សុខភាព - អប់រំ អប់រំ

30/08/2017 - 14:17

កើ-ដឈានចូលឆ្នាំសិក្សាថ្មី

ក៏ដូចខណ្ឌ ស្រុកដទៃដែរ ស្រុកកើ-ដ ក្រុងកឹងធើ ធ្វើបានល្អការងារត្រៀមបម្រុងសម្រាប់ឈានចូលឆ្នាំសិក្សាថ្មី។

េលាកត្រឹងង៉ុកង៉ី ប្រធានការិយាល័យអប់រំនិងបណ្តុះបណ្តាលស្រុកកើ-ដ ឲ្យដឹង៖ “មានសាលារៀនជាច្រើនបានសាងសង់ថ្មីម្រេចទាន់ពេល ដើម្បីដាក់ឲ្យប្រើប្រាស់ក្នុងឆ្នាំសិក្សា២០១៧-២០១៨។ ក្នុងនោះ សាលាមត្តេយ្យទ្រុងហឹង១ (រួមមាន៦បន្ទប់) ដោយមានសម្ភារៈ សិក្ខូបករណ៍បង្រៀនគ្រប់គ្រាន់”។ ពេលមូលដ្ឋានថ្មីរបស់សាលាដាក់ឲ្យប្រើប្រាស់ សាលានឹងបើកថ្នាក់ពាក់កណ្តាលអន្តេវាសិក១០០%សម្រាប់ឲ្យសិស្សចំនួន២២០រូប ចែកជា៧ក្រុម។ សាលាកំពុងខិតខំកសាងបទដ្ឋានដែលបានកំណត់ ដើម្បីបានទទួលស្គាល់សម្រេចបទដ្ឋានជាតិក្នុងខែ១០-២០១៧។ អ្នកគ្រូទ្រឿងវីធ្វីយ្វៀង នាយិកាសាលាមត្តេយ្យទ្រុងហឹង១ ឲ្យដឹង៖ “រៀងរាល់ថ្ងៃ អ្នកគ្រូគ្រប់រូបតែងមកកាន់សាលាយ៉ាងប្រញាប់ដើម្បីរៀបចំតាក់តែងបន្ទប់និងទីធ្លាកម្សាន្តក្នុងបរិវេណសាលា”។

សាលាមត្តេយ្យទ្រុងហឹង១ទើបតែកសាងថ្មី។

ប៉ុន្មានឆ្នាំកន្លង គណៈកម្មាធិការបក្ស គណៈកម្មាធិការប្រជាជនស្រុកកើ-ដ តែងខិតខំវិនិយោគទុនសម្រាប់វិស័យអប់រំនិងបណ្តុះបណ្តាល។ បច្ចុប្បន្ន ទូទាំងស្រុកមានសាលាចំនួន៤៨ (មាន២៨សាលាសម្រេចបទដ្ឋានជាតិ)។ ក្នុងនោះ មានសាលាមត្តេយ្យចំនួន១៧ មធ្យមសិក្សាមូលដ្ឋានចំនួន៨និង បឋមសិក្សាចំនួន២៣។ ឆ្នាំ២០១៧ ស្រុកចាត់ចែងទឹកប្រាក់ចំនួន៣៣ពាន់លានដុងដើម្បីវិនិយោគសាងសង់ថ្មី បង្កើនកម្រិតសាលាចំនួន៦។ ពីប្រភពទុនសាងសង់ជាមូលដ្ឋានស្រុកវិនិយោគទុនសាងសង់សំណង់ចំនួន១១ (ផ្ទេរបន្តពីឆ្នាំមុន) ដោយថវិកា៥៤ពាន់លានដុង។ ផ្តើមពីប្រភពទុនបុព្វហេតុស្រុកបានបង្កើនកម្រិត ជួសជុលសាលាចំនួន២០ខ្នង (ដោយថវិកា១៥,៩ពាន់លានដុង) សម្រាប់ប្រើប្រាស់ក្នុងឆ្នាំសិក្សាថ្មី។ តាមការគ្រោងទុក ស្រុកនឹងកៀរគរសិស្សចូលរៀនជាង២៥.០០០រូប ចាប់តាំងពីកម្រិតមត្តេយ្យរហូតដល់មធ្យមសិក្សាចំណេះទូទៅ។ ផ្នែកសិក្សាអប់រំស្រុកសំណូមពរសាលាដែលមានសិស្សជាជនរួមជាតិខ្មែររៀនច្រើនត្រូវពិនិត្យពិច័យ ស្វែងយល់ពីស្ថានភាពគ្រួសាររបស់សិស្សដែលជួបការលំបាកដើម្បីធ្វើការជំនួយញុាំងឲ្យសិស្សគ្រប់លក្ខណសម្បត្តិចូលរៀន។

តាមលោកត្រឹងង៉ុកង៉ី ប៉ុន្មានឆ្នាំជិតៗនេះ សាលារៀននៅលើភូមិសាស្រ្តស្រុកបានសង់ថ្មីនិងជួសជុលឡើងវិញពីមួយថ្ងៃទៅមួយថ្ងៃកាន់តែមានភាពសមរម្យ។ នោះជាសមិទ្ធផលនៃការវិនិយោគដ៏យូរអង្វែងរបស់ថ្នាក់ដឹកនាំស្រុក និងការជំនួយរបស់គណៈ ផ្នែកនៅភូមិភាគព្រមទាំងការខិតខំរបស់់សាលាផងដែរ។ សាលារៀនរឹងមាំសមរម្យបង្កជាគ្រឹះធារលើកកម្ពស់គុណភាពអប់រំ ពីព្រោះចំនួនថ្នាក់រៀន២ពេល/ថ្ងៃ ពាក់កណ្តាលអន្តេវាសិកនៅតាមសាលាពីមួយថ្ងៃទៅមួយថ្ងៃកាន់តែកើនឡើង៕

ប៊ិតកៀង-សុផល

ចែករំលែកអត្ថបទ

ពាក្យគន្លឹះ