គោលនយោបាយ -ការរស់នៅ គោលនយោបាយ

17/11/2015 - 15:26

កម្មាភិបាលនារីបានប្រជាជនស្រឡាញ់រាប់អាន

បងស្រីថាច់ធីតាក់ ប្រធានការិយាល័យជនជាតិស្រុកកូវកែ ខេត្តត្រាវិញ មិនត្រឹមតែបានមាមីងជនជាតិខ្មែរស្រឡាញ់រាប់អានប៉ុណ្ណោះទេ ទោះបីអ្នកណាក៏ដោយ បើបានសំណេះសំណាលជាមួយបងស្រី អ្នកនោះ ច្បាស់ជានឹងសរសើរថា បងស្រីគឺជាកម្មាភិបាលម្នាក់អស់ពីចិត្តពីថ្លើមមិនខាន។

បងស្រីថាច់ធីតាក់។

ណាត់ច្រើនលើកច្រើនសា ទើបយើងខ្ញុំបានជួបបងស្រីថាច់ធីតាក់ នៅការិយាល័យជនជាតិស្រុកកូវកែ។ បានជួបលើកនេះ ពិតជាមានសំណាងមែន ពីព្រោះបងស្រីទើបតែវិលត្រឡប់មកពីឃុំផុងថាញ់ ក្រោយ ពីដោះស្រាយរឿង ផ្លូវឋិតក្នុងកម្មវិធី១៣៥ដំណើរការយឺត។ បងស្រីថាច់ធីតាក់ ឲ្យដឹង៖ "ថវិកាកសាងផ្លូវកម្មវិធី១៣៥ គឺជាថវិការបស់រដ្ឋ កសាងផ្លូវសម្រាប់ប្រជាជន យើងធ្វើដំណើរទៅមកកសាងបានឆាប់ ប្រជាជនទទួលបានប្រយោជន៍ឆាប់ ប្រសិនបើកសាងយឺតនោះគឺបង់ខាតថវិកា រដ្ឋជះឥទ្ធិពលដល់ប្រជាជន ម្ល៉ោះហើយយើងគប្បីជំរុញដាស់តឿនអ្នក ម៉ៅការទើបបាន"។ រំលឹកដល់កម្មវិធី និងគ្រោងការដាច់ដោយឡែករបស់រដ្ឋ សម្រាប់ជនរួមជាតិភាគតិចលើភូមិសាស្រ្តស្រុក បងស្រីថាច់ធីតាក់ រំភើបចិត្ត បំភ្លេចការនឿយហត់ឲ្យដឹងដោយក្តីរីករាយ៖ "កាលពីមុននេះ ឃុំចូវដៀងមាន៣ភូមិលំបាកពិសេសនោះគឺភូមិត្រាបួង អូរទឹងនិងភូមិសមឡើង។ ដោយបានរដ្ឋវិនិយោគទុនកសាងផ្លូវថ្នល់ ទឹកស្អាត និងអគ្គិសនី។ល។ ជំនួយទុនឲ្យមាមីងអភិវឌ្ឍសេដ្ឋកិច្ច បានជាចុងឆ្នាំនេះ ទាំង៣ភូមិហ្នឹង បានលុបបំបាត់ភាពក្រីក្ររួមចំណែកកសាងឃុំចូវដៀង ក្លាយជាឃុំជនបទថ្មី"។

តាមប្រសាសន៍បងស្រីថាច់ធីតាក់ ឲ្យដឹង៖ ស្រុកកំណើតគាត់នៅឃុំដូងចូវ ស្រុកយ្វៀងហាយ។ កាលពីអាយុ១៤ឆ្នាំ បងស្រីបានបម្រើការងារ ពេទ្យប្រជាជនខេត្តត្រាវិញ មានទីតាំងនៅភូមិភិរម្យសុខឃុំចូវដៀង។ ក្រោយពីថ្ងៃ៣០មេសា ឆ្នាំ១៩៧៥ បងស្រីត្រូវបានបញ្ជូនទៅបម្រើការនៅមន្ទីរពេទ្យខេត្តត្រាវិញ។ រយៈពេលនៅទីនេះ រៀនបណ្តើរធ្វើការបណ្តើរ បងស្រីបានរៀនចប់កម្មវិធីសិក្សាវប្បធម៌និងផ្នែកវិជ្ជាពេទ្យ រួចក្លាយជាគ្រូពេទ្យ។ល។ លុះដល់ពេលរៀបអាពាហ៍ពិពាហ៍ បងស្រីទៅរស់នៅខាងប្តីបម្រើការនៅស្រុកកូវកែ។ ក្រោយពីឈប់សម្រាកសម្រាលកូន បងស្រីត្រូវបានភូមិភាគចលនាចាត់ទៅខាងអង្គការមហាជន ដោយមានតំណែងជាប្រធានសមាគមនារីឃុំហ្វាអឹង។ បងស្រីថាច់ធីតាក់ ឲ្យដឹង៖ "កាលនោះ នាងខ្ញុំមានការព្រួយបារម្ភយ៉ាងខ្លាំង ពីព្រោះនាងខ្ញុំបំពេញការងារមុខជំនាញពេទ្យ រឿងអង្គការមហាជនមានចេះ ដឹងអ្វីនឹងធ្វើ ប៉ុន្តែអាស្រ័យដោយការជំរុញទឹកចិត្តរបស់អ្នករាល់គ្នា បានជាបងស្រីប្តេជ្ញាចិត្តធ្វើឲ្យទាល់តែបាន"។ រយៈពេលក្រោយៗមក បងស្រីថាច់ធីតាក់ ត្រូវបានតម្រូវមកប្រចាំការសមាគមសហពន្ធនារីស្រុកកូវកែ ប្រធានសមាគមកាកបាទក្រហមស្រុក រហូតដល់អនុប្រធានគណៈកម្មាធិការត្រួតពិនិត្យបក្សស្រុក មុនពេលបញ្ជូនទៅធ្វើប្រធានការិយាល័យជនជាតិស្រុកកូវកែកាលពីឆ្នាំ២០១៣។ ទោះបីក្នុងតួនាទីណាក៏ដោយ បងស្រីថាច់ធីតាក់ តែងអស់ពីចិត្តពីថ្លើមបម្រើការងារត្រូវបានថ្នាក់លើទំនុកចិត្តនិងប្រជាជនស្រឡាញ់រាប់អានជានិច្ច។

កូនស្រីច្បងរបស់បងស្រីថាច់ធីតាក់ បច្ចុប្បន្នបម្រើការនៅរណសិរ្សមាតុភូមិខេត្តត្រាវិញ កូនប្រុសក្រោយពីប្រឡងបញ្ចប់មហាវិទ្យាល័យសន្តិសុខ ត្រូវបានបញ្ជូនទៅបម្រើការនៅនគរបាលខេត្តត្រាវិញ។ ចំណូលពីប្រាក់បៀរវត្សរ៍របស់ប្តីប្រពន្ធបងស្រី រួមជាមួយនឹងប្រាក់ចំណូលបានមកពីដំណាំដូងនិងស្រែ៤កុង បងស្រីថាច់ធីតាក់ មានជីវភាពសុខដុមរមនា ប៉ុន្តែបងស្រីឲ្យដឹង៖ "នៅ២ខែទៀតបងចូលនិវត្តន៍ហើយ ប្រហែលជាបងសូមចូលរួមបម្រើការងារសង្គមជាបន្ត ពីព្រោះយើងនៅមានកម្លាំងមាំមួន ហើយថែមទាំងបានរួមចំណែកជួយមាមីង គឺយើងធ្វើរហូតលុះកាលណាធ្វើលែងរួចសឹមសម្រាក"៕

ហាថាញ់-លីសៀ

ចែករំលែកអត្ថបទ

ពាក្យគន្លឹះ