គោលនយោបាយ -ការរស់នៅ ការរស់នៅ

05/06/2018 - 08:31

ក្រុមស្វ័យគ្រប់គ្រងកាត់បន្ថយភាពក្រីក្រនៅភូមិកាតុក

ក្រុមស្វ័យគ្រប់គ្រងកាត់បន្ថយភាពក្រីក្រនៅភូមិកាតុក ឃុំហាមយ៉ាង ស្រុកថ្កូវ ខេត្តត្រាវិញ បានបង្កើតនៅឆ្នាំ២០១៨ ដើម្បីពង្រីកស្មារតីសាមគ្គីក្នុងជនរួមជាតិខ្មែរ ជួយគ្នាចាកផុតពីភាពក្រីក្រដោយចីរភាព។

បងហ្វិញខេមរិន្ទ (អង្គុយកណ្ដាល) កំពុងណែនាំប្រជាជនពីរបៀបថែទាំជីបន្លែ។

លោកថាច់ង៉ុកថាច់ អនុប្រធានគណៈកម្មាធិការប្រជាជនឃុំហាមយ៉ាង ឲ្យដឹង៖ ភូមិកាតុក មានប្រជាជនរស់នៅ២៤៥គ្រួសារ ក្នុងនោះ មានគ្រួសារខ្មែរចំនួន១៩៨គ្រួសារ។ ជាច្រើនឆ្នាំកន្លង ភូមិអនុវត្តបានល្អនូវការងារកាត់បន្ថយភាពក្រីក្រ ឧបត្ថម្ភប្រជាជនអភិវឌ្ឍសេដ្ឋកិច្ចគ្រួសារ។ អាស្រ័យហេតុនោះ ទូទាំងភូមិនៅមានគ្រួសារក្រីក្រ ជិតក្រចំនួន៣៣ប៉ុណ្ណោះ។ ស្ថិតលើមូលដ្ឋាននោះ ឃុំបានចង្អុលការដល់អង្គភាពនានា ឧបត្ថម្ភបង្កើត “ក្រុមស្វ័យគ្រប់គ្រងកាត់បន្ថយភាពក្រីក្រ”។ ក្រុមមានសមាជិក២១នាក់ចូលរួមសកម្មភាពតាមគោលការណ៍ស្ម័គ្រចិត្ត ភ្ញាក់រលឹកដោយខ្លួនឯង ស្វ័យគ្រប់គ្រង។ សមាជិកទាំង នេះគឺជាគ្រួសារក្រីក្រ រួចចលនាគ្រួសារអ្នកមានចូលរួមដើម្បីចែករំលែកពីភាពងាយស្រួល និងការលំបាក។ ទន្ទឹមនឹងនោះ ចែករំលែកបទពិសោធន៍ក្នុងការអភិវឌ្ឍផលិតកម្ម ឈានឡើងចាកផុតពីភាពក្រីក្រ។ ក្រុមថែមទាំងសហការជាមួយនឹងអង្គការមហាជននានាក្នុងភូមិ ផ្តល់លក្ខណៈងាយស្រួលដល់គ្រួសារក្រីក្រ ជិតក្របុលទុនណែនាំ របៀបប្រើប្រាស់ដើមទុនចំគោលដៅ អនុវត្តវិទ្យាសាស្រ្តបច្ចេកទេសក្នុងការផលិតជ្រើសរើសពូជដំណាំ សត្វចិញ្ចឹមថ្មីសមស្របជាមួយនឹងលក្ខណៈដីធ្លីនិងមានតម្លៃសេដ្ឋកិច្ចខ្ពស់។ល។ ឆ្លងតាមរយៈនោះ ប្រជាជននៅភូមិកាតុក ភាគច្រើនជ្រើសយកការចិញ្ចឹមគោនិងដាំបន្លែបង្ការ ដូចជា៖ សាឡាត់ ជី ខ្ទឹមស្លឹក ល្ពៅដែលផ្តល់ទិន្នផលនិងប្រាក់ចំណូលខ្ពស់។

បងហ្វិញខេមរិន្ទ ជាប្រជាជនរស់នៅភូមិកាតុក ឲ្យដឹង៖ “គ្រួសារខ្ញុំបានភូមិភាគផ្តល់លក្ខណសម្បត្តិឲ្យចូលរួមវគ្គហ្វឹកហាត់អំពីរបៀបដាំដំណាំរួមផ្សំ ចិញ្ចឹមសត្វដើម្បីអនុវត្តក្នុងការដាំដុះសម្រេចបានប្រសិទ្ធភាពខ្ពស់។ ខ្ញុំបានណែនាំបន្តដល់មាមីងក្នុងភូមិដើម្បីជួយគ្នាអភិវឌ្ឍសេដ្ឋកិច្ចគ្រួសារលំនឹងជីវភាព”។ បច្ចុប្បន្ន គ្រួសារបងខេមរិន្ទ ដាំស្ពៃសាឡាត់ ជី ខ្ទឹមស្លឹកជិត១ហិកតា រកបានប្រាក់ចំណូលប្រមាណ៩០០ពាន់ដុង/ថ្ងៃ។ ដើម្បីជួយប្រជាជនមានលក្ខណសម្បត្តិ ពង្រីកការផលិតភូមិបានដោះស្រាយជូន១៦០គ្រួសារបុលទុន ដើម្បីអភិវឌ្ឍសេដ្ឋកិច្ច។ បច្ចុប្បន្ន គ្រួសារបុលទុនទាំង១០០%សុទ្ធតែពង្រីកប្រភពទុនប្រកបដោយប្រសិទ្ធភាព។ តួយ៉ាងដូច គ្រួសារត្រឹងក្វឹកមិញ គ្រួសារតាំងង៉ុកក្វាង (វិនិយោគទុនដាំដំណាំរួមផ្សំ និងចិញ្ចឹមគោមេ) គ្រួសារត្រឿងមិញវ៉ាង (វិនិយោគទុនលក់ដូរកំប៉ិកកំប៉ុក និងចិញ្ចឹមជ្រូកមេ)។

លោកត្រឹមវិញហីវ លេខាសាខាបក្ស នឹងជាប្រធានភូមិកាតុក ឲ្យដឹង៖ “ក្រុមស្វ័យគ្រប់គ្រងកាត់បន្ថយភាពក្រីក្រ បានចលនាគ្រួសារប្រជាជនជួយគ្នាអភិវឌ្ឍសេដ្ឋកិច្ចគ្រួសារឆ្លៀតរកឱកាសឧបត្ថម្ភទុនពង្រីកការផលិត បណ្តុះបណ្ដាលវិជ្ជាជីវៈ និងដោះស្រាយការងារធ្វើថ្មី ជួយគ្រួសារទាំងនេះចាកផុតពីភាពក្រីក្រដោយចីរភាព”៕

សុើងម៉ាល័យ-វិមាន

ចែករំលែកអត្ថបទ

ពាក្យគន្លឹះ