ព្រឹត្តិការណ៍ - នយោបាយ នយោបាយ

03/04/2018 - 14:49

បើកយុទ្ធនាការ “ថ្ងៃអាទិត្យបៃតង” គាំទ្រកម្មវិធី “ដើម្បីវៀតណាមបៃតង”

ជំនួបកម្មាភិបាលសម្ព័ន្ធយុវជនគ្រប់ដំណាក់កាល

ស្របឱកាសអនុស្សាវរីយ៍ខួប៨៧ឆ្នាំ ទិវាបង្កើតសម្ព័ន្ធយុវជនកុម្មុយនិស្តហូជីមិញ (២៦/៣/១៩៣១-២៦/៣/២០១៨) គណៈប្រចាំការសម្ព័ន្ធយុវជនក្រុងកឹងធើ រៀបចំជំនួបកម្មាភិបាលសម្ព័ន្ធយុវជនគ្រប់ដំណាក់កាល។ សមមិត្តត្រឹងក្វឹកត្រុង សមាជិកមជ្ឈិមបក្ស លេខាគណៈកម្មាធិការបក្សក្រុងកឹងធើ រួមជាមួយនឹងអ្នកតំណាងទាំងឡាយចំនួន១៨០រូប ដែលជាកម្មាភិបាលសម្ព័ន្ធយុវជនខេត្តកឹងធើ (ចាស់) ហូវយ៉ាង (ចាស់) និងក្រុងកឹងធើ អញ្ជើញចូលរួម។ នៅក្នុងជំនួបនេះ អ្នកតំណាងទាំងឡាយបានរំលឹកឡើងវិញនូវប្រវេណីដ៏ត្រចះត្រចង់របស់អង្គការសម្ព័ន្ធយុវជន ឆ្លងកាត់៨៧ឆ្នាំ កសាងនិងរីកចម្រើនដោះដូរជាមួយនឹងអតីតកម្មាភិបាលសម្ព័ន្ធយុវជន អំពីអនុស្សាវរីយ៍ការងារសម្ព័ន្ធនិងការចលនាយុវវ័យ។

អ្នកតំណាងទាំងឡាយថតរូបអនុស្សាវរីយ៍នៅក្នុងជំនួបកម្មាភិបាលសម្ព័ន្ធយុវជនក្រុងកឹងធើគ្រប់ដំណាក់កាល។

ថ្លែងយោបល់នៅក្នុងជំនួបនេះ សមមិត្តត្រឹងក្វឹកត្រុង លេខាគណៈកម្មាធិការបក្សក្រុងកឹងធើ ផ្តែផ្តាំ៖ ប្រទេសយើងកំពុងឋិតក្នុងដំណាក់កាលជំរុញយ៉ាងខ្លាំងក្លាឧស្សាហូបនីយកម្មនិងភាវូបនីយកម្មទំនើប កម្មាភិបាល សមាជិកសម្ព័ន្ធយុវជនគ្រប់រូប គប្បីបញ្ចេញកម្លាំងប្រឡងប្រណាំង ខិតខំលើកកម្ពស់ស្មារតីស្នេហាជាតិ ស្រឡាញ់សង្គម និយម រៀនសូត្រនិងពលកម្មប្រកបដោយវិទ្យាសាស្រ្ត មានគុណភាព ប្រសិទ្ធភាពខ្ពស់ រួមចំណែកក្នុងការអនុវត្តជោគជ័យ ទិសដៅអភិវឌ្ឍសេដ្ឋកិច្ច-សង្គម។ ទន្ទឹមនឹងនោះ បន្តការពង្រីកបញ្ញា ស្មារតីឈានមុខ ស្ម័គ្រចិត្តចូលរួមរាល់សកម្មភាព ដើម្បីជីវភាពសហគមន៍ ជានិច្ចកាលជាគំរូដើម្បីសមាជិកសម្ព័ន្ធយុវជន យុវជនរៀនសូត្រ យកតម្រាប់តាម។

* មុននេះ សម្ព័ន្ធយុវជនក្រុងរៀបចំបើកយុទ្ធនាការ “ថ្ងៃអាទិត្យបៃតង” គាំទ្រកម្មវិធី“ដើម្បីវៀតណាមបៃតង”។ បន្ទាប់ពីពិធីបើកយុទ្ធនាការ យុវជនក្រុងបានអនុវត្តនូវសំណង់ និងការងារសំខាន់ៗជាច្រើនដើម្បីសហគមន៍។ ការងារលេចធ្លោបំផុតគឺបំពាក់ កង់ហាត់ប្រាណចំនួន១០គ្រឿងបង្កើតអគ្គិសនី សម្រាប់ប្រព័ន្ធបើកបំភ្លឺសហគមន៍នៅសួនច្បារលឺវហ៊ឺវភឿក។ សម្ព័ន្ធយុវជន ខណ្ឌកៃរាំងដាំដើមគគីរនៅវិថីវ៉ង្វៀនយ៉ាបចំនួន១០០ដើម យុវវ័យខណ្ឌនិញកេវ បង្ហាញខ្លួនច្រកផ្លូវ “អារ្យធម៌-សុវត្ថិភាព-បៃតង-ជ្រះ-ស្អាត” អនាម័យបរិស្ថាន អនុវត្តទម្រង់រូបភាព “មណ្ឌលក្រុងបៃតង” នៅតាមច្រកផ្លូវនិង ផ្លូវធំៗក្នុងក្រុង...៕

ក្វឹកថាយ-មុនី

ចែករំលែកអត្ថបទ

ពាក្យគន្លឹះ