គោលនយោបាយ -ការរស់នៅ គោលនយោបាយ

12/08/2014 - 09:54

សន្តានចិត្តរបស់លោកផឹង

ជាមួយនឹងទឹកចិត្តនិងទង្វើសប្បុរស ជានិច្ចកាលតែងឧបត្ថម្ភអ្នកក្រលំបាក ម្ល៉ោះហើយជាច្រើនឆ្នាំកន្លងមកនេះ លោកឡឹមវាំុងផឹង នៅភូមិតាក់យ៉ុង ឃុំថាមដូង ស្រុកមីស្វៀង ខេត្តសុកត្រាំង ត្រូវបានមាមីងកោតសរសើរនិងគោរពរាប់អាន។

ពូឡឹមវាំុងធឹង តែងមកសួរសុខទុក្ខដល់ប្រជាជនក្រីក្រនៅភូមិភាគ។

លោកទ្រឿងវាំុងតឹង អនុប្រធានគណៈកម្មាធិការប្រជាជនឃុំថាមដូង ឲ្យដឹងៈ "ឆ្នាំ២០១៣ ពូផឹងបានចែកអង្ករជូនអ្នកក្រនៅឃុំថាមដូង ជិត២៣តោន ហេីយជារៀងរាល់ឆ្នាំពូថែមទាំងឧបត្ថម្ភទឹកប្រាក់ជូនអ្នកក្រព្យាបាលជំងឺប្រមាណ១៥០លានដុង ម្ល៉ោះហើយមាមីងនៅទីនេះ អ្នក ណាក៏គោរពស្រឡាញ់ និងដឹងគុណលោកទាំងអស់។

ធ្លាប់ជាអ្នកឧស្សាហ៍ព្យាយាមធ្វើការរកស៊ី ម្ល៉ោះហើយផ្តើមពីដីស្រែ៨ កុងដែលឪពុកម្តាយចែកឲ្យក្រោយពីពេលរៀបការមកដល់សព្វថ្ងៃ គ្រួសារលោកមានដីស្រែចំនួន៦០កុង។ ពេលនិយាយពីសកម្មភាពសប្បរសធម៌ លោកផឹង ឲ្យដឹងៈ" ពេលប្រពន្ធខ្ញុំស្លាប់កូនប្រុសពៅរបស់ខ្ញុំនៅតូច បីនាក់ឪពុកនឹងកូនរស់នៅដោយលំបាក។ ធ្វើស្រែឬក៏ដាំដំណាំមិនសូវបានផលប៉ុន្មាន ដូច្នេះពេលនេះខ្ញុំយល់ច្បាស់ណាស់នូវការលំបាករបស់អ្នកក្រ។ ឥឡូវពេលកូនៗធំដឹងក្តីមានការងារធ្វើលំនឹងជីវភាពគ្រួ សារបានធូរធារ ខ្ញុំក៏ខំរកវិធីជួយមាមីងដើម្បីរួមគ្នាឆ្លងកាត់ការលំបាក"។ ចាប់ពីពេលនោះមកលោកផឹង យកដីស្រែ២កុងដាំដើមប្រេងខ្យល់និងដីចម្ការ២កុងដាំចេក បន្លែបង្ការចិញ្ចឹមត្រី។ល។ ជាង១០ឆ្នាំមកនេះ ពេល គ្រួសារក្រីក្រណាត្រូវការឈើសង់ផ្ទះ លោកផឹងតែងឲ្យគ្រួសារទាំង នោះកាប់ដើមប្រេងខ្យល់ទៅធ្វើសសរផ្ទះ ឬក៏ឲ្យភូមិកាប់យកទៅធ្វើស្ពាន ដើម្បីធ្វើដំណើរទាំងអស់គ្នា គ្រួសារណាគ្មានបាយហូប គឺលោកឲ្យអង្ករ អ្នកក្រណាឈឺថ្កាត់ គឺលោកឲ្យប្រាក់ទៅព្យាបាលជំងឺ អ្នកណា គ្មានបន្លែបង្ការបរិភោគ គឺលោកហៅមកចម្ការបេះ ឬក៏បង់សំណាញ់យកទាំងត្រីទៅផ្ទះធ្វើម្ហូបអាហារ។ល។

បងស្រីត្រឹងធីសារឿន រៀបរាប់ៈ" កន្លងមុននេះ៣ឆ្នាំ នាងខ្ញុំវះកើតកូនក្រៅស្បូន ផ្ទះគ្មានអង្ករដណ្តាំបាយហូប វះបាន៥ថ្ងៃនាងខ្ញុំទៅដឹកអញ្ចង ។ ពេលឃើញនាងខ្ញុំចុះទឹក ពូផឹងហៅឡើងរួចយកអង្ករ១ការុង ព្រមទាំងទឹកប្រាក់ ត្រីទៅឲ្យដល់ផ្ទះ។ ថ្មីៗនេះ ពូនៅទាំងឲ្យដើមប្រេងខ្យល់ សង់ផ្ទះទៀតផង"។ ចំណែកបងស្រីឡឹមមា៉រីកា ឲ្យដឹងៈ" ថ្មីៗនេះដឹងថា កូននាងខ្ញុំកើតរោគកញ្រ្ជឹល ហើយគ្មានប្រាក់ព្យាបាល ពូបានមកដល់ផ្ទះឲ្យប្រាក់នាងខ្ញុំ៣០០.០០០ដុង ដើម្បីនាំកូនទៅព្យាបាល។ បច្ចុប្បន្ន កូននាងខ្ញុំបានជាសះស្បើយឡើងវិញ គ្រួសារនាងខ្ញុំដឹងគុណពូផឹងខ្លាំង ណាស់"។

លោកផឹង ជាអ្នកខ្នះខ្នែងក្នុងការចលនាប្រជាជនរួមវិភាគទានកសាងជនបទថ្មី។ ជាច្រើនឆ្នាំកន្លង លោកបានចលនាប្រជាជននិងវង្សត្រកូលរបស់លោករួមវិភាគទានរាប់រយលានដុង ដើម្បីកសាងផ្លូវនិងស្ពានជនបទ។ ជាក់ស្តែងសព្វថ្ងៃលោកបានរួមវិភាគទានកសាងផ្លូវជនបទ១០០០ម៉ែត្រ ស្ពានបេតុង៣កន្លែង។ មិនត្រឹមតែដូច្នេះ លោកនៅទាំងចេញមុខកសាងបង្គោលទង់ចំនួន៨០ដើម នៅភូមិតាក់យ៉ុង ដើម្បីអបអរសាទរថ្ងៃបុណ្យធំៗ រួមចំណែកស្អិតស្អាងលំអភូមិស្រុក។ លោកផឹង មានប្រ សាសន៍ៈ"មាមីងទុកចិត្តទើបជ្រើសខ្ញុំធ្វើជាអ្នកមានប្រជាប្រិយភាព ម្ល៉ោះ ហើយការងារណាជួយមាមីង គឺខ្ញុំខិតខំដោយអស់ពីសមត្ថភាព។ ប្រសិនមាមីងមានក្តីសប្បាយរីករាយ និងមានសុភមង្គល គឺខ្ញុំក៏មានសេចក្តីសប្បាយរីករាយជាមួយដែរ"។

ចំពោះគ្រួសារ លោកផឹងគឺជាឪពុកគំរូ។ កូនៗរបស់លោក សុទ្ធតែសុភាពរាបសា រៀនសូត្របានចប់ចុងចប់ដើមនិងមានការងារធ្វើលំនឹង។ ពូផឹងឲ្យដឹងៈ" ឃើញកូនៗបានសម្រេចផលនិងមានជីវភាពធូរធារ ម្ល៉ោះហើយខ្ញុំពេញចិត្តណាស់។ សព្វថ្ងៃខ្ញុំកំពុងត្រៀមបម្រុងកសាងស្ពានជន បទមួយខ្សែប្រវែង២០ម៉ែត្រ និងផ្លូវដានមួយប្រវែងជាង២៥០ម៉ែត្រតភ្ជាប់រវាងភូមិស៊ុងកាយនិងតាក់យ៉ុង។ ពេលកសាងបានសម្រេចជាស្ថាពរ មាមីងសិស្សានុសិស្សធ្វើដំណើរទៅមក និងជួញដូរទំនិញបានងាយ ស្រួល"។ ជាមួយនឹងទង្វើពោរពេញទៅដោយអត្ថន័យ ដើម្បីជួយអ្នកក្រ និងកសាងភូមិស្រុកពីមួយថ្ងៃទៅមួយថ្ងៃឲ្យកាន់តែរីកចម្រើន លោកផឹង ទើបតែបានគណៈកម្មាធិការប្រជាជនខេត្តសុកត្រាំង ជូនប័ណ្ណសរសើរ ពីព្រោះមានស្នាដៃឆ្នើមក្នុងការរួមវិភាគទានកសាងជនបទថ្មី៕

លីធាន-សឺនម៉ាល័យ

ចែករំលែកអត្ថបទ

ពាក្យគន្លឹះ