គោលនយោបាយ -ការរស់នៅ ការរស់នៅ

20/12/2016 - 09:27

ទម្រង់រូបភាពគ្រួសារ "គ្មាន៥ ស្អាត៣"

ឆ្លងកាត់ច្រើនឆ្នាំអនុវត្តការចលនាកសាងទម្រង់រូបភាពគ្រួសារ "គ្មាន៥ ស្អាត៣" មកទល់បច្ចុប្បន្ន ចលនានេះបានរីកសាយភាយនិងបង្កបានជាចំណាប់អារម្មណ៍របស់សហគមន៍។ ការចលនានេះ បានជួយឲ្យនារី មានឱកាសកសាងគ្រួសារសុភមង្គល និងរួមចំណែកក្នុងការកសាង ជនបទថ្មី។

ផ្តើមពីចលនា"គ្មាន៥ ស្អាត៣"នារីបានអនុវត្តល្អនូវលក្ខឋាន
ផ្ទះស្អាតចង្ក្រានស្អាត ច្រកផ្ទះស្អាត។

រយៈកាលកន្លង សមាគមនារីគ្រប់លំដាប់ថ្នាក់ក្នុងខេត្តសុកត្រាំង បានផ្សព្វផ្សាយយ៉ាងសកម្មនូវការចលនា "កសាងគ្រួសារ គ្មាន៥ ស្អាត៣" (គ្មាននៅគ្រួសារក្រខ្សត់ គ្មាននៅអ្នកល្មើសច្បាប់និងបាបគ្រោះសង្គមគ្មានអំពើហិង្សាគ្រួសារ គ្មាននៅអ្នកកើតកូនទី៣ឡើងទៅ គ្មាននៅ កុមារខ្វះអាហារូបត្ថម្ភនិងកុមារឈប់រៀនពាក់កណ្តាលការ។ ស្អាត៣ នោះគឺផ្ទះស្អាត ចង្ក្រានស្អាត ច្រកផ្ទះស្អាត) ។ ឆ្លងតាមរយៈនោះ មានគ្រួសារសមាជិក១០០% ស្ម័គ្រចិត្តចុះឈ្មោះអនុវត្តការចលនាកសាង លក្ខឋានទាំង៨ដូចពោលខាងលើ ផ្សារភ្ជាប់ជាមួយនឹងលក្ខឋានកសាងជនបទថ្មី និងកសាងគ្រួសារវប្បធម៌នៅមណ្ឌលតាំងទីលំនៅ។ មកទល់ពេលនេះ ទូទាំងខេត្តមានសមាជិក៦៥.៧៧៥/ ១២៣២៩៩គ្រួសារ សម្រេចលក្ខឋានទាំង៨។ បង្កើតបាន២.០៤៥ក្រុម "កសាងគ្រួសារ គ្មាន៥ស្អាត៣" ដោយមានសមាជិកជិត៣៥.០០០នាក់។ លោកស្រីង្វៀនធីហ្វេជី ប្រធានសមាគមសហព័ន្ធនារីខេត្ត ឲ្យដឹង៖ "ការចលនា"គ្មាន៥ ស្អាត៣" ជិតដិតជាមួយនឹងជីវភាពប្រចាំថ្ងៃ និងជះឥទ្ធិពលយ៉ាងសកម្មដល់ការយល់ដឹង និងអាកប្បកិរិយារបស់សមាជិក ជាពិសេសគឺនារីនៅជនបទ នារីជនជាតិភាគតិច។ ផ្តើមពីនោះ រួមចំណែកកាត់បន្ថយស្ថានភាពប្រើអំពើហិង្សាក្នុងគ្រួសារ កាត់បន្ថយអត្រាកើតកូនទី៣ សិស្សឈប់រៀនពាក់កណ្តាលការនិងកុមារល្មើសច្បាប់ ខ្វះអាហារូបត្ថម្ភជាដើម"។

បងស្រីង្វៀនធីប៊ិចលៀង ប្រធានសមាគមសហព័ន្ធនារីសង្កាត់៥ ក្រុងសុកត្រាំង ឲ្យដឹង៖ "សមាគមនារីសង្កាត់៥ បានជំរុញការងារផ្សព្វផ្សាយអំពីទម្រង់រូបភាពគ្រួសារ "គ្មាន៥ ស្អាត៣" ក្នុងពេលប្រជុំជីវកិច្ចក្រុមក្លឹបនារី។ ផ្តើមពីនោះ ការយល់ដឹងរបស់បងប្អូននារី ពិសេសគឺនារីខ្មែរសន្សឹមៗបានលើកកម្ពស់សមាជិកទាំងឡាយតែងតែចុះឈ្មោះគ្រួសារធានាលក្ខឋានទាំង៨របស់សមាគម។ មកទល់ពេលនេះ បងប្អូននារី បានបោសសម្អាតសំរាមជម្រះស្មៅព្រៅក្បែរផ្លូវ ជុំវិញផ្ទះ ជីកចង្អូរទឹក បើកលូឲ្យទឹមហូរ និងដាំរុក្ខជាតិបៃតង ផ្កាលំអ បង្កសោភណភាព សម្រាប់ផ្ទះសម្បែង។ បច្ចុប្បន្ន ទូទាំងសង្កាត់មានសមាជិក១.៤៧៥/១.៩៨៤គ្រួសារ សម្រេចលក្ខឋានទាំង៨អំពី "គ្មាន៥ ស្អាត៣" ក្នុងនោះ សមាជិកជាជនជាតិខ្មែរស្រូបអត្រាជាង៦៥%"។ ចំណែកបងស្រី ត្រឹងធីថាញ់លេខាសាខាបក្សភូមិអំពែក ឃុំថាមដូង ឲ្យដឹង៖ អនុវត្តចលនា "កសាងគ្រួសារគ្មាន៥ ស្អាត៣" ផ្ទះបងប្អូនសមាជិកាជាជនជាតិ ខ្មែរមានភាពស្អាតស្អំ គ្រួសារសុភមង្គល កូនចៅស្លូតបូត មិនប្រព្រឹត្តបំពានច្បាប់ជាដើម៕

យ្វីអាញ់-វិមាន

ចែករំលែកអត្ថបទ

ពាក្យគន្លឹះ