គោលនយោបាយ -ការរស់នៅ គោលនយោបាយ

07/09/2020 - 16:21

នៅពេលគោលនយោបាយស៊ីជម្រៅក្នុងជីវភាព

លោកត្រឿងថាញ់សាង ប្រធានការិយាល័យជនជាតិស្រុកកើ-ដ ក្រុងកឹងធើ ឱ្យដឹង៖ អាស្រ័យកម្មវិធីទិសដៅជាតិអំពីកសាងជនបទថ្មី និងគោលនយោបាយវិនិយោគដោយឡែករបស់រដ្ឋ សម្រាប់តំបន់ជនជាតិភាគតិចនៅស្រុកកើ-ដ ក្រុងកឹងធើ ទើបមានការផ្លាស់ប្ដូរច្រើន ជីវភាពសម្ភារៈ ស្មារតីរបស់ជនរួមជាតិបានលើកកម្ពស់។

ដងផ្លូវតភ្ជាប់ពីភូមិថើយត្រឿង ១ ទៅភូមិថើយត្រឿង ២ នៅឃុំថើយស្វឹង។

ជនរួមជាតិខ្មែរនៅស្រុកកើ-ដ រស់នៅលាយឡំគ្នាជាមួយនឹងជនជាតិដទៃទៀត នៅតាមឃុំ ទីប្រជុំជនទាំង ១០ លើភូមិសាស្រ្តស្រុក ក្នុងនោះ ប្រមូលផ្តុំច្រើនកុះករនៅតាមឃុំថើយដុង ថើយស្វឹង ដុងថាំង និងទីប្រជុំជនកើ-ដ។ល។ ក្រៅពីទទួលផលពីកម្មវិធី គម្រោង វិនិយោគរួមរបស់ស្រុក ក្រុង តំបន់ជនរួមជាតិនៅទាំងបានវិនិយោគពីគោលនយោបាយដោយឡែកជាច្រើនទៀត។ លេចធ្លោបំផុត គឺគោលនយោបាយ ឧបត្ថម្ភផ្ទះ និងដីសង់ផ្ទះដល់ជនរួមជាតិខ្មែរ ១១៧ គ្រួសារនៅមណ្ឌលតាំងទីលំនៅសម្រាប់ជនជាតិភាគតិចនៅភូមិថើយហ្វាB ទីប្រជុំជនកើ-ដ គិតជាទឹកប្រាក់សរុប ៩,៦ ពាន់លានដុង ឧបត្ថម្ភជនជាតិភាគតិច ២៧៣ គ្រួសារបុលទុនអភិវឌ្ឍផលិតកម្ម គិតជាទឹកប្រាក់ជាង ៣,៣ និងឧបត្ថម្ភប្រជាជន ៧៩ គ្រួសារបុលទុនដើម្បីជួសជុលផ្ទះ គិតជាទឹកប្រាក់ជិត ២ ពាន់លានដុង។ អនុវត្តកម្មវិធី ១៣៥ (ដំណាក់កាល II) របស់រដ្ឋាភិបាលដល់ភូមិលំបាកខ្លាំងចំនួន ២ របស់ឃុំថើយស្វឹង គឺភូមិថើយត្រឿង ១ និងថើយត្រឿង២ បានវិនិយោគ ១,៧ ពាន់លានដុង ដើម្បីអភិវឌ្ឍហេដ្ឋារចនាសម្ព័ន្ធ។ល។ តាមប្រសាសន៍អ្នកស្រីង្វៀនអាញ់ង្វៀត អនុប្រធានគណៈកម្មាធិការប្រជាជនទីប្រជុំជនកើ-ដ គ្រួសារដែលរស់នៅមណ្ឌលតាំងទីលំនៅសម្រាប់ជនជាតិភាគតិចនៅភូមិថើយហ្វាB បានរដ្ឋឧបត្ថម្ភដីសង់ផ្ទះ និងសង់ផ្ទះមហាសាមគ្គីជូន ម្ល៉ោះហើយមាមីងមានផ្ទះសម្បែងសមរម្យនិងស្ងប់អារម្មណ៍ធ្វើការរកស៊ី ដើម្បីឈានឡើងចាកផុតពីភាពក្រីក្រ តួយ៉ាងដូចគ្រួសារលោកលីសុង និងគ្រួសារបងឡឹមថេហៀងជាដើម។

លោកឡេក្វឹកវៀត ប្រធានគណៈកម្មាធិការប្រជាជនឃុំថើយស្វឹង ឱ្យដឹងបន្ថែម៖ “កម្មវិធី គម្រោង ដែលមានលក្ខណៈដោយឡែករបស់រដ្ឋវិនិយោគដល់ឃុំថើយស្វឹង បានពង្រីកប្រសិទ្ធភាព បង្កភាពផ្លាស់ប្ដូរជាវិជ្ជមានក្នុងជីវភាពជនរួមជាតិខ្មែរ។ ឃុំបានសហការជាមួយនឹងធនាគារគោលនយោបាយសង្គមស្រុក បានផ្ដល់កញ្ចប់ឧបត្ថម្ភបុលទុនផ្សេងៗ ដូចជា៖ សង់ផ្ទះ ផ្លាស់ប្តូរមុខរបរ និងទឹកស្អាតប្រើប្រាស់។ល។ មិនត្រឹមតែឧបត្ថម្ភបុលទុនប៉ុណ្ណោះទេ ឃុំនៅទាំងសហការបណ្តុះបណ្ដាល និងឧទ្ទេសនាមការងារធ្វើដល់ពលករនៅភូមិភាគចំនួន ៨០ នាក់ទៅធ្វើការនៅមណ្ឌលឧស្សាហកម្មត្រាណុក ខណ្ឌប៊ិញធ្វី។ ដើម្បីធានាសុវត្ថិភាពដល់ពលករ រៀងរាល់ថ្ងៃ រថយន្តរបស់ក្រុមហ៊ុន បានមកទទួល និងជូនដំណើរនៅមជ្ឈមណ្ឌលវប្បធម៌កីឡារបស់ឃុំ។ល។ ឆ្នាំ ២០១៩ ប្រាក់ចំណូលមធ្យមភាគរបស់ឃុំថើយស្វឹងសម្រេចបាន ៤៥,៧ លានដុង/ម្នាក់/ឆ្នាំ។ គ្រួសារជនជាតិភាគតិចក្រីក្រក្នុងទូទាំងឃុំ នៅតែ ៣ គ្រួសារប៉ុណ្ណោះ”៕

ហាថាញ់-វិមាន

ចែករំលែកអត្ថបទ

ពាក្យគន្លឹះ