គោលនយោបាយ -ការរស់នៅ ការរស់នៅ

18/03/2019 - 07:12

តឹបសើុងអនុវត្តសម្រេច១៩លក្ខឋានឃុំជនបទថ្មី

ក្រោយរយៈពេល៥ឆ្នាំ ផ្សព្វផ្សាយអនុវត្តកម្មវិធីទិសដៅជាតិ ស្តីពីការកសាងជនបទថ្មី មុខមាត់ជនបទនិងជីវភាពប្រជាជនឃុំតឹបសើុង ស្រុកថ្កូវ ខេត្តត្រាវិញ មានការលូតលាស់យ៉ាងច្រើន។ រហូតមកទល់ពេលនេះ ឃុំតឹបសើុងបានអនុវត្តសម្រេចលក្ខឋានជនបទថ្មី ១៩/១៩ និងកំពុងខ្នះខ្នែងបង្ហើយការងារមួយចំនួន ដើម្បីត្រៀមលក្ខណៈទទួលស្គាល់ឃុំសម្រេចបទដ្ឋានជនបទថ្មី។

តាមដងផ្លូវជាតិ៥៣ ត្រូវបានប្រជាជនដាំផ្កា បង្កឲ្យមានសោភណភាព បរិស្ថាន។

ដើម្បីអនុវត្តសម្រេចលក្ខឋានស្ដីពីឃុំជនបទថ្មី បក្ខភាគ រដ្ឋអំណាចនិងប្រជាជនឃុំតឹបសើុង បានខិតខំផ្សព្វផ្សាយនូវកម្មវិធី គម្រោងសេដ្ឋកិច្ច-សង្គមជាច្រើន។ ផ្តើមពីនោះ ហេដ្ឋារចនាសម្ព័ន្ធបានវិនិយោគ បង្វែររចនាសម្ព័ន្ធសេដ្ឋកិច្ចតាមទិសវិជ្ជមាន កៀរគរប្រភពទុនវិនិយោគប្រកបដោយប្រសិទ្ធភាព។ ទន្ទឹមនឹងនោះ គោលនយោបាយសុខុមាល ភាពសង្គម ត្រូវបានយកចិត្តទុកដាក់អនុវត្តយ៉ាងល្អ រួមចំណែកអនុវត្តសម្រេចកម្មវិធីទិសដៅជាតិ កសាងជនបទថ្មីលើភូមិសាស្រ្តឃុំត្រូវតាមផែនការ។ មកទល់ឥឡូវឃុំបានបំផុសចលនាប្រជាជនបង្វែរផ្ទៃដី៤០៤,៧៣ហិកតា ដែលផលិតស្រូវមិនសូវមានប្រសិទ្ធភាពមកដាំឈើហូបផ្លែគ្រប់ប្រភេទ មានដូច៖ ក្រូចថ្លុង ក្រូចពោធិ៍សាត់ ដូងបាននាំមកប្រសិទ្ធភាពសេដ្ឋកិច្ចខ្ពស់ រួមចំណែកលើកកម្ពស់តម្លៃផលិតកម្មជូនមាមីងកសិករ។

ឃុំតឹបសើុង ជានិច្ចកាលយកចិត្តទុកដាក់ បង្កើនប្រាក់ចំណូល និងកាត់បន្ថយអត្រាគ្រួសារក្រីក្រ ដោយរូបភាពជាច្រើន មានដូច៖ ឧបត្ថម្ភប្រជាជនបុលទុនពីធនាគារគោលនយោបាយសង្គម សរុបជាង១៣,៨ពាន់លានដុង គម្រោងជំនួយអភិវឌ្ឍផលិតកម្ម ចិញ្ចឹមជ្រូក គោនៅភូមិបេនទ្រី ភូមិដើមជ្រៃ និងភូមិដុងសើុង ចំណុះកម្មវិធីទិសដៅជាតិកាត់បន្ថយភាពក្រីក្រប្រកបដោយចីរភាព សរុបថវិកាជាង ៣០០លានដុង។ ជំរុញដំណើរការបង្វែររចនាសម្ព័ន្ធផលិតកម្ម បណ្តុះបណ្តាលវិជ្ជាជីវៈ បើកវគ្គហ្វឹកហាត់ផ្ទេរជូនវិទ្យាសាស្រ្តបច្ចេកទេស ជួយប្រជាជនក្តាប់ច្បាស់ដំណើរការផលិតកម្ម ចិញ្ចឹមសត្វសម្រេចប្រសិទ្ធភាពខ្ពស់។ ឆ្លងតាមរយៈនោះ រួមចំណែកបង្កើនប្រាក់ចំណូល និងកាត់បន្ថយអត្រាគ្រួសារក្រីក្ររបស់ឃុំ។ សរុបចំណូលគិតមធ្យមភាគរបស់ប្រជាជនក្នុងឆ្នាំ២០១៨ គឺ៤១,៧៥លានដុង/ម្នាក់/ឆ្នាំ។ ឆ្នាំ២០១៨ ទូទាំងឃុំនៅមានគ្រួសារក្រីក្រចំនួន៩៦ ស្រូបអត្រា ៣,៥២%។

លោកតាំងយ្វីថាយ ប្រធានគណៈកម្មាធិការប្រជាជនឃុំតឹបសើុង ឲ្យដឹង៖ “គណៈកម្មាធិការរណសិរ្សមាតុភូមិឃុំ បានធ្វើការស្រង់មតិ “ភាពពេញចិត្តរបស់ប្រជាជនស្ដីពីកសាងជនបទថ្មី” និងសម្រេចអត្រាពេញចិត្តជាង៩០% សឲ្យឃើញថា ការឯកភាពប្រជាជនមានយ៉ាងខ្ពស់។ ការចលនាកសាងអាគារវប្បធម៌ជនបទថ្មី ទទួលបានការគាំទ្រយ៉ាងច្រើនពីសំណាក់ប្រជាជន មានដូច៖ ចូលរួមបរិច្ចាគដី ដំណាំឈើហូបផ្លែ ចូលរួមកម្លាំងពលកម្មកសាង ផ្លូវស្ពានជនបទ អនុវត្តទម្រង់អំពូលអគ្គិសនី បំភ្លឺតាមផ្លូវជាតិលេខ៥៣ លេខ៥៤ ដាំផ្កាធ្វើរបង ។ល។ ឆ្លងតាមរយៈនោះ មុខមាត់ជនបទមានការផ្លាស់ថ្មី សន្តិសុខសណ្តាប់ធ្នាប់ សុវត្ថិភាពសង្គមបានលំនឹង កាត់បន្ថយអត្រាគ្រួសារក្រីក្រ បង្កើនអត្រាពលករមានការងារធ្វើ”៕

សើុងម៉ាល័យ - ធី

ចែករំលែកអត្ថបទ

ពាក្យគន្លឹះ