សន្តិសុខ - ការពារប្រទេស សន្តិសុខ

12/06/2018 - 10:07

តស៊ូទប់ស្កាត់ឧក្រិដ្ឋកម្មគ្រឿងញៀន

ឧក្រិដ្ឋកម្មគ្រឿងញៀន កើនឡើងយ៉ាងរហ័សលើភូមិសាស្រ្តព្រំដែន ចាប់ពីឆ្នាំ២០១៧រហូតមកទល់ពេលនេះ បាននាំមកនូវផលវិបាកជាច្រើនដល់សង្គម ធ្វើឲ្យខូចសណ្ដាប់ធ្នាប់នៅភូមិភាគ។ ចំពោះមុខស្ថានភាពនោះ កម្មាភិបាល យុទ្ធជនកងទ័ពការពារព្រំដែនខេត្តបាកលីវ បានជំរុញការផ្សព្វផ្សាយបង្ការបង្ក្រាបតស៊ូ ទប់ស្កាត់លុបបំបាត់ប្រភេទឧក្រិដ្ឋកម្ម នេះយ៉ាងស្វិតស្វាញ ដើម្បីធ្វើឲ្យភូមិសាស្រ្តដែលខ្លួនគ្រប់គ្រងបានស្អាតស្អំ។

មុខសញ្ញាឡឹមហីវងៀ (កណ្តាល) ត្រូវចាប់ពីបទស្តុកទុកគ្រឿងញៀនខុសច្បាប់។

វរសេនីយ៍ឯក លឺវហ្វាងហា មេបញ្ជាការនៃបញ្ជាការដ្ឋានកងទ័ពការពារព្រំដែនខេត្ត គូសបញ្ជាក់៖ "ស្ថានភាពឧក្រិដ្ឋកម្មគ្រឿងញៀននៅលើភូមិសាស្រ្តរយៈពេលជិតៗនេះបានកើនឡើង យ៉ាងឆាប់រហ័សជាសំខាន់គឺគ្រឿងញៀន ម៉ាទឹកកក; មុខសញ្ញាគឺអ្នករស់នៅភូមិភាគនេះ មានទាំងប្រុសទាំងស្រី។ ផ្តើមពីនោះ គណៈកម្មាធិការបក្សបញ្ជាការដ្ឋាននៃកងទ័ពការពារព្រំដែនខេត្ត បានចង្អុលការយ៉ាងម៉ឹងម៉ាត់ផ្សព្វផ្សាយ បង្ការបង្ក្រាបទប់ស្កាត់ តស៊ូមិនចុះញ៉មចំពោះប្រភេទឧក្រិដ្ឋកម្មនេះ"។ មុខសញ្ញាទាំងនេះចូលចិត្តគ្រឿងញៀនម៉ាទឹកកកជាងheroin ពីព្រោះតម្លៃថោក ងាយស្រួលប្រើប្រាស់និងមានអ្នក "បែកថ្នាំ" ច្រើនគ្នាក្នុងពេលតែមួយ។ ឧក្រិដ្ឋជនភាគច្រើនកើតក្នុងគ្រួសារក្រីក្រ ការយល់ដឹងមានកម្រិតម្តាយឪពុកមិនសូវយកចិត្តទុកដាក់ប្រៀនប្រដៅ។ ដើម្បីមានប្រាក់ទិញគ្រឿងញៀនប្រើប្រាស់ អ្នកញៀនពេលថ្ងៃដេកពេលយប់ដើរលួចរបស់របរ ទោះជាអ្វីក៏ដោយឲ្យតែលក់បានប្រាក់។ ម្តុំណាមានអ្នកញៀនគឺមាមីងរស់នៅមិននឹង នរចិត្តទេ ទោះបីប្រុងប្រយ័ត្ន បង្ការជនទុច្ចរិតយ៉ាងណាក៏ដោយ គង់មិនអាចចៀសផុតពីបាត់បង់ទ្រព្យម្បត្តិ និងរបស់របរ។

ក្រៅពីតស៊ូជាមួយនឹងឧក្រិដ្ឋកម្មគ្រឿងញៀននៅលើភូមិសាស្រ្តគ្រប់គ្រងកងទ័ពការពារព្រំដែនខេត្ត ថែមទាំងសហការស្អិតល្មួតជាមួយនឹងការិយាល័យនគរបាលសើបអង្កេតឧក្រិដ្ឋកម្មគ្រឿងញៀន (នគរបាលខេត្ត) អនុវត្តភារកិច្ចក្រៅភូមិសាស្រ្តការពារព្រំដែន។ ចាប់ពីឆ្នាំ២០១៧ មកទល់ពេលនេះ អង្គភាពទាំងពីរព្រួតដៃកម្ចាត់បាន៩ករណី ដោយមានមុខសញ្ញា២៣នាក់ ដែលស្ដុកទុកដឹកជញ្ជូន ជួញដូរ និងប្រើប្រាស់គ្រឿងញៀនខុសច្បាប់។ ឆ្លងតាមរយៈនោះ រឹបអូសគ្រឿងញៀនម៉ាទឹកកកបាន១៧កញ្ចប់ កាំភ្លើងខ្លី១ដើម និងវត្ថុតាងជាប់ពាក់ព័ន្ធផ្សេងៗទៀត។ ថ្មីៗនេះ គឺចាប់បានភ័ស្តុតាងមុខសញ្ញាត្រឹងហាក្វឹកក្វឹន (អាយុ២៥ឆ្នាំ នៅស្រុកវិញឡើយ) កំពុងលក់គ្រឿងញៀនម៉ាទឹកកកនៅសង្កាត់៣ (ក្រុងបាកលីវ)។ មុននោះ នៅពាក់កណ្ដាលខែមីនា ឆ្នាំ២០១៨ បានឃាត់ខ្លួនង្វៀនធីថាញ់ធ្វី (អាយុ៥១ឆ្នាំ នៅសង្កាត់៧ ក្រុងបាកលីវ) ដែលដឹកជញ្ជូនគ្រឿងញៀនម៉ាទឹកកកពីក្រុងហូជីមិញមកដល់ចំណត់ឡានបាកលីវ។ ខណៈពេលកម្លាំងសមត្ថកិច្ចកំពុងបំពេញភារកិច្ច ញាតិសន្តានរបស់មុខសញ្ញាអូសគ្នាមកបង្កអុកឡុក បម្រុងនឹងរំដោះមុខសញ្ញា ចាំបាច់ត្រូវតែចាត់ប៉ូលិស ចល័តមកបង្ក្រាប។

ឧក្រិដ្ឋកម្មគ្រឿងញៀនមានការប្រែប្រួលយ៉ាងស្មុគស្មាញពីមួយថ្ងៃទៅមួយថ្ងៃនៅលើភូមិសាស្រ្តខេត្តនិយាយរួម ម្ល៉ោះហើយកងទ័ពការពារព្រំដែនបានជំរុញការផ្សព្វផ្សាយបើកទូលាយពិសេសដោយឡែក ដើម្បីលើកកម្ពស់ការយល់ដឹងរបស់ប្រជាជន។ ទន្ទឹមនឹងនោះ ប្តេជ្ញាប្រឆាំងចំពោះឧក្រិដ្ឋកម្មនេះ គឺជាទង្វើដែលកម្លាំងកងទ័ពការពារព្រំដែនខេត្តអនុវត្តទន្ទឹមគ្នា ដើម្បីការពារប្រជាជនរួចផុតពី "មច្ចុរាជពណ៌ស"៕

យោងកាសែតបាកលីវ-វិមាន

ចែករំលែកអត្ថបទ

ពាក្យគន្លឹះ