គោលនយោបាយ -ការរស់នៅ គោលនយោបាយ

10/04/2018 - 14:06

ចាត់តាំងសកម្មភាពជាច្រើន អំណរបុណ្យចូលឆ្នាំថ្មីឆ្នាំ២០១៨

គណៈកម្មាធិការប្រជាជនក្រុងកឹងធើ ទើបផ្សព្វផ្សាយផែនការចាត់តាំងសកម្មភាពក្នុងឱកាសបុណ្យចូលឆ្នាំថ្មីរបស់ជនរួមជាតិខ្មែរឆ្នាំ២០១៨។

ជនរួមជាតិខ្មែរកឹងធើរីករាយទទួលបុណ្យចូលឆ្នាំថ្មីនៅវត្តមុនីរង្សី។

រួមជាមួយនឹងចង្កោមសកម្មភាពអនុស្សាវរីយ៍៥០ឆ្នាំនៃការវាយលុក និងក្រោកឡើងជាទូទៅនានិទាឃរដូវម៉ូវថឹង១៩៦៨ អនុស្សាវរីយ៍ទិវាខួបបុព្វក្សត្រហ៊ុងវ៉ឿង អនុស្សាវរីយ៍ ៤៣ឆ្នាំទិវារំដោះភាគខាងត្បូង ឯកភាពទឹកដី(៣០/៤/១៩៧៥-៣០/៤/២០១៨) រំលឹកខួប១២៨ឆ្នាំនៃថ្ងៃកំណើត លោកប្រធានហូជីមិញ (១៩/៥/១៨៩០-១៩/៥/២០១៨) បុណ្យចូលឆ្នាំថ្មី ឆ្នាំ២០១៨ ប្រព្រឹត្តឡើងក្នុងបរិយាកាស ទូទាំងក្រុងអនុវត្តសេចក្តីសម្រេចសន្និបាតមជ្ឈិម៤ (នីតិកាលXII) ស្តីពីការ“បង្កើនការកសាងបក្ស បង្ការទប់ស្កាត់ ច្រានថយក្រោយ ភាពឱនថយអំពីសតិអារម្មណ៍នយោបាយសីលធម៌ របៀបរស់នៅអាការៈ”ប្រែប្រួលដោយខ្លួនឯង” “ផ្លាស់ប្តូរដោយខ្លួនឯង” ក្នុងផ្ទៃក្នុងផ្សារភ្ជាប់នឹងបទបញ្ជាលេខ០៥-CT/TW របស់ការិយាល័យនយោបាយ (នីតិកាលXII) ស្តីពីការ“ជំរុញយ៉ាងខ្លាំងក្លាការរៀនសូត្រនិងធ្វើតាមគំរូសីលធម៌ ឥរិយាបទហូជីមិញ” អនុវត្តសេចក្តីសម្រេចមជ្ឈិម៦ (នីតិកាលXII) សេចក្តីសម្រេចឆ្នាំ២០១៨របស់បក្ខភាគក្រុងនិងអនុវត្តភាគកម្រិតសេដ្ឋកិច្ច-សង្គមឆ្នាំ២០១៨។ ហេតុនោះ សកម្មភាពទាំងនេះ សំដៅបន្តការកំណត់បញ្ជាក់គោលការណ៍ គោលមាគ៌ា ទស្សនទានរបស់បក្សនិងច្បាប់របស់រដ្ឋក្នុងការអនុវត្តគោលនយោបាយជនជាតិលើវិស័យជីវភាពសេដ្ឋកិច្ច-សង្គម ក្នុងនោះ មានការយកចិត្តទុកដាក់ដល់ព្រះសង្ឃ និងជនរួមជាតិខ្មែរទទួលបុណ្យ ចូលឆ្នាំប្រពៃណី“សប្បាយរីករាយ សាមគ្គី សុវត្ថិភាពនិងប្រិតសំចៃ” បង្កើនផែនមហាសាមគ្គីបណ្តាជនជាតិ បង្កបាននូវភាពស្រុះស្រួលក្នុងព្រះសង្ឃ ជនរួមជាតិខ្មែរ រួមចំណែករក្សាខ្ជាប់សន្តិសុខនយោបាយ សណ្តាប់ធ្នាប់ សុវត្ថិភាពសង្គមលើភូមិសាស្រ្ត។

ជាក់ស្តែងក្រុងនឹងចាត់ចែងដោះដូរវប្បធម៌ សិល្បៈអំណរបុណ្យចូលឆ្នាំថ្មីឆ្នាំ២០១៨ នៅរាត្រីថ្ងៃទី១២ ខែមេសា ឆ្នាំ២០១៨ នៅវត្តពោធិសំរោង សង្កាត់ចូវវុាំងឡីម ខណ្ឌអូរម៉ូង។ ក្នុងឱកាសនេះដែរ នៅវត្តពោធិសំរោងក៏ មានរៀបចំបណ្តាសកម្មភាពប្រកួតកីឡាដូច៖ រុញឈើ ទាញព្រ័ត្រ លោតការ៉ុង។ល។ ចូលរួមក្នុងពិធីនេះ រួមមានអង្គភាពខណ្ឌអូរម៉ូង ខណ្ឌនិញកេវ ស្រុកកើ-ដ ថើយឡាយវិញថាញ់និងសាលាមធ្យមសិក្សាចំណេះទូទៅជនជាតិអន្តេវាសិកក្រុងកឹងធើ។ ក្រៅពីនោះ ក្រុងនៅទាំងរៀបចំពិធីជួបជុំព្រះសង្ឃ អាចារ្យ គណៈកម្មការវត្ត កម្មាភិបាលកំពុងឋិត ក្នុងតំណែងនិងចូលនិវត្តន៍ តំណាងគ្រួសារឋិតក្នុងក្របខណ្ឌគោលនយោបាយគ្រួសារក្រីក្រ អ្នកមានប្រជាប្រិយភាពក្នុងជនរួមជាតិខ្មែរ។ រៀបចំក្រុមតំណាងថ្នាក់ដឹកនាំគណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជន អញ្ជើញទៅសួរសុខទុក្ខនិងប្រគេនទេយ្យវត្ថុដល់ព្រះសង្ឃ តាមវត្តខ្មែរ គ្រួសារកម្មាភិបាល អ្នករដ្ឋការជាជនជាតិខ្មែរ គ្រួសារក្រីក្រ សិស្សក្រីក្រ សង្វាតរៀនសូត្រនៃសាលាមធ្យមសិក្សាចំណេះទូទៅជនជាតិអន្តេវាសិកក្រុងកឹងធើ រៀបចំក្រុមគ្រូពេទ្យទៅពិនិត្យ ព្យាបាលជំងឺ ផ្តល់ថ្នាំដោយឥតគិតថ្លៃនៅកន្លែងមានជន រួមជាតិខ្មែររស់នៅកុះករ ដើម្បីជនរួមជាតិខ្មែរទទួលបុណ្យចូលឆ្នាំថ្មីប្រកបដោយភាពសុខដុមរមនា សម្បូរសប្បាយ៕

ថាញ់ផុង-មុនី

ចែករំលែកអត្ថបទ

ពាក្យគន្លឹះ