ព្រឹត្តិការណ៍ - នយោបាយ ព្រឹត្តិការណ៍

28/08/2023 - 15:51

នគរបាលខេត្តអាងយ៉ាង បង្ហាញពីកលល្បិចឧក្រិដ្ឋកម្មបច្ចេកវិជ្ជាខ្ពស់

ការិយាល័យសន្តិសុខបណ្តាញ និងបង្ការ ប្រឆាំងឧក្រិដ្ឋកម្មប្រើប្រាស់បច្ចេកវិជ្ជាខ្ពស់នគរបាលខេត្តអាងយ៉ាង ទើបសហការជាមួយនឹងនគរបាលស្រុកទ្រីតូង រៀបចំឃោសនា ផ្សព្វផ្សាយបាន២ពេល អំពីវិធីកលល្បិចរបស់ឧក្រិដ្ឋកម្មប្រើប្រាស់បច្ចេកវិជ្ជាខ្ពស់ដល់កម្មាភិបាល ប្រជាជននៅលើភូមិសាស្រ្តទីប្រជុំជនទ្រីតូង និងឃុំចូវឡាំង ស្រុកទ្រីតូង។

ប្រជាជនចូលរួមក្នុងវគ្គផ្សព្វផ្សាយ។

យោងតាមនគរបាលខេត្តអាងយ៉ាង ចាប់ពីដើមឆ្នាំមកទល់ពេលនេះ លើភូមិសាស្រ្តកើតមានករណីប្រជាជនរងការចាញ់បោកកិបកេងទ្រព្យសម្បត្តិ តាមបណ្តាញសង្គមជាង៥០ករណី។ កម្មាភិបាលនគរបាល បានជូនដំណឹង អំពីវិធីកលល្បិចរបស់មុខសញ្ញា ដែលតែងតែប្រើប្រាស់ដើម្បីបោកប្រាស់ កិបកេងទ្រព្យសម្បត្តិតាមរយៈបណ្តាញសង្គម ដូចជា៖ ប្រើប្រាស់បណ្តាញសង្គមដើម្បីបោកប្រាស់ ជ្រើសរើសសហការីអាជីវកម្មអនឡាញ “ការងារស្រាលប្រាក់ខែខ្ពស់” ចូលរួមតារាម៉ូដែលវ័យក្មេង ទទួលអំណោយ ប្រាក់កាសផ្ញើពីប្រទេសក្រៅមក ជូនដំណឹងឈ្នះរង្វាន់ និងទិញទំនិញអនឡាញដោយតម្លៃថោកជាដើម។

មុខសញ្ញាទាំងនេះនៅទាំងក្លែងបន្លំ ឈ្មោះថ្នាក់ដឹកនាំមន្ទីរ គណៈ ផ្នែក ភូមិភាគ ដើម្បីបោកប្រាស់; ក្លែងបន្លំ ឈ្មោះស្ថាប័នអនុវត្តច្បាប់ដើម្បីកិបកេងទ្រព្យសម្បត្តិ; ឱ្យបុលប្រាក់អនឡាញ; ក្លែងបន្លំការជូនដំណឹងរបស់ធនាគារ ដើម្បីកាន់កាប់សិទ្ធិប្រើប្រាស់ គណនីជូនដំណឹងពិន័យបទល្មើស រដ្ឋបាល; ហៅទូរស័ព្ទរំខាន គំរាមកំហែង សម្លុតទារបំណុលជាដើម។

ប្រជាជនបានចែករំលែកជាក់ស្តែងនូវករណីដែលបានកើតឡើង ពិគ្រោះ ណែនាំពីរបៀបដោះស្រាយ របៀបថ្កោលទោសឧក្រិដ្ឋកម្ម និងជូនព័ត៌មាន ឯកសារដល់ស្ថាប័ននគរបាលដើម្បីវិនិច្ឆ័យបានទាន់ពេល។

ស្របក្នុងឱកាសនេះ នាយកនគរបាលខេត្តអាងយ៉ាង បានជូនអំណោយ ៦០ចំណែកដល់មាមីងខ្មែរក្រីក្រនៅឃុំចូវឡាំងផងដែរ៕

យោង៖ កាសែតអាងយ៉ាង - វិមាន

ចែករំលែកអត្ថបទ

ពាក្យគន្លឹះ