គោលនយោបាយ -ការរស់នៅ គោលនយោបាយ

20/01/2020 - 07:42

ពិពិធកម្មផលិតផល បង្កើនតម្លៃសេដ្ឋកិច្ចដូងខ្ទិះកូវកែ

ដូងខ្ទិះជាផលិតផលពិសេសល្បីឈ្មោះរបស់ស្រុកកូវកែ ខេត្តត្រាវិញ។ ថ្វីបើដូច្នោះ ដូងខ្ទិះសំខាន់គឺប្រើប្រាស់ច្នៃជាភេសជ្ជៈ(ទឹកក្រឡុក) រក្សាទុកបានមួយរយៈពេលខ្លី ដូច្នេះបន្ទាប់ពីពុះផ្លែត្រូវពិសារភ្លាម។ ព្រោះហេតុនោះ ពិពិធកម្មផលិតផល បង្កើនតម្លៃសេដ្ឋកិច្ចពីផ្លែដូងខ្ទិះ តែងបានភ្នាក់ងារសមត្ថកិច្ចខេត្តត្រាវិញផ្តោតការយកចិត្តទុកដាក់។

បងស្រីង្វៀនធីកឹម កំពុងឧទ្ទេសនាមពីផលិតផលតំណាប់ដូងខ្ទិះ។

លោកយីវថាញ់តុង ប្រធានគណៈកម្មាធិការប្រជាជនទីប្រជុំជនកូវកែ ស្រុកកូវកែ ឱ្យដឹង៖ "ពីមុន ផលិតផលដែលច្នៃពីដូងខ្ទិះពុំទាន់សម្បូរបែប។ សំខាន់ផ្គត់ផ្គង់ឱ្យអតិថិជនប្រើប្រាស់ក្នុងស្រុក ម៉្លោះហើយតម្លៃសេដ្ឋកិច្ចនាំមកពីផ្លែដូងខ្ទិះមិនខ្ពស់។ ខណៈពេលនោះ ដូងខ្ទិះជាផលិតផលពិសេសល្បីឈ្មោះរបស់តំបន់កូវកែ ដែលមានអតិថិជនដឹងស្គាល់ច្រើន"។ ចំពោះសភាពការណ៍នោះ ស្រុកកូវកែរួមនឹងមជ្ឈមណ្ឌលជំរុញឧស្សាហកម្មនិងជំរុញពាណិជ្ជកម្ម មន្ទីរឧស្សាហ-ពាណិជ្ជកម្មខេត្តត្រាវិញ បានជំនួយម៉ាស៊ីន កសាងខ្សែចង្វាក់ផលិតតំណាប់ ស្ករគ្រាប់ដូងខ្ទិះកាំហាំង នៅទីប្រជុំជនកូវកែ។ ប៉ុន្មានខែចុងឆ្នាំ២០១៩ ផលិតផលដែលច្នៃពីផ្លែដូងខ្ទិះដូចជាតំណាប់ដូងខ្ទិះ ស្ករគ្រាប់ដូងខ្ទិះ។ល។ មានមុខលើទីផ្សារនំតំណាប់ក្នុងនិងក្រៅខេត្ត។

បងស្រីង្វៀនធីកឹម ម្ចាស់មូលដ្ឋានតំណាប់ដូងខ្ទិះកឹមហាំង ឱ្យដឹង៖ "ពីមុន ដូងខ្ទិះបានមាមីងប្រើប្រាស់ជាភេសជ្ជៈនឹងច្នៃបានត្រឹមតែ(ទឹកក្រឡុក)ប៉ុណ្ណោះ ម៉្លោះហើយមិនសមទិញតម្លៃពី១២០.០០០-១៥០.០០០ដុង/ផ្លែ ថែមទាំងរក្សាទុកមិនបានយូរ។ ដោយការឧបត្ថម្ភរបស់ភូមិភាគ មូលដ្ឋានយើងខ្ញុំច្នៃបានផលិតផលតំណាប់ដូងខ្ទិះ ស្ករគ្រាប់។ល។ ដោយថ្លៃលក់ប្រមាណ៤០០.០០០-៤៥០.០០០ដុង/គីឡូក្រាម ក្នុងនោះ តំណាប់ដូងខ្ទិះកំពុងបានអតិថិជនជ្រើសទិញច្រើន"។

តាមប្រសាសន៍បងស្រីង្វៀនធីកឹម ដំណាក់ការផលិតតំណាប់ ឬក៏ស្ករគ្រាប់ដូងខ្ទិះគ្មានប្រើប្រាស់សារធាតុរក្សា ឬក៏គ្រឿងទេសអ្វីឡើយ ម៉្លោះហើយធានារក្សារសជាតិពិសេសរបស់ដូងខ្ទិះ១០០% អាចរក្សាទុកបានពី៥ដល់២០ថ្ងៃ។ ដើម្បីធានាគ្រប់ផ្គត់ផ្គង់ឱ្យទីផ្សារបុណ្យចូលឆ្នាំវៀតណាម ក៏ដូចជាបង្កប្រភពវត្ថុធាតុដើមសម្រាប់ផលិតលំនឹង មូលដ្ឋានតំណាប់ដូងខ្ទិះកឹមហាំង ឆ្ពោះទៅរកការចងសម្ព័ន្ធជាមួយនឹងសហករណ៍ដូងខ្ទិះហ្វាតឹង និងគ្រួសារដាំដូងខ្ទិះមួយចំនួននៅភូមិភាគ។ លោកយីវថាញ់តុង ប្រធានគណៈកម្មាធិការប្រជាជនទីប្រជុំជនកូវកែ ឱ្យដឹងបន្ថែម៖ "នេះគឺទិសដៅមួយដ៏ត្រឹមត្រូវ សំដៅបង្កើនតម្លៃសេដ្ឋកិច្ចដូងខ្ទិះកូវកែ។ ហើយក៏ជាទិសដៅ បើកផ្លូវតទៅមុខដើម្បីភូមិភាគបង្កើនការផ្សព្វផ្សាយរូបភាព ផលិតផលដូងខ្ទិះកូវកែនៅអនាគតចេញទៅទីផ្សារក្នុងនិងក្រៅប្រទេស៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ