គោលនយោបាយ -ការរស់នៅ គោលនយោបាយ

22/05/2018 - 16:34

ពង្រីកប្រសិទ្ធភាពគោលនយោបាយពិសេសដោយឡែក

អានយ៉ាង ជាខេត្តមួយក្នុងចំណោមខេត្តដែលមានជនជាតិភាគតិចរស់នៅរាយប៉ាយតាមបណ្តាខ័ណ្ឌ ទីរួមស្រុក ឃុំនិងក្រុងឡុងសៀង។ ព្រោះហេតុនោះ ការអនុវត្តនូវគោលនយោបាយពិសេសដោយឡែករបស់រដ្ឋ សម្រាប់ជនរួមជាតិភាគតិចត្រូវបានអង្គភាពនានាអនុវត្តជាក់ស្តែងសមស្របនឹងភូមិសាស្រ្តនីមួយៗ។

យុវជនជាច្រើននៅខេត្តអានយ៉ាង រៀនរបរថតរូបមង្គលការដោយជ្រើសយកទិដ្ឋភាពភ្នំតាប៉ាធេី្វ

ជាកម្រងរូបមង្គលការ។

លោកផាមក្វឹកហ៊ុង ប្រធានការិយាល័យជនជាតិស្រុកថ្វយសឺន ឲ្យដឹង៖ ចំពោះជនរួមជាតិភាគតិចរស់នៅស្រុកថ្វយសឺន រួមមានខ្មែរ ចិន និងចាម។ល។ ក្នុងចំណោមនោះ ច្រើនបំផុតគឺជនជាតិខ្មែររស់នៅប្រមូលផ្តុំក្នុងទីប្រជុំជនអុកអែវ និងរស់នៅលាយឡំជាមួយជនជាតិកិញលើភូមិសាស្រ្តជិតខាង។ អាស្រ័យលក្ខណៈនៃភូមិសាស្រ្តរស់នៅរបស់ជនរួមជាតិខ្មែរ បានជានៅពេលអនុវត្តគោលនយោបាយឧបត្ថម្ភពិសេសដោយឡែក ស្រុកតែងយកចិត្តទុកដាក់ជ្រើសយកនូវទម្រង់ឲ្យសមស្របនឹងមុខសញ្ញាទទួលផលនីមួយៗ។ ឆ្លងតាមរយៈការត្រួតពិនិត្យដើម្បីអនុវត្តសេចក្ដីសម្រេចចិត្តរបស់នាយករដ្ឋមន្រ្តីនៃរដ្ឋាភិបាល នៅភូមិលំបាកពិសេសតឹងដុង ទីប្រជុំជនអុកអែវមានគ្រួសារជនជាតិភាគតិចក្រីក្រចាំបាច់ត្រូវឧបត្ថម្ភ១៩០គ្រួសារ។ ក្នុងនោះ តម្រូវការដីសង់ផ្ទះ៦៣គ្រួសារ តម្រូវការផ្លាស់ប្តូរមុខរបរ១៩០គ្រួសារ និងតម្រូវការអំពីទឹកប្រើប្រាស់១៩០គ្រួសារ។ ផ្ដើមពីលទ្ធផលនៃការត្រួតពិនិត្យស្រាវជ្រាវខាងលើការិយាល័យជនជាតិបានធ្វើសេនាធិការជូនគណៈកម្មាធិការប្រជាជនខេត្ត អនុវត្តសម្រេចផែនការឧបត្ថម្ភតាមសេចក្តីសម្រេចចិត្តលេខ២០៨៥របស់នាយករដ្ឋមន្រ្តីនៃរដ្ឋាភិបាល។ ក្រៅពីឆ្លើយតបបានតម្រូវការដីសង់ផ្ទះ ទឹកប្រើប្រាស់តម្រូវការផ្លាស់ប្តូរមុខរបរក៏ត្រូវបានការិយាល័យជនជាតិធ្វើសេនាធិការជ្រេីសមុខរបរសមស្របជាមួយនឹងស្ថានភាពជាក់ស្តែងរបស់ភូមិភាគ មានដូច៖ ដណ្តាំស្ល លក់ដូរកំប៉ិកកំប៉ុក បើកបររថយន្ត ជួសជុលម៉ូតូ។ល។

នៅស្រុកចូវភូ ក្រៅពីមុខរបរដូចបានពោលខាងលេីនៅស្រុកថ្វយសេីុង លោកដងថាញ់វៀត ប្រធានការិយាល័យជនជាតិស្រុកចូវភូ ឲ្យដឹង៖ “ក្នុងការឧបត្ថម្ភផ្លាស់ប្តូរមុខរបរស្រុក តែងយកចិត្តទុកដាក់ពង្រីកមុខរបរត្បាញសំពត់ចរបាប់ប្រពៃណីរបស់ជនជាតិចាមផងដែរ។ ផ្ដើមពីទម្រង់នេះ ការិយាល័យជនជាតិក៏បានសហការជាមួយនឹងអង្គភាពដែលពាក់ព័ន្ធ ផ្ដុំកម្លាំងពង្រីកទេសចរណ៍សហគមន៍មានដូចពង្រីកនូវមុខរបរផ្គត់ផ្គង់សេវាទេសចរណ៍ជាដើម សំដៅបម្រើការជូនភ្ញៀវទេសចរដែលមកទស្សនារបៀបត្បាញសំពត់ចរបាប់។ល។”។ ដើម្បីឧបត្ថម្ភប្រជាជនចាកផុតពីភាពក្រីប្រកបដោយចីរភាព ទន្ទឹមនឹងការឧបត្ថម្ភផ្លាស់ប្តូរមុខរបរស្រុកចូវភូ ថែមទាំងជួយជនរួមជាតិភាគតិចមានលំនៅឋានរស់នៅសុខសាន្តទៀតផង។ ព្រមជាមួយនោះ ខណៈពេលអនុវត្ត សេចក្ដីសម្រេចលេខ១៨៥/QĐ-UBND របស់គណៈកម្មាធិការប្រជាជនខេត្តអាងយ៉ាង មានជនជាតិភាគតិចក្រីក្រ៩៤គ្រួសារបានឧបត្ថម្ភដីសង់ផ្ទះ។

លោកត្រឹងក្វឹកថាញ់ ប្រធានគណៈជនជាតិខេត្តអានយ៉ាង អំណះអំណាងការផ្សព្វផ្សាយព្រមៗគ្នានូវកម្មវិធី គម្រោងរបស់រដ្ឋ ខេត្តសម្រាប់តំបន់ដែលមានជនជាតិភាគតិចរស់នៅកុះករ ប្រៀបបានជាគំនាស់ប្រកបដោយប្រសិទ្ធភាពសម្រាប់ជនជាតិភាគតិចអភិវឌ្ឍសេដ្ឋកិច្ច ឈានឡើងចាកផុតពីភាពក្រីក្រ រួមចំណែកសាងមាតុភូមិអានយ៉ាងសម្បូរសប្បាយ៕

ហាថាញ់ - សេរី

ចែករំលែកអត្ថបទ

ពាក្យគន្លឹះ