គោលនយោបាយ -ការរស់នៅ គោលនយោបាយ

29/09/2015 - 15:21

គិតគូរជីវភាពជនរួមជាតិភាគតិច

អូរម៉ូង គឺជាភូមិភាគដែលមានជនរួមជាតិខ្មែររស់នៅកុះកររបស់ក្រុងកឹងធើ។ រយៈពេលកន្លងបានការយកចិត្តទុកដាក់របស់បក្សនិងរដ្ឋ ជីវភាពជនរួមជាតិខ្មែរនៅទីនេះ ពីមួយថ្ងៃទៅមួយថ្ងៃកាន់តែរីកចម្រើន។

ដងផ្លូវចុះទៅតំបន់មានជនរួមជាតិខ្មែររស់នៅកុះករសង្កាត់ត្រឿងឡាក ខ័ណ្ឌអូរម៉ូង។

សព្វថ្ងៃ ទូទាំងខ័ណ្ឌអូរម៉ូង មានជនជាតិខ្មែរ១.០៩៦គ្រួសារចំនួនមនុស្ស៥.១០៤នាក់ស្រូបអត្រា៣,៨២%នៃចំនួនប្រជាជនរួមទូទាំងខ័ណ្ឌ។ មាមីងជនជាតិខ្មែររស់នៅប្រកបរបរកសិកម្មជាចម្បង។ មាមីងខ្មែរសុទ្ធសឹង មានប្រវេណីកាន់ពុទ្ធសាសនាទក្ខិណានិកាយខ្មែរ ម្ល៉ោះហើយខ័ណ្ឌអូរម៉ូង មានវត្តខ្មែរចំនួន២ ក្នុងនោះ វត្តពោធិសំរោង បានទទួលស្គាល់ជាកេរដំណែលប្រវត្តិសាស្រ្តវប្បធម៌ថ្នាក់ក្រុង។ ជាកន្លែងព្រះសង្ឃបួសរៀន ប្រតិបត្តិធម៌អាថ៌ វិន័យនិងជាមជ្ឈមណ្ឌលសកម្មភាពវប្បធម៌ ប្រវេណីរបស់ជនរួមជាតិខ្មែរ។ យោងប្រសាសន៍របស់លោកដាំងវាំុងថើម ប្រធានការិយាល័យជនជាតិខ័ណ្ឌអូរម៉ូង៖ រយៈពេលកន្លង កិច្ចការជំនួយផ្ទះ ដីសង់ផ្ទះ តែងបានគណៈកម្មាធិការបក្ស រដ្ឋអំណាចគ្រប់លំដាប់ថ្នាក់ រណសិរ្សមាតុភូមិវៀតណាម ខ័ណ្ឌ អង្គការមហាជនគ្រប់លំដាប់ថ្នាក់ ផ្ដោតការយកចិត្តទុកដាក់អនុវត្ត។ គិតដោយឡែកកម្មវិធីជាតិស្ដី ពីផ្ទះនៅខ័ណ្ឌជំនួយសង់ផ្ទះបាន៨៦៦ខ្នង ក្នុងនោះ ផ្ទះសង់តាមសេចក្ដីសម្រេច១៣៤របស់រដ្ឋាភិបាល គឺ៧៥៩ខ្នង ផ្ទះសប្បុរសធម៌១១ខ្នង ផ្ទះមហាសាមគ្គី៩៦ខ្នង ជូនគ្រួសារក្នុងក្របខ័ណ្ឌគោលនយោបាយគ្រួសារជនជាតិភាគតិចក្រីក្រ សរុបតម្លៃទឹកប្រាក់ជិត៦ពាន់លានដុង។ គិតដោយឡែកក្នុងឆ្នាំ២០១៤ ខ័ណ្ឌបានជំនួយសង់ផ្ទះ៣ខ្នងជូនគ្រួសារជនជាតិខ្មែរក្រីក្រ ក្នុងមួយខ្នងៗមានតម្លៃ៣៤លានដុង។ អាស្រ័យហេតុ ដូច្នោះចំពោះបញ្ហាផ្ទះនៅក្នុងតំបន់ជនជាតិភាគតិចលើភូមិសាស្រ្ត ខ័ណ្ឌត្រូវបានដោះស្រាយល្អបង្គួរ។ អនុវត្តគោលការណ៍ណែនាំរបស់គណៈកម្មាធិការបក្ស ខ័ណ្ឌបានកសាងមណ្ឌលតាំងទីលំនៅជូនជនជាតិភាគតិច សរុបផ្ទៃដីជិត៧០០០ម២ ចំនួនថវិកាវិនិយោគទុនដែលបានគណៈកម្មាធិការប្រជាជនក្រុងផ្ដល់សច្ចាប័នជាង៦ពាន់លានដុង ដោយមានចំនួន៨០ធារផ្ទះ។ គណៈកម្មាធិការប្រជាជនខ័ណ្ឌ បានធ្វើសំណុំបែបបទផ្ដល់ជូន២២គ្រួសារ គ្រប់បទដ្ឋានទទួលប្រយោជន៍ពីកម្មវិធីនេះ។ ផ្ដើមពីនោះ បានបង្កភាពងាយស្រួលជូនខ័ណ្ឌដោះស្រាយជាសារវ័ន្តនូវតម្រូវការផ្ទះនៅជូនជនរួមជាតិភាគតិច។

ឆ្លងតាមរយៈប្រភពទុននានារបស់មជ្ឈិម ក្រុងនិងកម្មវិធីឥណទាននានា របស់ធនាគារគោលនយោបាយសង្គម និងប្រភពទុនបានមកពីការចលនារបស់អង្គការមហាជនជំនួយសមាជិកជាជនជាតិភាគតិច បុលទុនជាង១.០០០លើក ដោយចំនួនទឹកប្រាក់ជាង៦ពាន់លានដុង (មធ្យមភាគក្នុងមួយគ្រួសារបុលបានពី៥ដល់៧លានដុង)។ ទន្ទឹមនឹងនោះ គួបផ្សំជាមួយនឹងការផ្ទេរជូន ណែនាំអនុវត្តវិទ្យាសាស្រ្តជឿនលឿនក្នុងការផលិតមធ្យមភាគរៀងរាល់ឆ្នាំមានជនជាតិភាគតិចចូលរួមបុលជាង១០០លើកគ្រួសារ។ ផ្ដើមពីលទ្ធផលវិនិយោគទុនខាងលើបានជួយឲ្យជីវភាពជនរួមជាតិភាគតិចបានលើកកម្ពស់ច្បាស់ក្រឡែត។ អត្រាគ្រួសារក្រីក្របានថយចុះជាលំដាប់រៀងរាល់ឆ្នាំ។ សព្វថ្ងៃទូទាំងខ័ណ្ឌមានគ្រួសារខ្មែរធូរធារ២១៤គ្រួសារ ស្រូបអត្រា១៩,៥២% គ្រួសារមធ្យម៦៧៦គ្រួសារ ស្រូបអត្រា៦១,៦៧%និងគ្រួសារក្រីក្រនៅតែ២០៦គ្រួសារ ស្រូបអត្រា១៨,៧៩%។ លោកលីវ៉ូយ សង្កាត់ត្រឿងឡាក ឲ្យដឹង៖ "អាស្រ័យបានរដ្ឋជំនួយទើបគ្រួសារខ្ញុំចាកផុតពីភាពក្រីក្រ កូនចៅបានរៀនសូត្រត្រឹមត្រូវ"៕

ហាថាញ់ - សេរី

ចែករំលែកអត្ថបទ

ពាក្យគន្លឹះ