15/07/2014 - 10:22

បណ្តែតប្រទីបគឺលក្ខណៈវប្បធម៌របស់ជនជាតិខ្មែរ

ពិ​ធី​បណ្តែត​ប្រ​ទីប​បាន​រៀប​ចំ​នៅ​ខេត្ត​សុក​ត្រាំង​​កន្លង​ហើយ​ មាន​អង្គ​ភាព​ចំ​នួន​១១​មក​ពី​បណ្តា​ស្រុក​ ទី​រួម​ខេត្ត​និង​ក្រុង​ចូល​រួម​។ ដោយ​មាន​គ្រោង​ប្រ​ទីប​ចំ​នួន​១១​គ្រឿង​ បាន​បណ្តែត​លើ​ព្រែក​ Maspero​ ខេត្ត​សុក​ត្រាំង​ ពិ​ធី​នេះ​មិន​ត្រឹម​តែ​បង្ក​បរិ​យា​កាស​ មាន​ពន្លឺ​ព្រោង​​ព្រាត​ប្លែក​ភ្នែក​ប៉ុណ្ណោះ​ទេ​ តែ​នៅ​ទាំង​មាន​លក្ខណៈ​ ដិត​ដាម​ដោយ​ អត្តសញ្ញាណ​ជាតិ​ទៀត​ផង​។

 ប្រទីបបានបណ្តែតលើព្រែក​Maspero

បណ្តែត​ប្រ​ទីប​ គឺ​ជា​ពិ​ធី​វប្ប​ធម៌​មួយ​ដ៏​អស្ចារ្យ​ជាប់​ទាក់​ទង​នឹង​ព្រះ​ពុទ្ធ​ សាស​នា​ និង​ការ​វិវ​ឌ្ឍន៍​ទៅ​តាម​លក្ខណៈ​សេដ្ឋ​កិច្ច​ សង្គម​កិច្ច​របស់​ជន​ជាតិ​ខ្មែរ​។ អា​ចារ្យ​មួយ​ចំ​នួន​ឲ្យ​ដឹង​ថា​ ពិ​ធី​បណ្តែត​ប្រ​ទីប​កើត​ឡើង​ដោយ​ជាប់​ទាក់​ទង​ទៅ​នឹង​ព្រះ​ពុទ្ធ​សាសនា​ សំ​ដៅគោ​រព​បូ​ជា​ចង្កូម​កែវ​ នៃ​ព្រះ​សម្មា​សម្ពុទ្ធ​ ដែល​ប្រ​តិ​ស្ឋាន​នៅ​ពិ​ភព​នាគ​។ ពិ​ធី​បណ្តែត​ប្រ​ទីប​ នេះ​ ក៏​ជា​សកម្ម​ភាព​មួយ​យ៉ាង​សំ​ខាន់​ផ្សារ​ភ្ជាប់​នឹង​ទិ​វា​បុណ្យ​អក​អំ​បុក​ ប្រ​ណាំង​ទូក​ង​ជា​រៀង​រាល់​ឆ្នាំ​របស់​ជន​ជាតិ​ខ្មែរ​និង​រំ​ឭក​គុណ​ ព្រះ​ធរ​ណី​ ព្រះ​គង្គារ​ដែល​បាន​ផ្តល់​ជីវ​ភាព​រស់​នៅ​សុខ​សាន្ត​ កិច្ច​ការ​រក​ស៊ី​ចម្រុង​​ចម្រើន​និង​ផ្សង​ជួប​តែ​សំ​ណាង​ល្អ​។​

​ កាល​ពី​ដើម​ គ្រោង​ប្រ​ទីប​ត្រូវ​បាន​ជន​រួម​ជាតិ​ខ្មែរ​ដង្ហែ​ទៅ​បណ្តែត​តាម​​ទឹក​ ហើយ​ភាគ​ច្រើន​មាន​លក្ខណៈ​ដូច​ក្បូន​ ធ្វើ​ពី​ដើម​ចេក​ឬ​ក៏​ឫស្សី​ មាន​​សណ្ឋាន​ជា​ប្រា​សាទ​និង​រូប​សត្វ​ផ្សេង​ៗ​ ព្រម​ទាំង​មាន​រចនា​ដោយ​ក្បូរ​​ក្បាច់​រំ​លេច​ពណ៌​ចម្រុះ​ល្អ​វិ​ចិត្រ​​ខាង​ក្នុង​គ្រោង​ប្រ​ទីប​មាន​អុជ​ទៀន​បូ​ជា​ ។ គ្រោង​ប្រ​ទីប​ភាគ​ច្រើន​ដង្ហែ​ទៅ​បណ្តែត​នៅ​តាម​ព្រែក​ប្រ​ឡាយ​កន្លែង​ ដែល​សហគមន៍​ជន​រួម​ជាតិ​ខ្មែរ​តាំង​ទី​លំ​នៅ​។ ពិ​ធី​ដង្ហែ​ប្រ​ទីប​នៅ​តាម​​ភូមិ​ស្រុក​មាន​ទាំង​ឆៃ​យ៉ាំ​និង​ភ្លេង​ពិណ​ពាទ្យ​កំ​ដរ​ ញ៉ាំង​ឲ្យ​បរិ​យា​កាស​នៃ​ពិ​ធី​បណ្តែត​ប្រ​ទីប​កាន់​តែ​ឱ​ឡា​រិក​។ ពិ​ធី​បណ្តែត​ប្រ​ទីប​បាន​ក្លាយ​ជា​ពិ​ធី​បុណ្យ​ប្រ​ជា​ប្រិយ​​ប្រ​ពៃ​ណី​មួយ​ប្រ​កប​ដោយ​កត្តា​វប្ប​ធម៌​ និង​ការ​ជំ​នឿ​បង្ហាញ​ពី​ការ​យល់​ដឹង​របស់​ជន​ជាតិ​ខ្មែរ​ចំ​ពោះ​បរិ​ស្ថាន​ធម្ម​ជាតិ​ និង​លក្ខណៈ​រស់​នៅ​ជា​មួយ​នឹង​គោល​បំ​ណង​ឈាន​ទៅ​រក​អនា​គត​រុង​រឿង​។
  បច្ចុ​ប្ប​ន្ន​ គ្រោង​ប្រ​ទីប​ត្រូវ​បាន​ស្អិត​ស្អាង​យ៉ាង​ភ្លឺ​ភ្លេក​ អា​ស្រ័យ​ដោយ​​មាន​អំ​ពូល​ភ្លើង​អគ្គិ​ស​នី​ពណ៌​។ ឆ្លង​តាម​រយៈ​ថ្វី​ដៃ​ច្នៃ​ប្រ​តិដ្ឋ​របស់​សិប្ប​​ករ​ខ្មែរ​ គ្រោង​ប្រ​ទីប​សម័យ​បច្ចុ​ប្បន្ន​មាន​រូប​សណ្ឋាន​ល្អ​ដ៏​អស្ចារ្យ​ និង​គួរ​​ឲ្យ​ចាប់​អារម្មណ៍​ដូចៈ​ ប្រា​សាទ​ ព្រះ​វិ​ហារ​ នាគ​។ល។​ មក​ចូល​រួម​ក្នុង​ពិ​ធី​​ប្រ​ឡង​បណ្តែត​ប្រ​ទីប​ មិន​ត្រឹម​តែ​បាន​ទស្ស​នា​ប្រ​ទីប​ដ៏​ល្អ​ស្អាត​ប៉ុណ្ណោះ​ទេ​ តែ​នៅ​ទាំង​បាន​ស្តាប់​ការ​រៀប​រាប់​ពី​ប្រ​វត្តិ​នៃ​ការ​បណ្តែត​ប្រ​ទីប​និង​ការ​អត្ថា​ធិ​ប្បាយ​អំ​ពី​សោ​ភណ​ភាព​ និង​អត្ថ​ន័យ​របស់​ប្រ​ទីប​នី​មួយ​ៗ​ ដែល​​បាន​ចូល​រួម​ប្រ​ឡង​ទៀត​ផង​។ ប្រ​ជា​ជន​រាប់​ពាន់​នាក់​ទាំង​ក្នុង​និង​​ក្រៅ​ខេត្ត​បាន​មក​ទស្ស​នា​ពិ​ធី​បណ្តែត​ប្រ​ទីប​ ដែល​រំ​លេច​ដោយ​ពណ៌​​ចម្រុះ​បណ្តែត​លើ​ព្រែក​ Maspero​ នា​ថ្ងៃ​ពេញ​បូណ៌​មី​ ខែ​កត្តិក​។ ពិ​ធី​​បណ្តែត​ប្រ​ទីប​លើក​នេះ​ គឺ​ជា​ការ​កត់​សម្គាល់​នៃ​ការ​អភិវឌ្ឍន៍​ឥត​ឈប់​​ឈរ​របស់​ពិ​ធី​នេះ​ ហើយ​សន្សឹម​ៗ​ក្លាយ​ជា​លក្ខណៈ​វប្ប​ធម៌​មួយ​ដ៏​ប្រ​​ណីត​របស់​ខេត្ត​សុក​ត្រាំង​ ដោយ​មាន​ជន​ជាតិ​ទាំង៣​គឺ កិញ ខ្មែរ ចិន សាមគ្គីរួមរស់ជាមួយគ្នា៕

យ្វីអាន់-វិមាន

ចែករំលែកអត្ថបទ
ពាក្យគន្លឹះ
ព្រែក​Maspero