គោលនយោបាយ -ការរស់នៅ គោលនយោបាយ

08/06/2020 - 14:14

ផ្តុំកម្លាំងអភិវឌ្ឍសេដ្ឋកិច្ច បង្កើនប្រាក់ចំណូលជូនជនរួមជាតិខ្មែរ

ឃុំហ្វាអឹង ស្រុកកូវកែ ខេត្តត្រាវិញ ជាភូមិភាគមានជនរួមជាតិខ្មែររស់នៅជាង៦៣%។ សេដ្ឋកិច្ចរបស់ជនរួមជាតិភាគច្រើនគឺផ្អែកលើការផលិតកសិកម្ម។ អាណត្តិកាល២០១៥-២០២០ បក្ខភាគឃុំហ្វាអឹង តែងផ្តោតការយកចិត្តទុកដាក់ផ្សព្វផ្សាយអនុវត្តគោលនយោបាយ យុទ្ធសាស្រ្តអភិវឌ្ឍសេដ្ឋកិច្ច-សង្គម និងបង្កើនកម្រិតប្រជាបញ្ញានៅតំបន់ជនរួមជាតិខ្មែរ។ ពិសេស គឺការនាំយកវិទ្យាសាស្រ្តបច្ចេកទេសមក អនុវត្តក្នុងការបង្កបង្កើនផល វិនិយោគ ធ្វើឱ្យសុក្រឹតហេដ្ឋារចនាសម្ព័ន្ធ។ល។

អ្នកមីងថាច់ធីសាញ់ ជាមួយនឹងទម្រង់ចងសម្ព័ន្ធដាំហ្គឹកនៅចម្ការដីផ្នោរ រកបានចំណូលប្រមាណពី៦០-៧០លានដុង/ហិកតា/ឆ្នាំ។

អាណត្តិកាល២០១៥-២០២០ សរុបប្រភពទុនកៀរគរវិនិយោគទូទាំងសង្គមនៅហ្វាអឹង សម្រេចជាង៨១១,៩២ ពាន់លានដុង ក្នុងនោះ កៀរគរប្រភពទុនកសាងជនបទថ្មីសម្រេចជាង៩៤,៥ពាន់លានដុង។ ឃុំវិនិយោគទុនកសាងផ្លូវដានបាន២១ ខ្សែ ផ្លូវកៅស៊ូបាន២ខ្សែ ស្ពានជនបទ អគារប្រជុំសហគមន៍ អគារវប្បធម៌អន្តរភូមិ។ល។ ជាមួយនឹងថវិកាជាង១៦,១ពាន់លានដុង។ ប្រាក់ចំណូលមធ្យមភាគប៉ាន់ស្មានសម្រេច៤៩,៥លានដុង/ម្នាក់/ឆ្នាំ (ឆ្នាំ២០២០)។ អត្រាគ្រួសារក្រីក្រកាត់បន្ថយនៅ២,៥% (ឆ្នាំ២០២០) សម្រេច២៨០% បើប្រៀបជាមួយនឹងសេចក្តីសម្រេចចិត្ត គ្រួសារប្រកៀកបន្ទាត់ក្រនៅ៥,៦៤% (ឆ្នាំ២០២០)។ ក្រោយពីរយៈកាល៥ឆ្នាំ ភូមិភាគបានសហការចូលរួមដោះស្រាយការងារធ្វើជូនពលករប្រមាណ២.៤៣៥នាក់។ លោកង្វៀនថាញ់ខៀក លេខាបក្ខភាគឃុំហ្វាអឹង ឱ្យដឹង៖ ប៉ុន្មានឆ្នាំកន្លង បក្ខភាគឃុំពង្រីកប្រសិទ្ធភាពតួនាទីទូទាំងប្រព័ន្ធនយោបាយ កៀរគរការចូលរួមពីសំណាក់ប្រជាជន គម្រោងកាត់បន្ថយភាពក្រីក្រប្រកបដោយចីរភាព ដំណាក់កាល២០១៥-២០២០ សមស្របនឹងភាពជាក់ស្តែងនៃភូមិភាគទៅតាមលំដាប់ឆ្នាំនីមួយៗគ្រប់ដំណាក់កាល។ល។ ពិសេស ភូមិភាគកំណត់ច្បាស់ចំណុចសំខាន់ក្នុងកិច្ចចង្អុលការអនុវត្ត ក៏ដូចជាអនុវត្តព្រមៗគ្នាកម្មវិធីទិសដៅជាតិស្ដីពីការបំបាត់ភាពអត់ឃ្លាន កាត់បន្ថយភាពក្រីក្រ ដូច៖ បុលទុនអនុគ្រោះ ឧបត្ថម្ភសង់ផ្ទះ ជំនួយទុនផលិតកម្ម ដាំដុះ ចិញ្ចឹមសត្វ។ល។ ឆ្នាំ២០១៩ ឃុំបានគណៈកម្មាធិការប្រជាជនទទួលស្គាល់ជាឃុំសម្រេចបទដ្ឋានវប្បធម៌-ជនបទថ្មី។

កត់សម្គាល់ពីការបង្វែររចនាសម្ព័ន្ធក្នុងការផលិត ក្រោយពីមួយអាណត្តិកាលមហាសន្និបាត (២០១៥- ២០២០) ឃើញថារូបភាព មណ្ឌលសេវាកម្ម-ពាណិជ្ជកម្មក៏បានលេចឡើង និងមានភាពរីកចម្រើនជាហូរហែ ទម្រង់ផលិតកសិកម្មក៏បានចងសម្ព័ន្ធតាមទិសដៅធានាទិញផលិផល ផលិតប្រមូលផ្តុំ ។ល។ រួមចំណែកនាំមកប្រសិទ្ធភាពសេដ្ឋកិច្ចខ្ពស់ បង្កើនប្រាក់ចំណូលជូនប្រជាជន។ អ្នកមីងថាច់ធីសាញ់ នៅភូមិត្បូងព្រែក ឱ្យដឹងដោយក្តីរីករាយ៖ “អាស្រ័យមានសហករណ៍វៀតថាញ់ ម៉្លោះហើយប្រជាជនមានប្រាក់ចំណូលលំនឹងនិងទាញយកផលមានប្រសិទ្ធភាពចម្ការដីខ្សាច់ បានរដ្ឋជួយឧបត្ថម្ភគ្រួសារដាំដើមហ្គឹក។ ជាមួយនឹងផ្ទៃដីប្រមាណ០,៣ ហិកតា ប្រមូលផលមួយខែៗប្រមាណពី៤៥០-៥០០គីឡូក្រាម លក់តម្លៃ៨.០០០ដុង/គីឡូក្រាម។ ឥឡូវមាមីងខ្មែរចាត់ទុកជាដំណាំបំបាត់ភាពក្រីក្រ ឆ្លងតាមរយៈគម្រោងស៊ាំនឹងការបម្រែបម្រួលអាកាសធាតុតំបន់វាលរាបទន្លេគឺវឡុងខេត្ត ក្នុងនោះមានខេត្តត្រាវិញ”៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ