សន្តិសុខ - ការពារប្រទេស ការពារប្រទេស

23/03/2021 - 08:34

កងទ័ពការពារព្រំដែនខេត្តគៀងយ៉ាងនិងកងកម្លាំងការពារព្រំដែនកម្ពុជាចាត់តាំងដើរល្បាតរួមគ្នា

ដោយការយល់ព្រមរបស់បញ្ជាការថ្នាក់ដឹកនាំទាំងសងខាង ប៉ុស្ដិ៍ការពារព្រំដែនភូមីកងទ័ពការពារព្រំដែនខេត្តគៀងយ៉ាង និងកងកម្លាំងការពារព្រំដែនកម្ពុជា បានចាត់តាំងការដើរល្បាតរួមគ្នា។ នេះជាសកម្មភាពសហប្រតិបត្តិការមួយសំដៅទប់ស្កាត់ការ ឆ្លងដែនខុសច្បាប់ បង្ការប្រឆាំងការរត់ពន្ធនិងបង្ការប្រឆាំងជំងឺ COVID - ១៩។ ក្នុងការដើរល្បាតរួមគ្នានេះ ភាគីសងខាងនៅទាំងពិគ្រោះយោបល់ឯកភាព រាល់វិធានការពាក់ព័ន្ធនឹងព្រំដែនដែលភាគីទាំងពីរ គ្រប់គ្រងសំដៅរួមគ្នាដោះស្រាយឱ្យបានល្អថែមទៀតនៅពេលខាងមុខ។

មានសកម្មភាពជាច្រើនក្នុងការដើរល្បាត។

រយៈពេលកន្លង កិច្ចការបញ្ជ្រាបនិងអនុវត្តរាល់សន្ធិសញ្ញា អនុសញ្ញាស្ដីពីព្រំដែន និងរាល់កិច្ចព្រមព្រៀងសហប្រតិបត្តិការការពារព្រំដែន អនុស្សរណៈយោគយល់គ្នាដែលពាក់ព័ន្ធ ត្រូវបានចុះហត្ថលេខារវាងប្រទេសនិងកងទ័ពប្រជាជនវៀតណាម ជាមួយនឹងកងទ័ពនៃប្រទេសកម្ពុជា កិច្ចការបរទេសខាងការពារព្រំដែន សម្រេចបានសមិទ្ធិផលដ៏សំខាន់ៗជាច្រើន។ ក្នុងនោះ ការដើរល្បាតរួមគ្នា ឬហៅថាសហប្រតិបត្តិការការពារព្រំដែនរវាងប៉ុស្ដិ៍ការពារព្រំដែនជាមួយនឹងប៉ុស្ដិ៍ប៉មការពារព្រំដែន គ្រប់កងអនុសេនាធំនៃកងទ័ពការពារព្រំដែនរបស់ប្រទេសជិតខាង នេះគឺជាការច្នៃប្រតិដ្ឋថ្មីរបស់កងកម្លាំងការពារព្រំដែន មានអត្ថន័យជាក់ស្ដែង បង្ហាញនូវការសាមគ្គី ឯកភាពខ្ពស់របស់ភាគីទាំងពីរ ពីព្រោះខ្សែបន្ទាត់ព្រំដែនសន្តិភាព ស្ថិរភាព មិត្តភាព សហប្រតិបត្តិការ និងអភិវឌ្ឍន៍។ ការដើរល្បាតរួមគ្នា ត្រូវបានចាត់តាំងឡើងតាមផែនការកំណត់ ឬដោយចៃដន្យនិងប្តូរវេន អង្គភាពដើរល្បាត។

ដោយសារឥទ្ធិពលនៃជំងឺ COVID – ១៩ ការដើរល្បាតបានប្រព្រឹត្តឡើងយោងលើស្មារតីគោរពតាមសេចក្ដីកំណត់អំពីការបង្ការប្រឆាំងជំងឺឆ្លងរបស់ក្រសួងសុខាភិបាលនៃភាគីទាំងពីរ។ ថ្វីបើដូច្នោះក្ដី របៀបរបបនៃការងារតែងតែប្រព្រឹត្តឡើងត្រូវតាមលំដាប់លំដោយ គោរពនិងយោគយល់គ្នាទៅវិញទៅមក។ ក្រុមល្បាតនៃភាគីទាំងពីររួមគ្នាទៅល្បាតត្រួតពិនិត្យស្ថានភាពបង្គោលព្រំដែនជាតិ ដោះដូរស្ថានភាពខ្សែបន្ទាត់ព្រំដែន បង្គោលព្រំដែនជាតិ ផ្លូវច្រកល្ហកឆ្លងដែនទៅមកលើខ្សែបន្ទាត់ព្រំដែនរួម និងរួមគ្នាឯកភាពរាល់វិធានការគ្រប់គ្រងការពារ។

ឆ្លងតាមរយៈសកម្មភាពសហប្រតិបត្តិការដើរល្បាត កងកម្លាំងការពារព្រំដែននៃភាគីទាំងពីរ ក៏មានឱកាសជួបជុំ ទំនាក់ទំនងជិតស្និទ្ធជាមួយគ្នា ទំនុកចិត្ត យោគយល់ គោរពគ្នាទៅវិញទៅមក រួមគ្នាយល់ដឹងត្រឹមត្រូវអំពីខ្សែបន្ទាត់ព្រំដែននិងប្រព័ន្ធបង្គោលព្រំដែនជាតិ។ ក្រោយរយៈពេលដើរល្បាត ភាគីប៉ុស្ដិ៍ការពារព្រំដែនភូមី នៅទាំងរៀបចំពិធីជូនអំណោយ អនុស្សាវរីយ៍និងរបស់របរប្រើប្រាស់មួយចំនួនសម្រាប់បង្ការប្រឆាំងជំងឺ COVID - ១៩ ដល់កងកម្លាំងមិត្តនៅ បន្ទាត់ព្រំដែន៕

ឡេស៊ាង - ថាច់ធី

ចែករំលែកអត្ថបទ

ពាក្យគន្លឹះ