កីឡា - ទេសចរណ៍ ទេសចរណ៍

03/06/2024 - 15:58

បាកលីវ មានរមណីយដ្ឋានជាច្រើនទាក់ទាញភ្ញៀវទេសចរ

ខេត្តបាកលីវ បច្ចុប្បន្នមានរមណីយដ្ឋានទេសចរណ៍គំរូ១១/៤៣កន្លែង ត្រូវបានសម្ព័ន្ធសមាគមទេសចរណ៍វាលរាបទន្លេគឺវឡុងទទួលស្គាល់ ក្នុងនោះ លើភូមិសាស្រ្តក្រុងបាកលីវមានរមណីយដ្ឋានទេសចរណ៍៩កន្លែង។ ជារៀងរាល់ឆ្នាំ រមណីដ្ឋានទេសចរណ៍ទាំងនេះ បានទាក់ទាញភ្ញៀវទេសចរ មកទស្សនាកម្សាន្តរាប់លាននាក់។

បាកលីវ រៀបចំសកម្មភាពពិធីបុណ្យវប្បធម៌ជាច្រើនទាក់ទាញភ្ញៀវ
ទេសចរមកទស្សនាកម្សាន្ត។

ឆ្នាំ២០២៣ ខេត្តបាកលីវទទួលភ្ញៀវទេសចរប្រមាណ ៤,២លានលើកនាក់ ដោយរកបានប្រាក់ចំណូលសរុបជិត៣.៨៥០ពាន់លានដុង ឈរចំណាត់ថ្នាក់ទី៤ក្នុងតំបន់វាលរាបទន្លេគឺវឡុង។ តាមប្រសាសន៍លោកស្រី ត្រឹងធីឡាងភឿង នាយិកាមន្ទីរវប្បធម៌កីឡា និងទេសចរណ៍ខេត្តបាកលីវ បានកំណត់ច្បាស់ទេសចរណ៍គឺជាសសរស្តម្ភមួយក្នុងចំណោមសសរស្តម្ភអភិវឌ្ឍសេដ្ឋកិច្ច- សង្គមទាំង៥។ ឆ្នាំ២០២៤ ផ្នែកទេសចរណ៍បានផ្តុំកម្លាំង “ជំរុញអភិវឌ្ឍវិស័យទេសចរណ៍ ពុះពារក្លាយជាផ្នែកសេដ្ឋកិច្ចដ៏សំខាន់របស់ខេត្ត។ គឺជាមជ្ឈមណ្ឌលទេសចរណ៍មួយនៃតំបន់វាលរាបទន្លេគឺវឡុង”។ ដើម្បីអនុវត្តទិសដៅខាងលើ ផ្នែកទេសចរណ៍បង្កើនការងារត្រៀមលក្ខណៈអំពីមូលដ្ឋានសម្ភារៈ បច្ចេកទេស និងប្រភពធនធានមនុស្សលើវិស័យទេសចរណ៍; ពិនិត្យពិច័យគុណភាពសេវាកម្មនៃមូលដ្ឋានធ្វើអាជីវកម្មខាងសេវាទេសចរណ៍ បំផុតគឺមូលដ្ឋានស្នាក់អាស្រ័យដឹកជញ្ជូនភ្ញៀវទេសចរ មណ្ឌលទីតាំងទេសចរណ៍និងភោជនីយដ្ឋានបម្រើជូនភ្ញៀវទេសចរមជ្ឈមណ្ឌលលក់ដូរ លេងកម្សាន្ត។ល។ ឆ្លើយតបតម្រូវការកាន់តែសម្បូរបែបរបស់ភ្ញៀវទេសចរពីមួយថ្ងៃទៅមួយថ្ងៃ។

មណ្ឌល និងទីតាំងទេសចរណ៍ដែលទាក់ទាញភ្ញៀវច្រើនបំផុតរបស់ខេត្ត ដូចជា៖ រមណីយដ្ឋានក្វាងអឹមផឹកដាយ រមណីយដ្ឋានវិហារតាក់សី វត្តហ៊ឹងថៀង ទីលានហ៊ុងវឿង តំបន់សមុទ្រសិប្បនិមិត្ត និងតំបន់កម្សាន្តចំណុះតំបន់ទេសចរណ៍ញ៉ាម៉ាក វាយោអគ្គិសនីហ្វាប៊ិញ១ អគារកុងតឺបាកលីវ និងវត្តព្រែកជៅ។ល។ ក្រៅពីនេះ ខេត្តថែមទាំងមានផលិតផល OCOP ១៣១មុខ (ក្នុងនោះ មានផលិតផល៣៣មុខ លំដាប់ផ្កាយ៤ និងផលិតផល៩៨មុខលំដាប់ផ្កាយ៣) សម្រាប់បម្រើតម្រូវការទិញវត្ថុអនុស្សាវរីយ៍របស់ភ្ញៀវទេសចរ ក៏ជាកត្តាដ៏សំខាន់ ជំរុញទេសចរណ៍ឱ្យរីកចម្រើនផងដែរ។ ផលិតផល OCOP មានម៉ូដសម្បូរបែប ឆ្លើយតបស្តង់ដារបទដ្ឋានគុណភាព សុវត្ថិភាពចំណីអាហារបម្រើការកាន់តែល្អតាមសំណូមពរនិងចំណូលចិត្តរបស់ភ្ញៀវទេសចរ។

តាមប្រសាសន៍លោកផាមវ៉ាន់ទីវ ប្រធានគណៈកម្មាធិការប្រជាជនខេត្តបាកលីវ ទេសចរណ៍បាកលីវកំពុងមានជំហានអភិវឌ្ឍខ្លាំងក្លា ចំនួនភ្ញៀវទេសចរកើនជាមធ្យមភាគប្រមាណ១៥%/ឆ្នាំ សរុបប្រាក់ចំណូលពីភ្ញៀវទេសចរកើនជាមធ្យមភាគប្រមាណ២០%/ឆ្នាំ។ ម្យ៉ាងទៀត សេវាទេសចរណ៍កាន់តែច្រើននិងសម្បូរបែបពីមួយថ្ងៃទៅមួយថ្ងៃ បង្កើតជាផលិតផលទេសចរណ៍ដែលមានផ្លាកយីហោក្នុងតំបន់និងក្នុងទូទាំងប្រទេស រួមចំណែកជំរុញផ្នែកទេសចរណ៍ខេត្តអភិវឌ្ឍរហ័សនិងប្រកបដោយនិរន្តរភាព។ បច្ចុប្បន្ន ខេត្តកំពុងផ្តុំកម្លាំងស្រាវជ្រាវ អភិវឌ្ឍបន្ថែមទម្រង់ទេសចរណ៍កសិកម្មជនបទ អេកូទេសចរណ៍ ទេសចរណ៍សហគមន៍ ឆ្លងតាមរយៈការរួបរួម វេញបញ្ចូលគ្នាពីវប្បធម៌ស្ថាបត្យកម្ម ជំនឿនិងពិធីបុណ្យប្រពៃណីនៃសហគមន៍ជនជាតិទាំង៣ កិញ-ខ្មែរ-ចិន បង្កភាពសម្បូរបែបអំពីផលិតផលទេសចរណ៍ ទាក់ទាញភ្ញៀវទេសចរយ៉ាងច្រើនមកខេត្តបាកលីវ ទស្សនាកម្សាន្តនិងឆ្លងកាត់បទពិសោធន៍៕

យ្វីអាញ-លីសៀ

ចែករំលែកអត្ថបទ

ពាក្យគន្លឹះ