សុខភាព - អប់រំ សុខភាព

27/05/2024 - 16:38

ខ្នះខ្នែងក្នុងការថែទាំសុខភាពប្រជាជន

ប៉ុន្មានឆ្នាំមកនេះ កម្មាភិបាលពេទ្យនៃដំណាក់សុខាភិបាលឃុំឡឹមកៀក ស្រុកថាញ់ទ្រី ខេត្តសុកត្រាំង តែងអនុវត្តល្អនូវភារកិច្ចពិនិត្យ ព្យាបាលជំងឺជូនប្រជាជននិងរួមចំណែកបង្ការ បង្ក្រាបជំងឺឆ្លងផ្សេងៗ។

គ្រូពេទ្យដំណាក់សុខាភិបាលឃុំឡឹមកៀក ពិនិត្យជំងឺជូនប្រជាជន។

តាមប្រសាសន៍វេជ្ជបណ្ឌិត ត្រឹមថាញញ៉ឹង ប្រធានដំណាក់សុខាភិបាលឃុំឡឹមកៀក ជាឃុំដែលមានជនរួមជាតិខ្មែររស់នៅកុះករ ម្ល៉ោះហើយ ឃុំឡឹមកៀកត្រូវបានអាទិភាពវិនិយោគមូលដ្ឋានសម្ភារៈ បំពាក់គ្រឿងបរិក្ខារពេទ្យដើម្បីអនុវត្តល្អនូវភារកិច្ចការពារ ថែទាំសុខភាពជូនប្រជាជន។ ឆ្លងតាមរយៈនោះ ដំណាក់សុខាភិបាលមានគ្រប់បន្ទប់ មុខជំនាញ មានម៉ាស៊ីនវាស់អគ្គិសនីបេះដូង ម៉ាស៊ីនវាស់ជាតិស្ករក្នុងឈាម ម៉ាស៊ីនប៊ឺតស្លេស្ម៍ ម៉ាស៊ីនឆ្ពង់ច្រមុះអតិសុខុមទស្សន៍ ម៉ាស៊ីនតេស្តទឹកនោម៘ និងមានវេជ្ជបណ្ឌិត គ្រូពេទ្យ ជាសារវន្តឆ្លើយតបតម្រូវការពិនិត្យ ព្យាបាលជំងឺជូនប្រជាជន។

ក្នុងរដូវដើមឆ្នាំ កម្មាភិបាលសុខាភិបាលបង្ការ បង្កើនការពិនិត្យដង្កូវទឹក
ដើម្បីបង្ការបង្ក្រាបជំងឺគ្រុនឈាម។

បច្ចុប្បន្ន មធ្យមភាគដំណាក់សុខាភិបាល ពិនិត្យ ព្យាបាលជូនអ្នកជំងឺជាង២០នាក់ក្នុងមួយថ្ងៃ មានជំងឺផ្សេងៗ ដូច៖ គ្រុនផ្តាសាយ សម្ពាធឈាម ជំងឺពោះវៀន ក្អក គ្រុនក្តៅ ៘ បងស្រី ហ្វិញធីស៊ីល នៅភូមិត្រាយ៉ មកពិនិត្យជំងឺ ឱ្យដឹង៖ “មកពិនិត្យជំងឺនៅដំណាក់សុខាភិបាល គ្រូពេទ្យនិយាយស្តីរាក់ទាក់ ផ្តល់ភាពជិតស្និទ្ធនឹងអ្នកជំងឺ។ ពិសេស ពេលពិនិត្យជំងឺរួចផ្តល់ថ្នាំពេទ្យបានឆាប់ ហើយណែនាំរបៀបផឹកថ្នាំ ដេកនៅនិងរបៀបបង្ការជំងឺយ៉ាងហ្មត់ចត់ ម្ល៉ោះហើយខ្ញុំស្ងប់ចិត្តណាស់”។

ទន្ទឹមនឹងនោះ ដំណាក់សុខាភិបាលថែមទាំងបង្កើតសហការីបានចំនួន១៤នាក់ នៅតាមក្រុមសុខាភិបាលទាំង៦ភូមិ និងកងជួរសុខាភិបាលបំពេញការងារបង្ការ ដែលបានចូលរួមវគ្គហ្វឹកហាត់ជារឿយៗ ដើម្បីធ្វើបច្ចុប្បន្នភាព ចំណេះដឹងអំពីការបង្ការ បង្ក្រាបជំងឺពងដៃ- ជើង - មាត់ គ្រុនឈាមដែលរៀបចំដោយផ្នែកសុខាភិបាលថ្នាក់លើ។ ផ្តើមពីនោះ តាមផែនការកងកម្លាំងសុខាភិបាលបង្ការព្រមទាំងសហការីក្រុមសុខាភិបាល និងអង្គការមហាជននានាតាមភូមិ រៀបចំផ្សព្វផ្សាយចំណេះដឹងពីការបង្ការ បង្ក្រាបជំងឺឆ្លងផ្សេងៗដល់ប្រជាជន។ ពេលប្រទះឃើញករណីកើតជំងឺ ដំណាក់សុខាភិបាលឃុំ ម្ចាស់ការសហការនឹងផ្នែកសុខាភិបាលថ្នាក់លើ អនុវត្តវិធានការកម្ចាត់សំបុករោគទាំង១០០%; កម្ចាត់ដង្កូវទឹក បាញ់សារធាតុគីមី ធ្វើយ៉ាងណាមិនឱ្យជំងឺឆ្លងរាលដាលពាសពេញ។ អាស្រ័យម្ចាស់ការក្នុងការបង្ការជំងឺ ម្ល៉ោះហើយនៅលើភូមិសាស្ត្រឃុំឡឹមកៀក មិនទាន់កើតមានសំបុករោគធំៗនោះទេ។

វេជ្ជបណ្ឌិតត្រឹមថាញញ៉ឹង ឱ្យដឹង៖ “អាស្រ័យប្រជាជនមានស្មារតីភ្ញាក់រលឹកខ្ពស់និងតែងសហការល្អក្នុងការបង្ការជំងឺ ទើបជំងឺឆ្លងរាលដាលតែងបានទប់ស្កាត់ជានិច្ច។ រយៈពេលខាងមុខ កម្មាភិបាលពេទ្យក្នុងដំណាក់សុខាភិបាល បន្តការលើកកម្ពស់ស្មារតី អាកប្បកិរិយាបម្រើការងារ បង្កទំនុកចិត្តដល់អ្នកជំងឺ។ ពិសេស ក្នុងរដូវដើមឆ្នាំ ដំណាក់សុខាភិបាលបានសហការយ៉ាងស្អិតល្មួតជាមួយសហការី អង្គការមហាជននានាបង្កើនការផ្សព្វផ្សាយដល់មាមីងខ្មែរនូវរាល់វិធានការបង្ការបង្ក្រាបជំងឺគ្រុនឈាម ដូច៖ កម្ចាត់ដង្កូវទឹក ចលនាមាមីងអនាម័យផ្ទះសម្បែងស្អាតបាត ដេកដាក់មុង ព្រលែងត្រី៧ពណ៌ទៅក្នុងពាងទឹក ៘ ដើម្បីកុំឱ្យជំងឺផ្ទុះឡើង”៕

យ្វីអាញ-លីសៀ

ចែករំលែកអត្ថបទ

ពាក្យគន្លឹះ