សន្តិសុខ - ការពារប្រទេស ការពារប្រទេស

09/06/2015 - 09:39

ប៉ុស្តិ៍ការពារព្រំដែនកាយគុងមានទំនុកចិត្តពីប្រជាជន

រយៈកាលកន្លង កម្មាភិបាលយុទ្ធជនប៉ុស្តិ៍ការពារព្រំដែនកាយគុង (ចំ ណុះកងទ័ពការពារព្រំដែនបាកលីវ) បានអនុវត្តការងារជាច្រើនជួយប្រជាជន ម៉្លោះហើយប៉ុស្តិ៍ត្រូវបានទទួលការស្រឡាញ់រាប់អានពីសំណាក់ប្រជាជន។

កម្មាភិបាល យុទ្ធជនប៉ុស្តិ៍ការពារព្រំដែនកាយគុង យាមត្បាតនៅមាត់សមុទ្រ។

ប៉ុស្តិ៍ការពារព្រំដែនកាយគុង មានទីតាំងនៅឃុំឡុងដៀងដុង ស្រុកដុងហាយ ខេត្តបាកលីវ។ ជាកន្លែងមានភូមិសាស្ត្រប្របមាត់សមុទ្រ ប៉ុស្តិ៍បានថ្នាក់លើប្រគល់ឲ្យគ្រប់គ្រងឃុំចំនួន៤របស់ស្រុកទាំងពីរ គឺស្រុកហ្វាប៊ិញនិងស្រុកដុងហាយ។ នេះជាភូមិសាស្រ្តមានប្រជាជនស្នាក់នៅបណ្តោះអាសន្នច្រើនកុះករ ដូច្នេះស្ថានភាពសន្តិសុខសណ្តាប់ស្នាប់ មានភាពស្មុគស្មាញណាស់ដែរ។ អាស្រ័យហេតុនោះ កម្មាភិបាល យុទ្ធជនប៉ុស្តិ៍ការពារព្រំដែនកាយគុង ត្រូវបំពេញការងារដែលប៉ុស្តិ៍ទទួលបន្ទុកផងនិងការងារសហការជាមួយផ្នែកនានាផង។

ក្នុងការទទួលបន្ទុកដ៏សំខាន់នោះ ក្នុងរយៈពេលកន្លងកម្មាភិបាល យុទ្ធជនប៉ុស្តិ៍ការពារព្រំដែនកាយគុង បានធ្វើកិច្ចសហការយ៉ាងជិតស្និទ្ធជាមួយគណៈ ផ្នែក អង្គការមហាជន រដ្ឋអំណាចភូមិភាគក្នុងការតស៊ូបង្ការបង្ក្រាបឧក្រិដ្ឋកម្មដើម្បីរក្សាសន្តិសុខសណ្តាប់ធ្នាប់សង្គម។ ឆ្លងតាមរយៈការងារវិជ្ជាជីវៈធ្វើកិច្ចសហការចាប់ពីឆ្នាំ២០១៤ មកដល់សព្វថ្ងៃ ប៉ុស្តិ៍ការពារព្រំដែនកាយគុង បានប្រទះឃើញនិងចាប់ខាត់ខ្លួនមុខសញ្ញា១ រូបជួញដូរគ្រឿងញៀន បំបែកបានល្បែងស៊ីសងទ្រង់ទ្រាយធំជាប់ពាក់ ព័ន្ធដល់មុខសញ្ញាចំនួន១៩នាក់ បង្ក្រាបនិងពិន័យទាន់ពេល៣ករណី បង្កឲ្យខូចសណ្តាប់ធ្នាប់សង្គម។ ក្នុងឆ្នាំ២០១៤ ប៉ុស្តិ៍ការពារព្រំដែនកាយគុង បានជួយសង្រ្គោះកប៉ាល់២គ្រឿង ដែលរងគ្រោះនៅក្នុងលំហសមុទ្រ វិលមកកាន់ដីគោកដោយសុវត្ថិភាពនិងចលនាអាជីវកម្មឧបត្ថម្ភ ប្រាក់មួយចំនួនជូនដល់នេសាទកររងគ្រោះទាំងនោះ បានវិលទៅស្រុកកំណើតជួបជុំគ្រួសារ។

កម្មាភិបាល យុទ្ធជនប៉ុស្តិ៍ការពារព្រំដែនកាយគុង នៅទាំងសកម្មចូលរួមការងារសុខុមាលភាពសង្គមនៅភូមិភាគ ដូចជាទទួលឧបត្ថម្ភគ្រួសារក្រីក្រ១គ្រួសារ ឧបត្ថម្ភសិស្សមានជីវភាពក្រលំបាក១រូប (៥០០ពាន់ដុង/ខែ) ឧបត្ថម្ភយុទ្ធជនពិការ១រូប (១លានដុង/ខែ) ចលនាស្ថាប័ន អាជីវកម្ម សប្បុរសជនជូនអំណោយ៦២០ចំណែក ជូនអង្ករប្រមាណ៧០០គីឡូក្រាមដល់គ្រួសារក្រីក្រ គ្រួសារជនរួមជាតិខ្មែរ ក្នុងឱកាសបុណ្យទានផ្សេងៗ។ អ្នកមីងហឺវធីសង ជនជាតិខ្មែរនៅភូមិកាយគុង អំណួតៈ "ពូៗនៅប៉ុស្តិ៍ការពារព្រំដែនមានចិត្តល្អណាស់ ជូនអង្ករ ជូនអំណោយដល់គ្រួសារខ្ញុំសឹងរាល់ឱកាសបុណ្យទាន។ ពូៗថែមទាំងជួយប្រជាជនទប់ ជើងស្ពានដែលស្រុតបើកទូលាយផ្លូវដី និងនាំក្រុមគ្រូពេទ្យចុះមកពិគ្រោះជម្ងឺ ជូនថ្នាំដោយឥតគិតថ្លៃដល់អ្នកក្រ"។ តាមប្រសាសន៍របស់លោកវរសេនីយ៍ត្រីឡេវៀកហ្វិញ ប្រធានប៉ុស្តិ៍ការពារព្រំដែនកាយគុង កិច្ចការដែលកម្មាភិបាល យុទ្ធជនម្នាក់ៗ បានជួយប្រជាជនថ្នាក់ដឹកនាំ ប៉ុស្តិ៍បានយល់ច្បាស់ ហើយបានចាត់ទុកនេះជាភារកិច្ចដ៏ត្រចះត្រចង់នៃកងទ័ពអ៊ំហូ។

លោកង្វៀនវុាំងសើុង អនុប្រធានគណៈកម្មាធិការប្រជាជនស្រុកហ្វាប៊ិញ បានឲ្យដឹង៖ "ថ្នាក់ដឹកនាំប៉ុស្តិ៍ការពារព្រំដែនកាយគុង នៅទាំងចាត់កម្លាំងជំនាញចូលរួមផ្សះផ្សារដោយជោគជ័យនូវករណីវិវាទ ប្តឹងផ្តល់ដែលនាំឲ្យស្មុគស្មាញក្នុងផ្ទៃក្នុងប្រជាជន ជាពិសេសនៅតំបន់ដែលមានជនរួមជាតិភាគតិចរស់នៅកុះករ"៕

ហឺវតុង -សុផល

ចែករំលែកអត្ថបទ

ពាក្យគន្លឹះ