មហាសាមគ្គីជនជាតិ ភូមិស្រុកផ្លាស់ថ្មី

22/08/2017 - 09:08

ស្រុះស្រួលគ្នាកសាងជនបទថ្មី

អាស្រ័យបង្កើនការបណ្ដុះបណ្តាលកម្មាភិបាលខាងកសាងជនបទថ្មីនិងពង្រីកកម្លាំងផ្ទៃក្នុងក្នុងប្រជាជន បង្កលក្ខណសម្បត្តិជូនប្រជាជនចូលរួមវិភាគទានត្រួតពិនិត្យ បានជាដំណើរការកសាងជនបទថ្មីនៅខេត្តអាងយ៉ាង បានប្រព្រឹត្តទៅដោយស្រួល។

ហេដ្ឋារចនាសម្ព័ន្ធជនបទខេត្តអាងយ៉ាង បានវិនិយោគទុនកសាងសមរម្យ ទំនើប។

តាមគណៈកម្មាធិការប្រជាជនខេត្តអាងយ៉ាង ចាប់ពីដើមឆ្នាំ២០១៧មកទល់ពេលនេះ ខេត្តរៀបចំបើកវគ្គហ្វឹកហ្វឺនផ្សព្វផ្សាយគោលការណ៍កសាងជនបទថ្មីបាន១០ថ្នាក់ ជូនសិក្ខាកាមប្រមាណ១.៥៤១រូប ដែលជាកម្មាភិបាល អ្នករដ្ឋការ ពីថ្នាក់ខេត្ត ស្រុក ឃុំ អំពីគោលការណ៍ គោលនយោបាយមួយចំនួន និងការងារខាងកសាងជនបទថ្មីដំណាក់កាល២០១៦-២០២០។ ទន្ទឹមនឹងនោះ ខេត្តបានបោះពុម្ពផ្សាយសៀវភៅណែនាំប្រមាណ១.២០០ក្បាល និងឯកសារផ្សព្វផ្សាយពីការកសាងជនបទថ្មីក្នុងប្រជាជនចំនួន១.៥០០ច្បាប់។

សមមិត្តឡឹមក្វាងធី អនុប្រធានគណៈកម្មាធិការប្រជាជនខេត្តអាងយ៉ាង ឲ្យដឹង៖ ខេត្តខិតខំក្នុងឆ្នាំ២០១៧ មានឃុំសម្រេចលក្ខឋានទាំង១៩ យ៉ាងតិចបំផុត១០ឃុំ បង្កើនចំនួនឃុំសម្រេចលក្ខឋានជនបទថ្មីឡើង៣១/១១៩ឃុំ។ ពិសេស មានបន្ថែម២ឃុំដែលមានជនរួមជាតិភាគតិចរស់នៅកុះករខិតខំសម្រេចបទដ្ឋានក្នុងឆ្នាំ0២០១៧ មុន១ឆ្នាំបើប្រៀបនឹងផែនការដាក់ចេញ; មកទល់ពេលនេះ បណ្តាឃំុទាំងអស់នៅខេត្តអាងយ៉ាង មធ្យមភាគសម្រេចបាន១៣លក្ខឋាន។ ក្នុង៦ខែដើមឆ្នាំ២០១៧ ខេត្តបានវិនិយោគទុនជាង៦៦ពាន់លានដុង; ក្នុងនោះ ប្រជាជនរួមវិភាគទានជិត១៣ពាន់លានដុង ដើម្បីបង្កើនកម្រិតនិងកសាងផ្លូវគមនាគមន៍ថ្មី៩២,៦៧៩គីឡូម៉ែត្រ; កសាងស្ពានថ្មីបាន៣៥ខ្សែ ក្នុងនោះ ស្ពានបេតុង២៣ខ្សែ ស្ពានដែក៧ខ្សែ ស្ពានឈើ៣ខ្សែ ស្ពានយោល២ខ្សែ។ ឆ្នាំ២០១៧ថវិកាខេត្តឧបត្ថម្ភ៥ពាន់លានដុង អនុវត្តបណ្ដាញផ្គត់ផ្គង់អគ្គិសនី៧កន្លែង និងកាប៊ីនភ្លើងចំនួន៦ដើម្បីបម្រើការផលិតកម្មនិងជូនប្រជាជននៅជនបទជាង២០០គ្រួសារប្រើប្រាស់។ ព្រមជាមួយនោះ ខេត្តបានផ្សព្វផ្សាយសំណង់ផ្គត់ផ្គង់ទឹកស្អាតចំនួន៣ ថវិកាសរុបប្រមាណ២០ពាន់លានដុង។ ការបណ្ដុះបណ្តាលរបរជូនពលករជនបទនៅខេត្តអាងយ៉ាង ត្រូវបានអនុវត្តដោយមានរូបភាពសម្បូរបែប។ ចំនួនអ្នកបានរៀនរបរមានការងារធ្វើថ្មីឬក៏ធ្វើរបរចាស់ជាបន្ត ប៉ុន្តែផ្ដល់ទិន្នផល និងប្រាក់ចំណូលខ្ពស់ជាងស្រូបអត្រាជិត៧៥% បើប្រៀបនឹងចំនួនពលករដែលបានឆ្លងកាត់វគ្គបណ្តុះបណ្តាលរួម។ ក្នុងនោះ ពលករមានការងារធ្វើនៅក្នុងស្រុកសម្រេចបាន៤៧% ក្រៅស្រុក១៦% និងក្រៅខេត្ត១២%។

សមមិត្តត្រឹងអាញ់ធឺ ប្រធានមន្ទីរកសិកម្មនិងអភិវឌ្ឍជនបទខេត្តអាងយ៉ាង គូសបញ្ជាក់៖ កម្មវិធីកសាងជនបទថ្មី គឺជាគោលការណ៍ដ៏ត្រឹមត្រូវទាន់ពេល ស្របនឹងទឹកចិត្តប្រជាជន ម៉្លោះហើយពេលផ្សព្វផ្សាយអនុវត្តមានភាពងាយស្រួលរួមចំណែកពង្រឹងពង្រីកក្តីជំនឿជឿចិត្តរបស់ប្រជាជនទៅលើការដឹកនាំរបស់បក្ស៕

ថាញ់ផុង-វិមាន

ចែករំលែកអត្ថបទ

ពាក្យគន្លឹះ