ព្រឹត្តិការណ៍ - នយោបាយ ព្រឹត្តិការណ៍

07/09/2026 - 17:52

ចេញដំណើររួមសាងសង់និងជួសជុលផ្ទះ ១២៥ ខ្នង ជូនកូនបង្កើតរបស់អ្នកដែលបានចូលរួមតស៊ូក្នុងសម័យសង្គ្រាម រងផលប៉ះពាល់ដោយសារធាតុគីមីពុល

(អ.ឡ) - ថ្ងៃទី៧ ខែកញ្ញា គណៈចាត់តាំងបំបាត់ផ្ទះបណ្តោះអាសន្ន ផ្ទះទ្រុឌទ្រោមជូនកូនបង្កើតរបស់អ្នកដែលបានចូលរួមតស៊ូក្នុងសម័យសង្គ្រាម រងផលប៉ះពាល់ដោយសារធាតុគីមីពុល នៅលើភូមិឋានទីក្រុងកឹងធើ បានចាត់តាំងពិធីចេញដំណើរដើម្បីសាងសង់និងជួសជុលផ្ទះ ១២៥ ខ្នង។ ក្នុងនោះ សាងសង់ថ្មី ៦៥ ខ្នងនិងជួសជុល ៦០ ខ្នង។

គណៈប្រតិភូចូលរួមពិធីចេញដំណើរជួយសាងសង់និងជួសជុលផ្ទះជូនកូនបង្កើតរបស់អ្នកដែលចូលរួមតស៊ូក្នុងសម័យសង្គ្រាម រងផលប៉ះពាល់ដោយសារធាតុគីមីពុលនៅឃុំភឿងប៊ិញ។

លោកវឿងក្វឹកណាម សមាជិកគណៈកម្មាធិការបក្សទីក្រុង អនុប្រធានគណៈកម្មាធិការប្រជាជនទីក្រុងកឹងធើ; លោកស្រី ទ្រីវធីង៉ុកយីម អនុប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ; លោកង្វៀងមិញធឿង អនុប្រធានមន្ទីរមហាផ្ទៃទីក្រុង ព្រមទាំងថ្នាក់ដឹកនាំអង្គភាពនិងភូមិភាគនានា បានអញ្ជើញចូលរួមពិធីចេញដំណើរនៅឃុំភឿងប៊ិញ។

ជំនួសមុខគណៈប្រចាំការនៃគណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុង លោកវឿងក្វឹកណាម សមាជិកគណៈកម្មាធិការបក្ស អនុប្រធានគណៈកម្មាធិការប្រជាជនទីក្រុងកឹងធើ បានជូនអំណោយដល់តំណាងកងពលតូចកាំភ្លើងធំការពារអាកាសលេខ ២២៦។

ថ្លែងការណ៍ក្នុងពិធីចេញដំណើរ លោកឡេញឺឡេ អនុលេខាគណៈកម្មាធិការបក្សឃុំ ប្រធានគណៈកម្មាធិការប្រជាជនឃុំភឿងប៊ិញ បានថ្លែងអំណរគុណចំពោះការយកចិត្តទុកដាក់របស់គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុង ព្រមទាំងកងកម្លាំងនានាដែលបានចូលរួមបំបាត់ផ្ទះបណ្តោះអាសន្ន ផ្ទះទ្រុឌទ្រោម ដល់មុខសញ្ញាជាកូនបង្កើតរបស់អ្នកដែលបានចូលរួមតស៊ូក្នុងសម័យសង្គ្រាម រងផលប៉ះពាល់ដោយសារធាតុគីមីពុលនៅក្នុងភូមិឋានឃុំ។ ទន្ទឹមនឹងនោះ បានស្នើឱ្យគ្រប់ស្ថាប័ន គណៈ ផ្នែក អង្គការមហាជនរបស់ឃុំនិងកងកម្លាំងដែលចូលរួមជួយសាងសង់និងជួសជុលផ្ទះ ដោយកំណត់ច្បាស់ថា នេះជាភារកិច្ចនយោបាយដ៏សំខាន់មួយ លើកកម្ពស់ស្មារតីទទួលខុសត្រូវ អនុវត្តការងារសាងសង់និងជួសជុលផ្ទះឱ្យត្រឹមត្រូវតាមល្បឿនដំណើរការ ព្រមទាំងធានាសុវត្ថិភាពជាដាច់ខាត។

បន្ទាប់ពីពិធីចេញដំណើរ កម្មាភិបាល យុទ្ធជននៃកងពលតូចកាំភ្លើងធំការពារអាកាសលេខ ២២៦ និងកម្មាភិបាល យុទ្ធជននៃកងកម្លាំងប្រដាប់អាវុធឃុំភឿងប៊ិញ ចូលរួមជួយគ្រួសារប្រជាជនសាងសង់និងជួសជុលផ្ទះបាន ៨ ខ្នង។

ថ្នាក់ដឹកនាំគណៈកម្មាធិការប្រជាជនទីក្រុង គណៈកម្មាធិការរណសិរ្សមាតុភូមិវៀតណាមទីក្រុង មន្ទីរមហាផ្ទៃទីក្រុង ព្រមទាំងអង្គភាពនិងភូមិភាគនានា ថតរូបជាមួយកងកម្លាំងដែលចូលរួមជួយសាងសង់និងជួសជុលផ្ទះនៅឃុំភឿងប៊ិញ។

យោងតាមបញ្ជាការដ្ឋានយោធាទីក្រុងកឹងធើ ចាប់ពីថ្ងៃទី៧ ដល់ថ្ងៃទី១៧ ខែកញ្ញា កម្មាភិបាល យុទ្ធជនកងកម្លាំងប្រដាប់អាវុធយោធភូមិភាគ៩ កងប្រជាការពារ នគរបាល កងកម្លាំងការពារសន្តិសុខនិងសណ្តាប់ធ្នាប់នៅមូលដ្ឋាន ព្រមទាំងសមាជិកអង្គការមហាជននានាចំនួន ១.៥០០នាក់ នឹងចូលរួមជួយគ្រួសារប្រជាជនសាងសង់និងជួសជុលផ្ទះនៅឃុំ សង្កាត់ចំនួន ៤៧។ ក្នុងនោះ មានកម្មាភិបាល និងយុទ្ធជន ៣០០នាក់ មកពីកងពលតូចកាំភ្លើងធំការពារអាកាសលេខ ២២៦ កងពលតូចព័ត៌មានលេខ ២៩ និងកងពលធំលេខ ៣៣០។ ផ្ទះសាងសង់ថ្មីមួយខ្នងមានតម្លៃទឹកប្រាក់ ១០០ លានដុង ចំណែកជួសជុលផ្ទះមួយខ្នងមានតម្លៃទឹកប្រាក់ ៥០ លានដុង៕

ផាមទ្រុង - ពេជ្រសឿន

ចែករំលែកអត្ថបទ

ពាក្យគន្លឹះ