ព្រឹត្តិការណ៍ - នយោបាយ ព្រឹត្តិការណ៍

10/09/2026 - 15:02

VTV៥ ចាត់តាំងសិក្ខាសាលានិងហ្វឹកហាត់ការអនុវត្តបញ្ញាសិប្បនិម្មិតក្នុងការផលិតព័ត៌មាន បទពិពណ៌នានិងជំរុញការចងសម្ព័ន្ធចាក់ផ្សាយ

នៅព្រឹកថ្ងៃទី១០ ខែកញ្ញា ឆ្នាំ២០២៦ នៅវ៉ុងតាវ មជ្ឈមណ្ឌលសារគមនាគមន៍ជនជាតិនិងជនបទ(VTV៥) ស្ថានីយទូរទស្សន៍វៀតណាម បានចាត់តាំងកម្មវិធីសិក្ខាសាលានិងវគ្គបំប៉នវិជ្ជាជីវៈក្រោមប្រធានបទ “អនុវត្តកម្មវិធីបញ្ញាសិប្បនិម្មិតក្នុងការផលិតព័ត៌មាននិងបទពិពណ៌នាដោយទម្រង់ការិយាល័យនិពន្ធមូលជុំនិងសហការផលិត កម្មវិធីលើប៉ុស្តិ៍VTV៥”។ អញ្ជើញចូលរួមវគ្គហ្វឹកហាត់មានថ្នាក់ដឹកនាំ អ្នកយកព័ត៌មាន អ្នករៀបរៀងប៉ុស្តិ៍ VTV៥ ព្រមទាំងអ្នកយកព័ត៌មាន អ្នករៀបរៀងតំណាងស្ថាប័នកាសែតនិងវិទ្យុ ទូរទស្សន៍តំបន់ភាគខាងត្បូង។

ថ្លែងការណ៍បើកវគ្គ លោកឡេហុងមិញ នាយករងមជ្ឈមណ្ឌលសារគមនាគមន៍ជនជាតិនិងជនបទ(VTV៥) បានបញ្ជាក់ច្បាស់អំពីទិសដៅរបស់ប៉ុស្តិ៍ក្នុងដំណាក់កាលថ្មី ក្នុងនោះ ចំណុចសំខាន់គឺរឹតបន្តឹងយន្តការសហការផលិត ដោះដូរខ្លឹមសារនិងការទាញយកអត្ថបទព័ត៌មានជាមួយអង្គភាពកាសែតនិងវិទ្យុ ទូរទស្សន៍នៅតាមភូមិភាគ មានដូច៖ កឹងធើ ដុងណាយ អាងយ៉ាង វិញឡុងនិងកាម៉ាវ។ ការឯកភាពគ្នាចំពោះលក្ខន្តិកៈសហការមិនត្រឹមតែលើកកម្ពស់គុណភាពព័ត៌មាន ជាពិសេសកម្មវិធីផ្សាយភាសាខ្មែរ រួមចំណែកកសាងប្រព័ន្ធអេកូឡូស៊ីព័ត៌មានជាបន្តបន្ទាប់ ច្បាមទម្រង់ការិយាល័យនិពន្ធមូលជុំ។

ទិដ្ឋភាពវគ្គហ្វឹកហាត់។

ចំណុចលេចធ្លោនៃវគ្គបំប៉នវិជ្ជាជីវៈលើកនេះ គឺជាប្រធានបទស៊ីជម្រៅអំពីការអនុវត្តបញ្ញាសិប្បនិម្មិតក្នុងការប្រតិបត្តិការសារព័ត៌មាន ណែនាំដោយលោក ផាមតឹងអាញវ៉ូវ ប្រធានតំណាងតំបន់ភាគខាងត្បូង ក្រុមហ៊ុនភាគហ៊ុនដំណោះស្រាយបញ្ញាសិប្បនិម្មិតវៀតណាម(VAIS)។ សិក្ខាកាមទាំងឡាយបានធ្វើបច្ចុប្បន្នភាពចំណេះដឹងអំពីការជ្រើសរើសឧបករណ៍បញ្ញាសិប្បនិម្មិត មានដូច៖ ChatGPT, Gemini, Copilot 365។ល។ ដោយផ្អែកលើលក្ខណៈពិសេសនៃភាសាវៀតណាមនិងបរិបទសារព័ត៌មាន។ ក្នុងក្របខ័ណ្ឌវគ្គសិក្សា សិក្ខាកាមបានដំណើរការអនុវត្តជាក្រុម ដោយប្រើប្រាស់ផ្ទាល់នូវឧបករណ៍បញ្ញាសិប្បនិម្មិត ដូចជា Memobot (បំប្លែងសំឡេងទៅជាអត្ថបទ) បញ្ញាសិប្បនិម្មិតនៅទាំងជួយសរសេរសាច់រឿង រៀបរៀងបទអត្ថាធិប្បាយនិងបង្កើតក្រាហ្វិកដើម្បីផលិតព័ត៌មាននិងបទពិពណ៌នាខ្លីៗអំពីប្រធានបទកសិកម្ម ជនបទ ជនជាតិនៅណាមបូ។

សិក្ខាកាមចូលរួមវគ្គហ្វឹកហាត់ដំណើរការអនុវត្តលើកម្មវិធីបញ្ញាសិប្បនិម្មិត។

កម្មវិធីវគ្គហ្វឹកហាត់នេះ ប្រព្រឹត្តទៅចាប់ពីថ្ងៃទី១០ដល់ថ្ងៃទី១២ ខែកញ្ញា ឆ្នាំ២០២៦ មិនត្រឹមតែផ្តល់បំណិនអនុវត្តបច្ចេកវិទ្យាជាក់ស្តែង នៅទាំងបើកទិសដៅថ្មីក្នុងការធ្វើឱ្យប្រសើរបែបបទផលិតព័ត៌មាន។ តាមរយៈនោះ VTV៥ រួមជាមួយប៉ុស្តិ៍វិទ្យុ ទូរទស្សន៍តំបន់ភាគខាងត្បូង រំពឹងថានឹងបង្កើតបានផលិតផលសារព័ត៌មានប្រកបដោយគុណភាពខ្ពស់ ឆ្លើយតបតម្រូវការព័ត៌មានរបស់ទស្សនិកជនបានឆាប់រហ័ស ពិសេសគឺមាមីងនៅតំបន់ជនជាតិភាគតិចក្នុងយុគ្គសម័យឌីជីថល៕

ថាញហ៊ុង-មុនី

ចែករំលែកអត្ថបទ

ពាក្យគន្លឹះ