សន្តិសុខ - ការពារប្រទេស ការពារប្រទេស

27/09/2021 - 09:09

សកម្មភាពជាច្រើនជួយប្រជាជនតំបន់ព្រំដែនសមុទ្រ

រយៈពេលកន្លង កម្មាភិបាល យុទ្ធជនប៉ុស្ដិ៍ការពារព្រំដែន នៃកងទ័ពការពារព្រំដែនខេត្តសុកត្រាំង បានសហការយ៉ាងជិតស្និទ្ធជាមួយនឹងរដ្ឋអំណាចភូមិភាគ អនុវត្តមានប្រសិទ្ធភាពការចលនានៅតំបន់ព្រំដែនសមុទ្រ។ រួមចំណែកអនុវត្តជោគជ័យនូវទិសដៅពីរគឺ បង្ការ ប្រឆាំងជំងឺរាតត្បាតប្រកបដោយប្រសិទ្ធភាពផង ចូលរួមអភិវឌ្ឍសេដ្ឋកិច្ច - សង្គមនៅភូមិភាគ ផ្សារភ្ជាប់ជាមួយនឹងការគ្រប់គ្រង ការពាររឹងមាំអធិបតេយ្យ សន្តិសុខព្រំដែនតំបន់សមុទ្ររបស់ខេត្តផង។ អង្គភាពបានជូនអំណោយ ៤០៥ ចំណែកដល់បណ្ដាក្រុម និងទីតាំងត្រួតពិនិត្យជំងឺរាតត្បាត ជូនអង្ករ ៣៥,៥ តោន មីកញ្ចប់ ២.០០០ កេះ ម៉ាស់ចំនួន ៣៤.៨០០ ទឹកអាល់កុលកម្ចាត់មេរោគ ១.៥០០ ដប និងដឹកជញ្ជូនទំនិញជាង ៥០ តោនជំនួយប្រជាជនតំបន់ព្រំដែនសមុទ្រដែលរងផលប៉ះពាល់ដោយសារជំងឺ COVID-១៩។

កម្មាភិបាល យុទ្ធជនការពារព្រំដែនដឹកជញ្ជូនកសិផល ជំនួយដល់ប្រជាជនតំបន់ព្រំដែនសមុទ្ររងផលប៉ះពាល់ដោយសារជំងឺ COVID-១៩។

ទន្ទឹមនឹងនោះ រាល់អង្គភាពនៅទាំងសហការ ផ្សព្វផ្សាយបង្ការ ប្រឆាំងជំងឺ COVID-១៩ តាមប្រព័ន្ធផ្សាយសម្លេង; ផ្សព្វផ្សាយដោយទម្រង់”សំឡេងឧគ្ឃោសនស័ព្ទការពារព្រំដែន” ទាំង ៣ ភាសា គឺ វៀត – ខ្មែរ – ចិននៅតាមផ្សារ តាមមណ្ឌលតាំងទីលំនៅតំបន់មាត់សមុទ្របានចំនួន ១.២៧៥ លើក; ផ្សព្វផ្សាយជាទ្រង់ទ្រាយតូចៗដល់ប្រជាជន ២០.១៤៦ គ្រួសារនិងមធ្យោបាយនេសាទ ៥.១៤៣ គ្រឿង ដោយមាននេសាទករ ៤៦.៣៨១ នាក់; ចែកចាយខិត្តប័ណ្ណផ្សព្វផ្សាយ ១៧.៤២៣ សន្លឹកដល់ប្រជាជន ។ល។ ឆ្លងតាមរយៈនោះ ជួយប្រជាជនលើកកម្ពស់ស្មារតី អនុវត្តម៉ឺងម៉ាត់វិធានការបង្ការ ប្រឆាំងជំងឺ COVID-១៩ លើភូមិសាស្រ្តខេត្ត៕

យ្វីអាញ – ថាច់ធី

ចែករំលែកអត្ថបទ

ពាក្យគន្លឹះ