ព្រឹត្តិការណ៍ - នយោបាយ ព្រឹត្តិការណ៍

22/02/2024 - 21:20

ក្រុងកឹងធើ

គោលនយោបាយឧបត្ថម្ភគ្រួសារក្រីក្រ ចាកផុតពីភាពក្រីក្រដោយចីរភាព ដំណាក់កាល ២០២៤ - ២០២៥

(កឹងធើ) - ក្រុមប្រឹក្សាប្រជាជនក្រុងកឹងធើ ទើបចេញសេចក្តីសម្រេចលេខ ១២/២០២៣/NQ-HĐND កំណត់គោលនយោបាយឧបត្ថម្ភគ្រួសារក្រីក្រ ចាកផុតពីភាពក្រីក្រដោយចីរភាព ដំណាក់កាល ២០២៤ - ២០២៥ (សេចក្តីសម្រេចលេខ១២)។

ពិធីប្រគល់ផ្ទះមហាសាមគ្គីដល់គ្រួសារក្រីក្រ លំបាកអំពីលំនៅឋាន នៅសង្កាត់
តឹងឡុក ខណ្ឌថូកណូក។

សេចក្តីសម្រេចលេខ ១២ កំណត់គោលនយោបាយមួយចំនួនឧបត្ថម្ភគ្រួសារក្រីក្រ ចាកផុតពីភាពក្រីក្រដោយចីរភាព ដំណាក់កាល ២០២៤ - ២០២៥ រួមមាន៖ ឧបត្ថម្ភសាងសង់ផ្ទះ ទឹកស្អាតប្រើប្រាស់ បង្គន់អនាម័យនិងអគ្គិសនីប្រើប្រាស់; អនុវត្តចំពោះគ្រួសារក្រីក្រតាមបទដ្ឋានក្រពហុវិមាត្រ កំណត់ត្រង់អនុក្រឹត្យលេខ ០៧/២០២១/NĐ-CP កំណត់បទដ្ឋានក្រពហុវិមាត្រ ដំណាក់កាល ២០២១ - ២០២៥ មានឈ្មោះក្នុងបញ្ជីដែលគណៈកម្មាធិការប្រជាជនថ្នាក់ឃុំគ្រប់គ្រង និងបានគណៈកម្មាធិការប្រជាជនក្រុងអនុម័តជារៀងរាល់ឆ្នាំ។ ការឧបត្ថម្ភធានាត្រឹមត្រូវចំមុខសញ្ញាស្មើភាព បើកចំហនិងតម្លាភាព។

ចំពោះលក្ខខណ្ខឧបត្ថម្ភ មានដីស្របច្បាប់តាមសេចក្តីកំណត់របស់ច្បាប់ ធានាផ្ទៃដីធារផ្ទះស្របតាមខ្នាតគំរូផ្ទះមហាសាមគ្គី នោះសម្រាប់ការឧបត្ថម្ភសាងសង់ផ្ទះ; មានផ្ទះស្របច្បាប់តាមសេចក្តីកំណត់សម្រាប់ការឧបត្ថម្ភធ្វើបង្គន់អនាម័យ ទឹកស្អាតនិងអគ្គិសនីប្រើប្រាស់។ កម្រិតឧបត្ថម្ភសាងសង់ផ្ទះក្នុងមួយខ្នង ៥០ លានដុង។ ថវិកាឧបត្ថម្ភសាងសង់ផ្ទះបានមកពីការចលនាអង្គការ បុគ្គលនានាទាំងក្នុងនិងក្រៅក្រុងតាមសេចក្តីកំណត់; ចំណែកបង្គន់អនាម័យ ទឹកស្អាតនិងអគ្គិសនីប្រើប្រាស់ពីថវិការបស់ក្រុង។

សេចក្តីសម្រេចលេខ ១២ មានសុពលភាពអនុវត្តចាប់ពីថ្ងៃទី ១ ខែមករា ឆ្នាំ ២០២៤៕

កាសែតកឹងធើ - វិមាន

ចែករំលែកអត្ថបទ

ពាក្យគន្លឹះ