ព្រឹត្តិការណ៍ - នយោបាយ ព្រឹត្តិការណ៍

03/10/2017 - 09:27

សាសនារួមចំណែកយ៉ាងច្រើនក្នុងការអភិវឌ្ឍនៅភូមិភាគ

នេះគឺជាការបញ្ជាក់របស់លោក ត្រឹងថាញ់ម៉ឹង សមាជិកមជ្ឈិមបក្ស ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ក្នុងការអញ្ជើញសួរសុខទុក្ខប្រគេននិងជូនទេយ្យវត្ថុដល់អ្នកមុខអ្នកការសាសនា អតីត ថ្នាក់ដឹកនាំបក្ស រដ្ឋ លើភូមិសាស្រ្តក្រុងកឹងធើ កន្លងហើយ។

លោកត្រឹងថាញ់ម៉ឹង ប្រគេនទេយ្យវត្ថុដល់គណៈអភិបាលពុទ្ធសាសនា
វៀតណាមក្រុងកឹងធើ។

នៅការិយាល័យគណៈអភិបាលពុទ្ធសាសនាវៀតណាម ក្រុងកឹងធើ លោកត្រឹងថាញ់ម៉ឹង ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម បានកត់សម្គាល់និងគាំទ្រស្មារតីសាមគ្គីរបស់សាសនានានាលើភូមិសាស្រ្តក្រុងកឹងធើ ក្នុងដំណាក់ការកសាងនិងអភិវឌ្ឍរបស់ភូមិភាគ។ពិសេសគឺបញ្ហាសុខុមាលភាពសង្គមសប្បុរសធម៌ ធានាសន្តិសុខសណ្តាប់ធ្នាប់សង្គមសកម្មចូលរួមទប់ស្កាត់នឹងការប្រែប្រួល អាកាសធាតុ ព្រួតដៃកសាងជនបទថ្មី ទីក្រុងអារ្យធម៌។ ទន្ទឹមនឹងនោះ លោកត្រឹងថាញ់ម៉ឹង ក៏បានអំពាវនាវអ្នកមុខអ្នកការ សាសនា ព្រះថេរានុត្ថេរនិងមាមីងពុទ្ធបរិស័ទប្រតិបត្តិល្អគោលការណ៍របស់បក្ស និងច្បាប់របស់រដ្ឋ ច្បាប់ជំនឿសាសនា និងរួមគ្នាព្រួតដៃការពារបរិស្ថាន ទប់ស្កាត់នឹងការប្រែប្រួលអាកាសធាតុ។

លោកត្រឹងថាញ់ម៉ឹង បញ្ជាក់៖ កឹងធើមានសក្តានុពលអភិវឌ្ឍផ្នែកទេសចរណ៍ផ្លូវចិត្ត។ ហេតុនេះ ក្រុងគប្បីផ្តោតការយកចិត្តទុកដាក់កសាងនិងជួសជុលវត្តអារាមទាំងពុទ្ធសាសនាទក្ខិណនិកាយនិងពុទ្ធសាសនាឧត្តរនិកាយដើម្បីឆ្លើយតបទៅនឹងតម្រូវការខាងផ្លូវចិត្តរបស់មាមីង ក៏ដូចជាទាក់ទាញភ្ញៀវទេសចរណ៍នៅគ្រប់ទីកន្លែង។

នៅក្នុងឱកាសនេះដែរ ព្រះឧបជ្ឈាយ៍ ដាវញ៉ឺ ប្រធានគណៈអភិបាលពុទ្ធសាសនាវៀតណាមក្រុងកឹងធើ មានព្រះថេរដីកាថ្លែងអំណរគុណចំពោះការយកចិត្តទុកដាក់ គិតគូររបស់បក្ស រដ្ឋ ចំពោះសាសនានិងមាមីងជនរួមជាតិខ្មែរក្នុងរយៈពេលកន្លង។ សកម្មចលនាមាមីងពុទ្ធបរិស័ទរួមកម្លាំង សាមគ្គីកសាងក្រុងកឹងធើ ពីមួយថ្ងៃទៅមួយថ្ងៃកាន់តែមានភាពរីកចម្រើន។

នៅវិហារគ្រឹស្តកឹងធើ លោកត្រឹងថាញ់ម៉ឹង សំណេះសំណាលយ៉ាងស្និទ្ធស្នាលជាមួយនឹងអង្គអេវ៉ែកក្រុងកឹងធើ-ទ្រីប៊ឺវថៀងនិងជូនជារបាយការណ៍ពីដំណើរទស្សនាកិច្ចល្អប្រសើររបស់ប្រធានគណៈកម្មាធិការមជ្ឈិមរណសិរ្សមាតុភូមិវៀតណាមដល់សម្តេចសង្ឃកាតូលិក ផាងស៊ីកូ។ លោកត្រឹងថាញ់ម៉ឹងកត់សម្គាល់នូវការរួមចំណែកដ៏ធំធេងរបស់គ្រឹស្តសាសនិកក្នុងការកសាងសេដ្ឋកិច្ច-សង្គម ធានាសន្តិសុខសណ្តាប់ធ្នាប់ ទប់ស្កាត់នឹងការប្រែប្រួលអាកាសធាតុ កសាងជនបទថ្មី និងទីក្រុងអារ្យធម៌...។

ស្របឱកាសបុណ្យសែនដូនតានេះដែរ លោកត្រឹងថាញ់ម៉ឹង ក៏បានអញ្ជើញទៅអុជធូប សួរសុខទុក្ខនិងជូនអំណោយដល់គ្រួសារលោកហ្វិញកឿង អតីតសមាជិក គណៈប្រតិបត្តិការមជ្ឈិមបក្សអនុប្រធានរដ្ឋសភា៕

យោងៈmattran.org.vn-មុនី

ចែករំលែកអត្ថបទ

ពាក្យគន្លឹះ