វប្បធម៌-សិល្បៈ វប្បធម៌

28/08/2018 - 10:16

មកកាន់វិទ្យាស្ថានដុងឡាយ

វិទ្យាស្ថានដុងឡាយ នៅទាំងមានឈ្មោះហៅថាវត្តនំចាក់អំបែង ពីព្រោះជាច្រើនឆ្នាំ កន្លង ពុទ្ធបរិស័ទនិងភ្ញៀវដំណើរចូលមកវត្តធ្វើសក្ការបូជា ក៏បានវត្តលៀងនំចាក់អំបែងដោយឥតគិតថ្លៃ។

នំចាក់អំបែងសាបដោយឥតគិតថ្លៃ។

វត្តនំចាក់អំបែងឋិតនៅក្បែរជើងភ្នំកូវ ចំណុះស្រុកទិញបៀន ខេត្តអានយ៉ាង។ វត្តនៅក្បែរផ្លូវជាតិ៩១ ឆ្ពោះទៅក្រុងចូវដុកដល់ទីប្រជុំជនទិញបៀន ម្ល៉ោះហើយភ្ញៀវទេសចរងាយស្រួលឆៀងចូលវត្តធ្វើសក្ការបូជា បងស្រីង្វៀនធីសិន នៅខណ្ឌនិញកេវ ក្រុងកឹងធើ ឲ្យដឹង៖ “ក្រៅពីការចូលវត្តធ្វើសក្ការបូជា ក្រុមយើងខ្ញុំនៅទាំងបានភ្លក់ឱជារសនំចាក់អំបែងសាបដែលល្បីថាឆ្ងាញ់ពិសា។ មិនត្រឹមតែដូច្នោះ យើងខ្ញុំនៅចង់រួមចំណែករក្សាសកម្មភាពនេះរបស់វត្តដោយវិធីរួមវិភាគទានថវិកា”។ តាមប្រសាសន៍របស់អ្នកបម្រើការងារក្នុងវត្ត ឲ្យដឹង៖ វត្តចាត់ចែងធ្វើនំចាក់អំបែងបម្រើពុទ្ធបរិស័ទនិងភ្ញៀវធ្វើដំណើរចូលមកវត្តធ្វើសក្ការបូជា សកម្មភាពនេះបានប្រព្រឹត្តទៅអស់រយៈកាលជាង១៥ឆ្នាំ។ ដំបូងចាត់ចែងធ្វើនំចាក់អំបែងនៅថ្ងៃសៅរ៍ ថ្ងៃអាទិត្យ ដោយចង្រ្កានតែមួយពីរប៉ុណ្ណោះ។ បច្ចុប្បន្ន វត្តត្រៀមបម្រុងខ្ទះជាង៤០ ទើបឆ្លើយតបទៅនឹងតម្រូវការបម្រើជូនភ្ញៀវជារៀងរាល់ថ្ងៃ។

ជារៀងរាល់ថ្ងៃ មានពុទ្ធបរិស័ទចូលមកវត្តធ្វើសក្ការបូជាជាង១.០០០នាក់។ ព្រោះហេតុនោះ អ្នកចូលរួមជួយចាក់នំ បេះបន្លែ លាងចាន ។ល។ ពីមួយថ្ងៃទៅមួយថ្ងៃកាន់តែច្រើន។ រីឯអ្នកទទួលភារៈចាក់នំមានជាង១០នាក់ប្តូរវេនគ្នា។ បងស្រីត្រឹងធីហុង នៅទីប្រជុំជនទិញបៀន ឲ្យដឹង៖ “ខ្ញុំចូលបម្រើការងារក្នុងវត្តនេះជាច្រើនឆ្នាំ។ ភាគច្រើននៅថ្ងៃសៅរ៍ ថ្ងៃអាទិត្យ ពុទ្ធបរិស័ទមកវត្តច្រើន ម៉្លោះហើយខ្ញុំមកជួយជ្រោមជ្រែងការងារទើបទាន់ពេល។ ប៉ុន្តែ អ្នកទទួលភារៈចាក់នំភាគច្រើនគឺប្រុសៗ ពីព្រោះនៅក្បែរចង្រ្កានក្តៅពេក ម្នាក់ៗចាក់ពី១០-១២ខ្ទះ។ ការងារមានវគ្គស្នើរ ម្ល៉ោះហើយឥឡូវពួកគាត់ម្នាក់ៗសុទ្ធតែថ្នឹកទាំងអស់”។

ពុទ្ធបរិស័ទចូលយកចានចង្កឹះដោយខ្លួនឯង រួចទៅរោងនំទទួលចំណែកហូប។ បងង្វៀនវ៉ាន់ថាញ់ នៅខេត្តហូវយ៉ាង ឲ្យដឹង៖ “ខ្ញុំមកវត្តនេះលើកណាក៏ដោយ តែងចូលទៅមើលបងៗចាក់នំ ពួកគាត់ប៉ិនប្រសប់ណាស់។ ទោះបីម្នាក់ៗរ៉ាប់រងដល់ទៅ១០ខ្ទះក្នុងពេលតែមួយក៏ដោយ តែនំនីមួយៗស្តើងនិងស្រួយឆ្ងាញ់ណាស់”។ តាមប្រសាសន៍របស់លោកប៊ូយវ៉ាន់តឹម នៅអនុសង្កាត់ស្វឹងភូ ទីប្រជុំជនទិញបៀន ជាអ្នកបម្រើការក្នុងវត្តអស់រយៈកាលជាច្រើនឆ្នាំ ឲ្យដឹង៖ ជារៀងរាល់ថ្ងៃឲ្យតែដល់វេលាម៉ោង៦ព្រឹកគឺចាប់ផ្តើមបង្កាត់ភ្លើងធ្វើការងារ។ ម្នាក់ៗជំហរធ្វើពី១ដល់២ម៉ោង ទើបមានអ្នកផ្សេងចូលផ្លាស់វេន។ រោងធ្វើនំចាក់អំបែងមានចង្រ្កាន៤ជួរ ក្នុងមួយជួរៗមានពី១០-១២ខ្ទះការរៀបចំនួនខ្ទះច្រេីន តិច ពីព្រោះមានអ្នកខ្លះធ្វើឆាប់អ្នកខ្លះធ្វើយឺត។ នៅថ្ងៃសៅរ៍ថ្ងៃអាទិត្យ ភ្ញៀវចតុទិ្ទសអញ្ជើញមកច្រើនកុះករ ម៉្លោះហើយត្រូវប្រើប្រាស់ម្សៅ១០ដើម។ ម្សៅមួយដើមៗចាក់បានប្រមាណ៣០០នំ។ ថវិកាចាត់ចែងធ្វើនំអាស្រ័យពុទ្ធបរិស័ទរួមវិភាគទាន។ មិនត្រឹមតែអ្នកចូលវត្តធ្វើសក្ការបូជាប៉ុណ្ណោះទេ ទាំងអ្នកពលកម្ម កម្មករ អ្នកលក់ដូរ។ល។ តែងបានវត្តធ្វើនំចាក់អំបែងជូនហូបដោយឥតគិតថ្លៃផងដែរ៕

ហាថាញ់-មុនី

ចែករំលែកអត្ថបទ

ពាក្យគន្លឹះ