយនឹងមុខងារស្តាប់ហៅទូរស័ព្ទ ផ្ញើសារ មិនចាំបាច់ប្រើស្មាតហ្វូន) គ្រាន់តែផ្ញើសារទៅប្រព័ន្ធស្រោចស្រពដោយក្បាលបាញ់ចំហាយទឹកស្វ័យប្រវត្តិ នឹងបើកដំណើរការព្រមៗគ្នា ដូច្នេះ ខ្ញុំមិនបាច់ទៅបើកផ្ទាល់”។ យោងតាមសម្តីលោកម៉ាច់ ទម្រង់នេះក្រៅពីការស្រោចស្រព ក៏មានប្រយោជន៍សម្រាប់ការដាក់ជី និងបាញ់ថ្នាំ ជួយប្រិតសំចៃបានពេលវេលា កម្លាំងពលកម្ម កាត់បន្ថយប្រាក់ចំណាយលើជីថ្នាំ ប៉ុន្តែដំណាំនៅតែសម្រេចប្រសិទ្ធភាព បង្កើនទិន្នផល។ ឥឡូវនេះ លោកម៉ាច់តែងបារម្ភពីការខ្វះទឹកសាបក្នុងរដូវប្រាំង គាត់ដាំដំណាំទាំងប្រាំងវស្សា រកបានប្រាក់ចំណូលលំនឹង។

លោក ត្រឿងតឹងឡឹម អនុប្រធានគណៈកម្មាធិការប្រជាជនឃុំដាយតឹម ឱ្យដឹង៖ ទូទាំងឃុំមានផ្ទៃដីទំហំ១,៥ហិកតា អនុវត្តទម្រង់ “ប្រើប្រាស់ឧបករណ៍បញ្ជាប្រព័ន្ធស្រោចស្រពដោយក្បាលបាញ់ចំហាយទឹកដាក់ជីបាញ់ថ្នាំដំណាំតាមរយៈស៊ីមទូរស័ព្ទ” ដែលបានមជ្ឈមណ្ឌលជំរុញកសិកម្មស្រុកជំនួយ។ ក្នុងនោះ មានផ្ទៃដីទំហំជាង៩០% បានអនុវត្តប្រព័ន្ធស្រោចស្រពដោយក្បាលបាញ់ចំហាយទឹក (មិនរួមបញ្ចូលការដាក់ជីបាញ់ថ្នាំ) យ៉ាងមានប្រសិទ្ធភាព។ តាមរយៈនោះ បានជួយកសិករប្រិតសំចៃប្រាក់ចំណាយសំចៃទឹក កម្លាំងពលកម្ម ប៉ុន្តែដំណាំនៅតែសម្រេចទិន្នផលខ្ពស់។ នៅពេលខាងមុខ ឃុំនឹងបន្តការចលនាកសិករអនុវត្តទម្រង់នេះយ៉ាងទូលំទូលាយ សំដៅជំរុញការអនុវត្តវិទ្យាសាស្ត្របច្ចេកវិទ្យាខ្ពស់ក្នុងការបង្កបង្កើនផល៕

លីធាន-មុនី

ចែករំលែកអត្ថបទ

ពាក្យគន្លឹះ