គោលនយោបាយ -ការរស់នៅ គោលនយោបាយ

12/03/2018 - 16:18

ជូនអំណោយដល់គ្រួសារក្រីក្រ

ក្រុមសប្បុរសធម៌មិញហៀង (ក្រុងកឹងធើ) បានរៀបចំពិធីជូនអំណោយដល់គ្រួសារក្រីក្រ និងគ្រួសារជនជាតិភាគតិចដែលមានស្ថានភាពលំបាកចំនួន១០០ចំណែកនៅវត្តទ្រុកកួង ឃុំថាញ់ក្វើយ ស្រុកម៉ីស្វៀង ខេត្តសុកត្រាំង។

លោកស្រីង្វៀងធីស្វឹងធូ (ខាងឆែ្វងដៃ) ជូនអំណោយគ្រួសារក្រីក្រជនជាតិភាគតិច
នៅឃំុថាញ់កេ្វីយ។

អំណោយក្នុងមួយចំណែកៗមានតម្លៃជាង២០០ពាន់ដុង ក្នុងនោះមានអង្ករម៉ីកញ្ចប់ ទឹកស៊ីអ៊ីវ បីចេង សម្លៀកបំពាក់... ថ្វីត្បិតតែតម្លៃអំណោយមិនជាប៉ុន្មាន ប៉ុន្តែបានជួយគ្រួសារក្រីក្រជាច្រើនមានជំនឿចិត្ដជាង ព្រោះមានអ្នកសប្បុរសជនជាច្រើនយកចិត្តទុក់ដាក់ ចែករំលែកបន្ទុកជាមួយគ្រួសារ។ លោកស្រី ង្វៀនធីស្វឹងធូ តំណាងក្រុមសប្បុរសជនមិញហៀង បានឱ្យដឹង: “សកម្មភាពជូនអំណោយដល់អ្នកក្រ គឺជាការងារជាប្រចាំរបស់ក្រុម។ ប្រការនេះបានបង្ហាញ់នូវប្រវេណីរបស់ជនជាតិ សំដៅទៅលេីការចែករំលែក លើកទឹកចិត្តគ្រួសារណាដែលមានស្ថានភាពលំបាក វាសនាអភ័ព្វ។ល។ ជួយមាមីងក្រីក្រមានភាពកក់ក្តៅ។ មុននោះ ក្រុមបានទៅសួរសុខទុក្ខនិងជូនអំណោយរាប់រយចំណែកជូនគ្រួសារក្រ គ្រួសារជនជាតិភាគតិចលំបាក កុមារកំព្រានៅខេត្តក្រុងនានាដូចជាៈ ឡឹមដុង កឹងធើ វិញឡុង កៀងយ៉ាង។ល។” ទទួលអំណោយដោយក្តីរីករាយ។ លោកស្រីត្រិញធីសាលឿក នៅភូមិដាយសោ ឃុំថាញ់ក្វើយ បានឱ្យដឹង៖ “ខ្ញុំរីករាយណាស់ដែលបានទទួលអំណោយរបស់អ្នកសប្បុរសទាំងអស់។ អំណោយនេះអាចជួយឲ្យគ្រួសារខ្ញុំដោះទ័លបានក្នុងប៉ុន្មានថ្ងៃផងដែរ”។ លោក K’Kim ប្រធានភូមិ៦ ភូមិដាំងដឹង ឃុំឡុកតឹង ស្រុកបាវឡឹម ខេត្តឡឹមដុង ចែករំលែក៖ “ក្រៅពីអំណោយដែលត្រូវការចាំបាច់ក្នុងជីវភាព បណ្តាអំណោយរបស់ក្រុមសប្បុរសធម៌មិញហៀង នៅមានទាំងអាវរងារ ភួយ ជួយឲ្យជនចាតិភាគតិចនៅភូមិឆ្លងផុតនូវរដូវរងារនេះ។ អំណោយទាំងនេះ បានបង្ហាញពីការយកចិត្តទុកដាក់របស់សប្បុរសជន ចំពោះជនជាតិភាគតិចនៅជួបលំបាកច្រើននៅភូមិភាគ”។ រីករាយជាមួយនឹងអាវរងារថ្មី បងស្រី K’Mết នៅភូមិដាំងដឹង បានឲ្យដឹង: “មានអាវរងារហើយ ខ្ញុំមិនខ្លាចទៅចម្ការបេះស្លឹកតែនៅពេលព្រឹកទៀតឡើយ។ ខ្ញុំអរគុណក្រុមសប្បុរសធម៌ មិញហៀង ដែលបានយកចិត្តទុកដាក់ចំពោះតម្រូវការចាំបាច់របស់ប្រជាជននៅទីនេះនៅពេលរដូវត្រជាក់មកដល់។ ក្តីរីករាយរបស់មីងសាលឿក បងស្រី K’Mết ក៏ជាក្តីរីករាយរបស់គ្រួសារជនជាតិភាគតិចនៅឃុំល្វងម៉ី ស្រុកតាមប៊ិញ ខេត្តវិញឡុង ស្រុកយ៉ាងថាញ់ ខេត្តកៀងយ៉ាង ពេលដែលក្រុមសប្បុរសធម៌មិញហៀង ចុះទៅជូនអំណោយដែលប្រកបទៅដោយអត្ថន័យដ៏ជ្រាវជ្រៅនេះ។

លោក ឡេហុងក្វាង អនុប្រធានគណៈកម្មាធិការប្រជាជនឃុំថាញ់ក្វើយ ស្រុកម៉ីស្វៀង បានអោយដឹង: “ចំពោះភូមិភាគ ការយកចិត្តទុកដាក់របស់សប្បុរសជនចំពោះគ្រួសារក្រីក្រលើភូមិសាស្រ្ត មានអត្ថន័យធំធេងខ្លាំងណាស់។ អំណោយទាំងនេះនឹងជំរុញទឹកចិត្ត ស្មារតី ជួយគ្រួសារក្រីក្រជឿជាក់ឈានឡើងក្នុងជីវិភាពដោយមានការស្រុះស្រួល គិតគូររបស់រដ្ឋអំណាច និងសង្គម បង្ហាញពីស្មារតី “ជួយគ្នាទៅវិញទៅមក ស្លឹកជាពាស្លឹកដាច់” គឺជាប្រពៃណីមួយដ៏មានតម្លៃរបស់ជនជាតិ” ។

ត្រឿងផល-វា៉ន់តឹន

ចែករំលែកអត្ថបទ

ពាក្យគន្លឹះ