មហាសាមគ្គីជនជាតិ គំរូក្នុងសហគមន៍

26/01/2016 - 09:08

លោកគឹមម៉េន អ្នកមានប្រជាប្រិយភាពក្នុងតំបន់ជនរួមជាតិខ្មែរ

លោកគឹមម៉េន អាយុ៧៣ឆ្នាំ ជាគណៈកម្មការវត្តបទុមវង្សកំពង់ថ្ម (ទ័ពថ្ម) ឃុំលឿងហ្វា ស្រុកចូវថាញ់ ខេត្តត្រាវិញ ជាអ្នកជ្រាបច្បាស់ក្នុងព្រះ ពុទ្ធសាសនា ថែមទាំងខ្នះខ្នែងជិតដិតជាមួយនឹងពុទ្ធបរិស័ទ ដូច្នោះ បានជារដ្ឋអំណាចភូមិភាគនិងប្រជាជនរាប់អាន និងជ្រើសធ្វើជាអ្នកមានប្រជាប្រិយភាពជាច្រើនឆ្នាំបន្តបន្ទាប់។

លោកគឹមម៉េន(ខាងឈ្វេងដៃ) និងលោកថាច់ម៉ាយប្រធានភូមិព្រះស្រែ។

អាស្រ័យដោយការយកចិត្តទុកដាក់របស់លោកគឹមម៉េន ព្រមទាំងការជំនួយទាន់ពេលរបស់រដ្ឋអំណាចភូមិភាគ បានជាអត្រាគ្រួសារក្រីក្រនៅភូមិព្រះស្រែថយចុះច្បាស់ក្រឡែត។ ក្រៅពីនោះ មានគោលការណ៍ គោលនយោបាយបក្សច្បាប់របស់រដ្ឋ សេចក្តីកំណត់ការផ្សព្វផ្សាយ ចលនាផ្សេងៗនៅភូមិភាគតែងបានលោកគឹមម៉េនយល់ហើយនឹងចលនាមាមីងខ្មែរក្នុងភូមិចូលរួម ហេីយរូបលោកផ្ទាល់ជាអ្នកនាំមុខ។ លោកគឹមម៉េន ឲ្យដឹង៖" ខ្ញុំបានផ្សះផ្សារជូនមាមីងករណីវិវាទដីធ្លី ទើបតែបានសម្រេចនិងអញ្ជើញមាមីងប្រជុំក្នុងវត្តមួយខែពីរលើក ឆ្លៀតឱកាសនោះ ខ្ញុំបានផ្សព្វផ្សាយចលនាមាមីងអនុវត្តគោលម៌ាគារបស់បក្ស ច្បាប់របស់រដ្ឋ ពិសេសគឺការទូន្មានខិតខំធ្វើការរកស៊ីឈានឡើងធ្វើមានធ្វើបាន ហើយបច្ចុប្បន្នខ្ញុំបានបង្កើតក្លឹបផ្សព្វផ្សាយច្បាប់ រួមមានសមាជិក១០រូបប្រជុំក្នុងមួយខែម្តង"។

ការរួមចំណែករបស់លោកគឹមម៉េន ត្រូវបានឃុំ ស្រុក ខេត្ត លើកសរសើរនិងបានមាមីងជ្រើសធ្វើជាអ្នកមានប្រជាប្រិយភាពនៅតំបន់ជនរួមជាតិភាគតិចក្នុងភូមិច្រើនឆ្នាំបន្តបន្ទាប់។ លោកថាច់ម៉ាយ ប្រធានភូមិព្រះស្រែ ឲ្យដឹង៖" លោកគឹមម៉េនជាអ្នកមានប្រជាប្រិយភាពក្នុងតំបន់ ជនរួមជាតិខ្មែរនៅភូមិព្រះស្រែដូច្នេះមតិយោបល់របស់គាត់ដាក់ចេញ តែងបានមាមីងស្របចិត្តស្របគំនិត ហេតុនោះ ស្ទើរតែរាល់ករណីទំនាស់ដីធ្លីអាពាហ៍ពិពាហ៍ និងគ្រួសារក្នុងភូមិតែងបានគាត់ផ្សះផ្សារ បានសម្រេចទាំងអស់មានពេលខ្លះមិនចាំបាច់ឡើងដល់រដ្ឋអំណាចភូមិភាគទៀតផង។ លោកគឹមម៉េនថែមទាំងបង្កើតបានក្រុមសប្បុរសធម៌ ក្រុមជំនួយបុណ្យសពនិងចលនាបើកបង្រៀនអក្សរខ្មែរជូនកូនចៅជន រួមជាតិខ្មែរក្នុងភូមិទៀតផង។

លោកផាមវាំុងម៉ោក អនុប្រធានការិយាល័យជនជាតិស្រុកចូវថាញ់ ឲ្យដឹង៖" ផ្តើមពីការយល់ដឹងត្រឹមត្រូវ ពីព្រោះសហគមន៍ លោកគឹមម៉េនអនុវត្តបានល្អនូវការងារសតិអារម្មណ៍ ផ្សព្វផ្សាយច្បាប់របស់បក្សនិងរដ្ឋដល់ជនរួមជាតិភាគតិច។ ជាបុគ្គលគំរូអស់ពីចិត្តចំពោះជនរួមជាតិភាគតិច ដូចលោកគឹមម៉េន គឺជាស្ពានតភ្ជាប់រវាងជនរួមជាតិភាគតិច ជាមួយនឹងរដ្ឋអំណាចភូមិភាគរួមចំណែកបង្កលក្ខណៈងាយស្រួលដើម្បីមាមីងអភិវឌ្ឍលើគ្រប់វិស័យ៕

សេីុងម៉ាល័យៈ សុផល

ចែករំលែកអត្ថបទ

ពាក្យគន្លឹះ