គោលនយោបាយ -ការរស់នៅ គោលនយោបាយ

15/05/2023 - 15:01

សំណើធានាប្រសិទ្ធភាពនៃកម្មវិធី

លោកម៉ែនផល្លី ប្រធានគណៈជនជាតិខេត្តអាងយ៉ាង។

ភូមិភាគនានានៅតំបន់តីណាមបូ បាននិងកំពុងជំរុញការអនុវត្តនូវកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច ដំណាក់កាល ២០២១-២០៣០ ដំណាក់កាលទី ១ ឆ្នាំ ២០២១-២០២៥ (ហៅកាត់ថាកម្មវិធី)។ កាសែតកឹងធើភាសាខ្មែរ សូមស្រង់នូវសំណើមួយចំនួនសំដៅធានាប្រសិទ្ធភាពនៃកម្មវិធីក្នុងដំណើរការផ្សព្វផ្សាយអនុវត្តជាក់ស្ដែង។
* លោកម៉ែនផល្លី ប្រធានគណៈជនជាតិខេត្តអាងយ៉ាង៖

ក្រសួង ផ្នែកធ្វើការពិនិត្យសម្រិតសម្រាំងឯកសារណែនាំអនុវត្តនូវកម្មវិធីកម្មវិធី

ជាគោលការណ៍ធំ ត្រឹមត្រូវប្រកបដោយលក្ខណៈមនុស្សធម៌ដ៏ជ្រាលជ្រៅរបស់បក្សនិងរដ្ឋ ដើម្បីដោះស្រាយនូវបញ្ហាអភិវឌ្ឍន៍សេដ្ឋកិច្ច-សង្គមនៅភូមិភាគ។ ទន្ទឹមនឹងនោះ កម្មវិធីប្រមូលផ្ដុំបានប្រភពធនធាន ទប់ស្កាត់បានការរាត់រាយក្នុងការអនុវត្តគោលនយោបាយជនជាតិ។ ការងារផ្សព្វផ្សាយ គ្រប់គ្រង ដឹកនាំអនុវត្តកម្មវិធីលើភូមិសាស្រ្តខេត្តអាងយ៉ាងមានការឯកភាពព្រមៗគ្នា ចាប់ពីថ្នាក់ខេត្តរហូតដល់ថ្នាក់ស្រុក ថ្នាក់ឃុំ។ យន្តការគ្រប់គ្រងត្រូវបានពង្រឹងយ៉ាងរឹងមាំ ដំណើរការមានរបៀបរៀបរយ មានការបែងចែកការងារ សហការយ៉ាងហ្មត់ចត់ក្នុងកិច្ចចង្អុលការ ដឹកនាំនិងចាត់តាំងអនុវត្ត។

ទោះបីដូច្នោះក្ដី បច្ចុប្បន្នមានឯកសារចំនួន ១១៨ ក្នុងនោះ មាន ៩៣ ឯកសារណែនាំគ្រប់គ្រង ដឹកនាំ ចាត់តាំងអនុវត្តកម្មវិធីដែលដាក់ចេញដោយក្រសួង ផ្នែកមជ្ឈិម។ ឯកសារណែនាំច្រើនពេក ម្ល៉ោះហើយ ខេត្តមានការអល់អែកក្នុងការផ្សព្វផ្សាយអនុវត្តកម្មវិធី។ ដើម្បីជួយភូមិភាគផ្សព្វផ្សាយអនុវត្តកម្មវិធីបានឆាប់រហ័សនិងមានប្រសិទ្ធភាព ក៏មានការស្នើក្រសួង ផ្នែក ពិនិត្យសម្រិតសម្រាំងឯកសារណែនាំ ដូចជាការបញ្ចូលឯកសារដែលមានខ្លឹមសារស្រដៀងគ្នាជាដើម។

* លោកង្វៀងថាញនេម អនុប្រធានគណៈជនជាតិខេត្តកាម៉ាវ

លោកង្វៀងថាញនេម អនុប្រធានគណៈជនជាតិខេត្តកាម៉ាវ។

ឆាប់កសាងនិងអនុវត្តដំណោះស្រាយឌីជីថល ក្នុងការត្រួតពិនិត្យ ឃ្លាំមើលកម្មវិធី
ដំណោះស្រាយមួយក្នុងចំណោមដំណោះស្រាយលើកកម្ពស់ប្រសិទ្ធភាពនៃការអនុវត្តកម្មវិធីលើភូមិសាស្រ្តខេត្តកាម៉ាវនឹងបង្កើនការផ្លាស់ប្ដូរឌីជីថលនិងប្រើប្រាស់ព័ត៌មានវិទ្យា។ ពិសេស គឺបង្កើនការផ្លាស់ប្ដូឌីជីថលនិងប្រើប្រាស់ព័ត៌មានវិទ្យាក្នុងការត្រួតពិនិត្យ ឃ្លាំមើល វាយតម្លៃល្បឿនអនុវត្តកម្មវិធីនៅគ្រប់គណៈ ផ្នែក។ ផ្ដើមពីនោះ រួមចំណែកបង្ការ ទប់ស្កាត់ ប្រទះឃើញទាន់ពេលនិងវិនិច្ឆ័យម៉ឺងម៉ាត់រាល់ភាពអវិជ្ជមាន ពុករលួយ ខ្ជះខ្ជាយក្នុងដំណើរការអនុវត្តកម្មវិធី។

អាស្រ័យហេតុនោះ ស្នើដល់គណៈកម្មាធិការជនជាតិ កសាងដំណើរការនិងជំនួយខេត្តកាម៉ាវតភ្ជាប់ប្រព័ន្ធព័ត៌មានគ្រប់គ្រងទិន្នន័យអនុវត្តនូវដំណោះស្រាយឌីជីថល ដើម្បីភូមិភាគផ្សព្វផ្សាយអនុវត្តការងារ “ឃ្លាំមើល វាយតម្លៃការអនុវត្តនូវកម្មវិធី” លើភូមិសាស្រ្តខេត្តតាមបទប្បញ្ញត្តិនៃសារាចរលេខ ០១/២០២២/TT-UBDT ចុះថ្ងៃទី ២៦ ខែឧសភា ឆ្នាំ ២០២២ របស់គណៈកម្មាធិការជនជាតិ ស្ដីពីដំណើរការឃ្លាំមើល វាយតម្លៃការអនុវត្តនូវកម្មវិធី៕

ថាញឡុង(បូកសរុប) -ថាច់ធី

ចែករំលែកអត្ថបទ

ពាក្យគន្លឹះ